وجودهم احلى هديه ..
اكيد وجودهم احلى هدية ..
ودعواتهم .. وكلشي فيهم ..
واخواني وخواتي احلى هدية ..
لكن احلى هدية مادية هي ..
امي جابت لي اسوارتين ذهب يوم كان عمري 4 سنوات
ومن فترة قريبة عطتني اياهم احتفظ فيهم ذكرى ..
وااااايد تأثرت بها ..
اما ابوي فديته فأجمل هدية هي باربي مع بيتها..
كنت شوي وبيغمى علي يوم شفتها ههههههه
ابوي الله يرحمه اهداني وايد .. طول الايام يهادينا سفرات وقصص وذهب لكن اكثر هديتين اثروا فيني
اهداني اول قصص في حياتي .. كنت صف ثاني .. للحين أعيش لحظة الانبهار فيهم واتذكر شلون كانت حالتي
والهدية الثانية لما تخرجت جاب لي طقم الماس ماعجبني وايد .. (كان الله يرحمه صحته متدهورة فما كان الاختيار ذاك الزود)
قلت ببيعه وبشتري غيره .. أجدد وأحلى .. وفعلاً راحت امي باعته
لكن شنو عشت في ولوال وشعور شديد بالذنب ...
هدية ابوي ابيعها .. اشفيني ... مب صاحية ابيعها!!
اذكر ذيك الليلة ما هجعت الا لين امي راحت المحل وردت شرت الطقم مرة ثانية
للحين الحمدلله الطقم موجود ومن اشوف يعتصر قلبي على ابوي الله يرحمه
^
قلبت الموضوع فيلم هندي
بصراحة كثيرة هي الهدايا الجميله ملابس نظارات عطور العاب ساعات
وأجملها بالطفوله سيكل.. وجوتي بعجلات بوقتها كان شي واستعرض فيه بالحارة ههه.. هذا بالطفولة والمراهقة
ويوم أخذت الليسن.. قال سيارتك علي .. وأختاري إلي تبغيين من السيارات .. بصراحة العرض كان مغري بس خليت لي معايير معينه بالأختيار وأخترت ماكان مناسب لي في بدايه السواقه اذكر طلعتها ب10/2005 وللحين عندي رغم وجود سيارة ثانيه وهي غاااليه علي حيييل
وأمي بعد ماتقصر بالهدايا عطور شنط ذهب إلى آخره.
جزاهم الله خير ماقصروا معنا بشي لا بالتربيه ولا بالعطايا الله يحفظهم ويخليهم لنا... ويخلينا ويسخرنا لهم ولراحتهم وبرهم آمين يارب العالمين
ابوي جاب لي قطار من أمريكا يوم كنت في خامس
ويطلع اصوات كنت منبهره فيه
كل شي منهم جميل، الله يحفظهم ويطول ابعمرهم
والهدايا متنوعه، بس أحلى هدايا عالقه بذهني من الطفوله السيكل والارنب والعنزه....عنزتي الجميله ماتت