أريد رفع الأيجار

[bu shhab]

الله يباركلك في حلالك

عشره بالمائه ماراح تزيدك غنى

بس ممكن تكسر ظهر المستاجر


عموما اعرض عليه اذا كان باستطاعته اتفق وياه

[ابن ادم]

الله يبارك فيكم ويوفقكم شكرأ للمتابعة

[blackjacket]

من 15 سنة و هو بدفع الفين ؟!!! اخبر الايجارات كانت 1000 و دون الالف بس مثل ما قالو الاخوان اذا تقدر ما تزيد لاتزيد يا خوك

[قطري طموح]

والله ياخوي زيادة الــ 10% ترجع للحالة الماديه للمستاجر لو كان مقتدر اعرض عليه الموضوع وبين له ان القيمة الايجاريه ارتفعت بشكل عام في الدولة وان 10% منصفه لك وله ، اما اذا كانت حالته الماديه متواضعه فاكسب فيه الاجر وارضى بمبلغ الـــ 2000 ريال وان شاء الله ربي العظيم يطرح فيها البركه .

[مؤثر]

والله ياخوي اذا كان المستأجر هو نفسه مستأجر منك هذه الفتره الطويله والله حرام تزيد عليه الايجار !!!!
لكن اذا هو جديد والشقه فاضيه فالسوق هنا عرض وطلب !!
وان بغيت الاجر من الله سبحانه وتعالى فهو الافضل والاتقاء ويقيك المكاره وتكسب لك دعوة مسلم خاصه اذا شاف الناس زادوا وانت مازدت شيء !!!
والله انا اعرف واحد من الملاك مازاد على احد ريال برغم ان عنده عشرات الشقق والبيوت وان اللي يعرفه يدعو له واللي مايعرفه بعد يدعو له ان الله يوفقه دنيا وآخره !!!