السلام عليكم ورحمة الله وبركاته
الحمدلله من قبل ومن بعد
سويت عملية قص المعده فالاردن بتاريخ 28 ديسمبر
عند الدكتور حبيب الناس محمد خريس
كنت اشكي من الوزن الزايد وكانت حياتي عباره عن ملل واحباط وتعب واكل
كنت اشتكي من الام الظهر وبداية ظهور الدسك
فكرت كثيييييير وترددت اكثر وكان القرار النهائي يوم 20 ديسمبر
خلااااااص لازم القى حل لنفسي طولي 181 ووزني 167 وكل سنه يزيد وزني من 10 الى 15 كيلو
وقبل الغمليه بكم يوم زاد التوتر واستخرت ربي ثلاث مرات وكل مره كان يزيد اصراري على قراري
بلغت هلي وقلت لهم العمليه يوم 29 خدعه
رحت واكلت منسف قبل العمليه بيوم
واكثرت من الدعاء والاستغفار وقراءة سورة يس صباح العمليه
والحمدلله كانت اموري جدا ممتازه
فقت من البنج وكان اخوي يضحك علي لان كل مره اقوله تعال ويجيني واقوله بس حبيت اسلم عليك
على كلامه كررتها اكثر من سبع مرات
دخلت غرفة العمليات الساعه 9 وطلعت الساعه 11 وقمت من البنج الساعه 1
من اول ما قمت الحمدلله قمت امشي وامشي عشان الغازات وهذا من فضل ربي ولله الحمد اني مشيت على طول
الامور ممتازه وانصح اي شخص تخطى وزنه 120 انه يفكر فالعمليه لا يتاخر
الان مر على ذاك اليوم قرابة 22 يوم
فقدت خلالها قرابة العشرين كيلو
من يوم سويت العمليه ماحسيت بالم فالظهر والحمدلله
من يوم سويتها صار نومي 7 ساعات فقط
من يوم سويتها تغيرت حياتي 180 درجه
لا احباط لا ملل لا ندم ولا كسل والحمدلله
حتى صار هناك لذة السجود لم اكن اشعر بها قبل العمليه
واي احد عنده استفسارات عن العمليه انا حاضر