الأجانب راح يلعبونها صح .. ؟؟

[Qatary]

السلام عليكم

دخول الاجانب من المقرر انه يكون بشهر ابريل

طبعاً الاجانب من سمعوا الخبر وهم حاطين عينهم عدل على البورصه

وحافظينها من الى ..

الأسهم فالفتره الحاليه مرتفعه .. وماعتقد الكل بيدخل جامد وبيشتري من أول شهر

فترة الشراء بتكون فالصيف وقت الركود ووقت ما الأسهم تنزل وتطيح

وبعدها بيبدا شغلهم

مادري في هالحاله شالمفروض نسويه وشاللي المفروض المساهم القطري يسويه

يعني انا الحين عندي أسهم ممكن اشوف الاسعار مرتفعه ومغريه وأبيعها مع أول شهر للاجانب

وأتوهق بعدين وترتفع الاسعار دبل !

أفيدونا ياخبراااااء

شالمفروض نسويه فالفتره الجايه ؟


أخوكم Qatary

[qatar_moon]

انا من رايي انك تخلي جزء للمضاربه وجزء للاستثمار

لان صدقني انا اشوف السوق يمشي عكس التوقعات

[Qatary]

هلا اختي qatar_moon

هذا اللي اسويه بالضبط

مخلي جزء كبير للاستثمار وناسيه صراحه

وجزء صغير اضارب فيه واطلع لي بربح بسيط كل اسبوع

والحمدلله على كل حال

[سهم طايش]

الله يوفقك اخوي و طريقتك صح 100%

و المفروض اللي ما يعرف للسوق ما يغامر بكل الموجود عنده

[هداف]

ياجماعه البورصه وتجارة البورصه لا تحلمون انها كلها اربااااااااااااااح !!!!!!!!

اذا كان الهدف من دخول البورصه هي المضاربه فاتأكد اخي التاجر الطمع هو اخطر شيء يهددك
خصوصا مع تجار المضاربه ... لذلك لا تطمع بيع بيع بيع واشتر راحتك وصحتك

اما المستثمرين فهؤلاء سستم ثاني بل انهم هم من يعمر في السوق

سوق الدوحه للاوراق الماليه الى الان سوق مربح لانه ناشيء وماشاءالله اللهم زيد وبارك المكرمات جعلت
من الجميع ربحان ............. ولكن لا تحلم ان هذا الحال سوف يستمر

اضرب ضربتك ياقطري من الان صدقوني هي كلها ثلاث الى اربع سنوات او خمس اللي ما يغتني فيها عمره ما يغتني ............... بكره هالسوق ما يدخله عوير وزوير جماعة (( معاهم معاهم .. عليهم عليهم ))


يعني با لعربي اخي القطري شد حيلك ها لسنين القصيره واصنع مستقبلك ومستقبل عيالك لان بعد كم سنه لا تحلم يا ذوي الدخل المحدود انك بتربح في السوق مثل اللي صاير الحين وعمرها ما كانت البورصات با لسهوله اللي الكل قاعد يشوفها في قطر ........... الله يطول في عمر بو مشعل يبي شعبه يغتني وينهض با الدوله والمواطن لكن العمليه متزامنه ومحدوده في اربع او خمس سنوات ............. شدوا حيلكم واضربوا ضربتكم واقنعوا وحاسبوا من الطمع



همسه اخيره (( ياراعي اسهم الصناعات )) لا تطمع وبيع لا تحلم كثيرا ....... با لظبط في الصيف بطيح السهم في القاع ............. فقط تذكروا كلامي ولين ذاك اليوم الله يحيينا لكن تذكروا وش قال (( هداف ))

[سوبر سهم]

بالعكس انا اشوف ان الاجانب بيشترون اول يوم

لان الكل يبي يلحق على 25% وخصوصا في قطاع البنوك والتأمين عموما
لانه مافتحوا شي منه حق الخليجيين
والصناعات وقود طبعا


الا اذا كانوا شاريين باسم قطريين وماعليهم الا التحويل من اسماء القطريين الى اسمائهم
هذا شي ثاني

ومن هنـــــــــــــــــــــــــــــــــــــــــا

نطالب ادارة السوق باتخاذ الاجراءات الازمة في مسألة تحويل ملكية الاسهم

وياليت مايكون في تحويل ويكون بيع وشراء في السوق نفسه

نتمنى والباقي على الله.