أغفى وأشوفك حلم وأعانق الطيف...
وأصحى وألاقي ذكرياتك تعاني
مابين بعدك نار ومواصلك سيف...
وخيول شوقٍ ما يردها العناني
من جيتني وإنت على الذوق والكيف...
نسل الحرار مورّثين المعاني
راقي ودومك فوق روس المشاريف...
رغم القساوة فيك شيـنٍ سباني
ارقب وصالك ياعسى قلبك رهيف...
وتردك الأشواق تبغي مكاني
بالحب شاطر والجفى صرت حريف...
وأنا على ما قيل طيبي كواني
يا سامع العذال والقول تزيِّف...
إذكر ليالي الحب و إذكر حناني
إذكر وصالي كيف وفراقي كيف...
عسى مع الذكرى تحنّ لـ زماني
الحب نعمه والهوى شيـنٍ منيف...
والله رحمني فيك والله عطاني
تعال يا الغالي جميل التواصيف...
البعد عنك للـ مهالك حداني
لو دون وصلك حرب ومعانق السيف...
ما هزني من كان قاصي وداني
ما هوب كل من جا يقند لي الكيف...
تعال رجّع لي حبيبي كيانــــي
مما راق لي
|
رد مع اقتباس
المشاركة الأصلية كتبت بواسطة وطن
