السلام عليكم ورحمه الله وبركاته،،
حبيت احذركم من محل فيفتي ون ايست
صار لي موقف معاهم وطبعا كالعاده القطريين يفكرونهم اغبياء ومايفهمون، المهم وانا داخله المحل رشوا لي عطر في عباتي ،وبعدين طلعت من المحل ولفيت المجمع وبعد ساعه شريت العطر منهم لان ريحته حلوة ولازالت في عباتي
المهم ثاني يوم رشيت من العطر الا ريحته خايسه جنها صبغ، وبعد يومين رحت للمحل وقلت للموظفين شمو العطر وبالفعل كان في فرق هم حسو فيه، جان ينادون المدير المصري وطبعا استعبط علي قال الموظفين يقولون ان العطر نفس الشي لكن انا بخاطب الشركه وبعد يومين برد عليج لان مقدر استرجع فلوسج ولا اعطيج عطر غيره لان العلبه مش مع العطر، قلت له طيب الفاتورة موجوده
طبعا مارضى وقالي بنرد عليج وانتظر وانتظر محد رد واروح لهم جان تقابلني اللبنانيه ويستمر مسلسل الاستعباط على القطريين جان تقولين اصلا معروف ان الtester ريحته غير عن العطر الجديد قلت لها سلامتج عاد انا مش غبيه قالت طيب عطيني العطر وبنوديه المصنع للتجربه واذا تبين بنعطيج العطر المفتوح مال المحل قلت لا طبعاا
وجان اشتكي عليهم بحمايه المستهلك وماقصروا بيضا الله وجههم ثاني يوم على طول استرجعوا لي المبلغ.
شفتوا كيف الاجانب يستخفون بنا يفكرون اغبياء حتى قالت لي اللبنانيه اصلا المبلغ 800 ريال قليل مايحتاج تعبي نفسك قلت لها حتى لو ابي فلوسي.