السلام عليكم ورحمة الله وبركاته
انا في لندن للدراسه وابغي اكتتب في شركة امسيعيد لي ولابنائي .................. للعلم انا حسابي في المصرف .. هل في طريقه مثلا استمارات اكتتاب اطبعهم من الانترنت وارسلهم الى الدوحه عن طريق الدي اتش ال
تحياتي
السلام عليكم ورحمة الله وبركاته
انا في لندن للدراسه وابغي اكتتب في شركة امسيعيد لي ولابنائي .................. للعلم انا حسابي في المصرف .. هل في طريقه مثلا استمارات اكتتاب اطبعهم من الانترنت وارسلهم الى الدوحه عن طريق الدي اتش ال
تحياتي
ماعتقد يصير ،، البنك يتطلب حضورك الشخصي
او بتوكيل احد الاشخاص ،، وعشان استخراج التوكيل بعد يتطلب حضورك لتوقيع التوكيل جدام موظف العدل
تقد تكتتب اونلاين اذا عندك حساب في بنك قطر الوطني
فيه شخص اعرفه في المصرف نفس وضعك مسافر . كلم البنك و قالوله تكتب لنا خطاب بخط يدك و توقع عليه يخول احد اقربائك يكتتب لك من الحساب و البنك بعد مايجيهم الشخص راح يتصلون فيك على رقمك الي مسجل عندهم
كلم بنكك تاكد
صج ينطبق مثل وين اذنك يا حبشي على هالإجراءات التعسفية .. ما ادري ليش انا من أمريكا اكتتبت لي ولعيالي القصر ما ابالغ في أقل من 5 دقايق عن طريق النت .. قلتها من قبل الأهم عندي هي معاملة البنك والبنوك الاسلامية صراحة ما شفت منها شيء يشجع على تحويل الحساب اليها.
وبعد أكيد بيقولون له عن نوع الحبر وبيتأكدون من توقيعه ولازم يرسلها في البريد ما يبين التوقيع صح بالفاكس .. المفروض فيه حساب وفيه رقم مساهم ومن أي مكان يقدر يكتتب الإنسان .. حتى فيه تسجيل صوتي للبنك يقدر يتأكد إن هذا هو صاحب الحساب .. وبعدين كل شخص قطري عايش معروف عند الحكومة والمتوفي معروف.
التعديل الأخير تم بواسطة معماري قطري ; 02-01-2014 الساعة 10:21 PM
لا اخوي معماري بالغت شوي
البنوك الاسلاميه عندنا متطوره و تعاملهم سلس جدا
الله يسلمك في الدولي الاسلامي ابي اكتتب للوالده وهي خارج البلد و من الحساب طبعا و الوالده تبصم
قلت لهم ممكن اطبع الطلب من النت و اعبيه و اخليها تبصم. و اسويله اسكان و بينطبع بالالوان و كل شي. قالو لاااا و كلاااا ( زين من بيقدر يتصرف بالاسهم غيرها شوي منطق بس)
و هذا انا قاعد ارامض الحين اسوي توكيل باسمها لاخوي عشان يكتتب لها من فلوسها.
تبا لك من بنك ، لا و فاتحين موضوع في المنتدى بلفيت يدورون مشاكل العملاء ههههه حسسوني انه محد يشتكي من خدمات البنك و راحو يبحثون في النت
صدقني رحت كم بنك اسلامي وسئلت قبل لكن شفت مسلمين بدون إسلام .. يعني يجيك البنك مب منظم وتنطر وقت طويل وكل كم موظف يسولفون ومن اللي سمعته وشفته قلت أيود مينوني ليييني أين منه .. الحكومة مشجعة التعامل الإلكتروني في كل شيء لكن الغالبية يكدسون أوراق .. حتى شهادة الراتب الكل بدون استثناء مستعدين يطلبونها يومياً لكل معاملة.
الله يعينك وتخلص اكتتابك وبدون شكوى وواسطة .. هذا طبع غريب .. عيالي اللي فوق 18 حتى انشالوا من السستم مال الاكتتاب وخليتهم يكتتبون بروحهم وخلصوهم من أول يوم وبسهولة .. زين الواحد ياخذ حقه صح .. أما كل شيء له عدة إجراءات وصعبة ومتعبة هذا يخلينا نروح للمشبوه ونترك الغير مشبوه من وجهة نظر دينية .. حتى في قروض السيارات تكتشف أتعاب مخفية ما يقولون لك عنها.
التعديل الأخير تم بواسطة معماري قطري ; 02-01-2014 الساعة 11:35 PM
وانت الصادق اخوي معماري
من كم سبوع اتصلت حق الكول سنتر في الدولي الاسلامي راتبي ينزل عليه و قلت لهم واجهتني مشكله في التحويل عن طريق الاونلاين بانكق .. معنه محول من قبل على نفس الحساب و كل شي تمام .. اول مره قالو لي عطني رقمك و بنتصل فيك يوم يومين محد اتصل.. المهم رديت و اتصلت فيهم رد علي واحد تخيل بكل برود يقولي يمكن حسابك مافيه فلوس (بدون لاياخذ رقم البطاقه الشخصيه) المهم دقق علي يمين و يسار و يبي يتاكد فخذ الرقم و تأكد .. و شاف المعامله الي مسويها على الاونلاين بانكق .. ماعرف وشو يرد علي شوي الا يقولي اخوي السستم عندنا شغال ف سالني قالي يمكن اليوزر نيم و الباسورد مب شغالين عندك .. اهنيه فجرتها في ويها قلت له في ذمتك الحين اذا الباسورد مب شغال شلون المعامله تشوفها جدامك و سكرت من عنده .. و هاي انا احول راتبي من الدولي الاسلامي لين حسابي في الوطني و بعدين احوله للبريطاني
التعديل الأخير تم بواسطة Abdulla Al.F ; 03-01-2014 الساعة 12:15 AM
اسحب من حسابك في المصرف كاش
وكتتب عن طريق الوطني في لندن
الكفو عثرة لسانه تقلـل مـن غـلاه - والردي يخطي ويبطي لا منه ولا عليـه
والثقة قصر ركونه تنومس من بنــاه - والحكي لو نزه الدنس ما دنس نزيـه
اشكر كل من عقب على الموضوع وجزاكم الله خير