ايكيــــــــــا والسلامة

[قطريه22]

صحيح مشكلته انه لازم تمري على كل الاقسام اجباري طيب لو تعبنا وقررنا نكمل اللف بيوم اخر
و لو في حوامل لو في اطفال لو اي شي طارئ او مستعجل حصل .. اعتقد هذا اسلوب غير جيد لاجبار الناس على مشاهدة كل الاقسام حتى التي لا تلزمه ابدا بحياته
ولو صار حريق هل لازم نمشي على كل هذه الممرات والمتاهات لنوصل للمخرج ولا فيه مخارج ثانية ؟؟
اما باقي السلع فهي حلوة وجيدة بس لازم تجيبو معكم الاله الحاسبة

اشكرك اختي قطرية 22 على طرح الملاحظة المهمة

العفو اختي ام هشام
هو فكرت ايكيا متاهه لاجبار الناس على الشراء
بس هالفكره اتوقع في اوروبا فيها اجراءات سلامه وحرص منهم
بس عندنا ماتوقع هالشيء موجود

اذا فيلاجيو على كبره وكثر بواباته يوم صار الحريق ماقدرو يطلعون
اشلون ايكيا وهو بتصميمه الي يجبر الواحد يمشي في خط وممرات اجباره

[قطريه22]

رحته مره من زمان وماطبيته مره ثانيه

يضيع

ويحر

لان غصب تطوفين ف كل الاقسام .. زين لو ابي اطلع او تعبت او تمللت او حالة طواري او اي شي اشلون اطلع ؟ لازم اقعد احوس واللف ؟

هذا غير الممرات الضيقه لو في زحمه اشلون الناس بتمشي
اشكرج اختي على المشاركه

هاي نظام ايكيا بهاي الطريقة في كل دول العلم
و في برنامج لهم على نشونال ابوظبي اسمه مصانع عملاقة حلقة عنهم و يوضحون ليش تصميمهم بهاي الطريقة
و انا ما اشوف انه بذيج الخطورة من ناحيه مخارج الطوارئ لاني اشوفها متوفرة و المجمع جديد و اكيد الدفاع المدني تأكدوا من المخارج لان عندهم خبراء و فنيين في هالامور ... لكن من ناحيه خطر السقوط و خصوصا ان في اطفال يروحون مع عوايلهم انا معاكم في هالنقطة

هو تصميمه متاهه لاجبار الناس على الشراء بحيث انه لم يبي يطلع يضطر يلف في كل الاقسام وبهالطريقه ممكن يشتري لم يتنقل من قسم لقسم بهدف انه يطلع من المكان
ولاتنسى اخوي يوم توصل لنهاية ايكيا تضطر ترجع مره ثانيه لنفس المكان الي دخلته في البدايه عشان تحاسب يعني تاخذ لفه في كل الاقسام وترد للبداية

طيب لو صار حريق في المكان الي فيه الكوارتين والتخزين وهو بوابة ايكيا اشلون الناس بيطلعون؟؟

تصميمه بهالممرات يساعد في نقل الدخان بسرعه وبسهوله

[نتفـه]

بصراحه مكانهم صار يجيب لي الضيقه !!!!
فعلا مره جاني ضيق تنفس والله لا يراويكم العذاب علشان اطلع !!!!!!!!!!!!!!!!!!!!!!!!!!!!!!!!!!!!!!!!!!
قمت اخاف ادشه مع ان المكان فيه شغلات روعه لكن يجبرون الواحد يلف كل هالاماكن غصب !!!!!!!

مادري شلون بيتصرفون لو لا سمح الله صار اي شي !!

[سعادة الوزير]

بصراحة وبدون زعل الي يسمعكم يقول داشين مغارة في وسط جبال الهملايا!! ، ايكيا الي عندنا اشوفه من افضل متاجر ايكيا الي دخلتها ، ومنظمة بشكل جيد ومدروس ، اما عن طول المسارات الداخلية ، فهناك عندهم عدة طرق مختصرة ولها علامات ارشادية في كل مكان تمكن الواحد انه يطلع في ظرف اقل من دقيقة من المكان بكبرة ، فارجوا ان ماتكون هناك مبالغات وتهويلات للمكان!

والشيء الثاني ، الي صار في فيلاجيو كان سببه في وضع حضانة اطفال في مكان غير ملائم ، وكذلك تغطية جدران ممرات الحضانة بمواد اسفنجية سريعة الاشتعال ، اما من كان بداخل المبنى فجميعهم قدروا انهم يخرجون بدون اي تدافع او اصابات. وطبعاً كل هذا مب موجود في مبنى ايكيا.

[المتفرج]

وفوق كل اللي قلتوه غالي جدا مقارنه بالدول المجاوره

ويعطيكم العافيه على هالمواضيع الجيده والملاحظات الجميله


وسلام

[توشيبا]

فيه لوحه في حاله الخطر حط نعولك في ايدك وعض ثوبك وارفع رجلك لين توصل اذنك وانطلق للخارج

[شتآت]

ماانفتح هالمجمع الا بعد ماصار إخلاء وهمي رسمي بوجود الدفاع المدني ونجح
انا كنت متواجدة في الاخلاء وفي مخارج خفيه اول ماطلع الصوت كل العاملين دلوا الناس على المخارج
وحرصوا على سلامتهم
بعد حريق فيلاجيو مستحيل يفتح اي مجمع الا بعد التأكد من إجراءات السلامة
وللعلم إيكيا تخطيطه في كل فروعه نفس التخطيط يجبرج تدورين فيه كامل

تقبلوا مروري

[قطريه22]

بصراحة وبدون زعل الي يسمعكم يقول داشين مغارة في وسط جبال الهملايا!! ، ايكيا الي عندنا اشوفه من افضل متاجر ايكيا الي دخلتها ، ومنظمة بشكل جيد ومدروس ، اما عن طول المسارات الداخلية ، فهناك عندهم عدة طرق مختصرة ولها علامات ارشادية في كل مكان تمكن الواحد انه يطلع في ظرف اقل من دقيقة من المكان بكبرة ، فارجوا ان ماتكون هناك مبالغات وتهويلات للمكان!

والشيء الثاني ، الي صار في فيلاجيو كان سببه في وضع حضانة اطفال في مكان غير ملائم ، وكذلك تغطية جدران ممرات الحضانة بمواد اسفنجية سريعة الاشتعال ، اما من كان بداخل المبنى فجميعهم قدروا انهم يخرجون بدون اي تدافع او اصابات. وطبعاً كل هذا مب موجود في مبنى ايكيا.

اشكرج على مشاركتج
هذي وجهت نظرج بس لو فكرتي فيها بتعرفين ان احنا مب قاعدين نهول في الموضوع
الواحد يفكر في الاحتمالات الي ممكن تصير
اذا انتي تشوفين ان لاقدر الله وصار حريق في هالمكان وانتي فيه وعندج القدره انج تفكرين في طريقة الخروج ترى غيرج ماراح يقدر لان صعب
لو فكرتي بالكوارتين الي حاطينها في بداية الدخول وشلي ممكن يصير ماراح تقولين هالكلام

[قطريه22]

وفوق كل اللي قلتوه غالي جدا مقارنه بالدول المجاوره

ويعطيكم العافيه على هالمواضيع الجيده والملاحظات الجميله


وسلام

الله يعافيك اخوي
وصحيح كلامك غالي
عيل زوليه متر في متر ب200 ريال؟؟
مب حرام وهي تنباع في هوم سنتر ودوحه ستي بارخص منها

هو فيه اشياء رخيصه بس تافهه
اما باقي الاغراض انا شفتها غاليه وماتستاهل سعرها..

[قطريه22]

ماانفتح هالمجمع الا بعد ماصار إخلاء وهمي رسمي بوجود الدفاع المدني ونجح
انا كنت متواجدة في الاخلاء وفي مخارج خفيه اول ماطلع الصوت كل العاملين دلوا الناس على المخارج
وحرصوا على سلامتهم
بعد حريق فيلاجيو مستحيل يفتح اي مجمع الا بعد التأكد من إجراءات السلامة
وللعلم إيكيا تخطيطه في كل فروعه نفس التخطيط يجبرج تدورين فيه كامل

تقبلوا مروري

مخارج خفيه طيب تتوقعين اختي وقت الحريق في حد من العمال بيدلي الناس.؟؟
لازم هالمخارج تكون واضحه ومبينه للناس

اما بالنسبه للسلامه فمااعتقد في سلامه في هالمكان لو في ماحطو الكوارتين والبضاعه وسط الناس لو طاح غرض من فوق وحد يمشي؟
هذا غير انها تساعد في انتشار الحريق

الافضل كان يحطونها في مخزن ومافي حد من الناس يدخله

اشكرج على مشاركتج