فيزا بريطانيا الرجاء المساعده للخبراء........

[الروقي]

اخواني الاعزاء انا عملت طلب فيزا بريطانيا عبر الانترنت
السؤؤؤال اذا مارحت على الرحله الي في الطلب ورحت على غيرها في تاريخ اخر
ايضا اذا انا كاتب مكان المغادره من الدوحه ولكن لضروف العلاج باروح امريكا ومن هناك من نيويورك ابي امر بريطانيا
هل فيه مشكله ولا لا
الطلب وافقوا عليه وموجود خلاص هل اقدر اغير من امريكا اذا لازم اغير
شكرا

[احساس غريب]

لازم تاريخ الرحله وموعدها بالظبط بالنسبة للفيزا الجديدة واذا غيرت موعد الرحله او حتى الوقت لازم تغير الفيزا مثل ماصار معاي

[الروقي]

الشيخ ممكن توضح اكثر هل تعني
لازم اقدم من جديد وانا في امريكا او تقصد اعدل في الفيزا الي طلعتها من الانترنت
افرض ان الرحله غيرتها اخر لحظه شو اسوي

شكرا

[احساس غريب]

لازم تقدم عالفيزا من جديد في حال اي تغيير وهذا على كلام المندوب بس للأمانه مأخذ رسوم قالي على نفس الرسوم واذا طرا عندك تغيير قبلها بشوي بعد لازم تقدم لني انا لين سافرت كانت طائرتي الصبح وغيرتها لطيارة العصر وقالو لازم تغير التوقيت

[احساس غريب]

وانا اقصد التغيير من قطر بس من برا للأمانه ما عندي خبر واتمنى يفيدك حد من الاخوان

[المحاميه]

لا هم معقدين ترا

ايه لازم تغير
واعتقد يصير تغير قبل الرحله ب يومين
واذا ماصار لازم تطلع فيزا جديده ولا ماراح تدخل

[المحاميه]

وانا اقصد التغيير من قطر بس من برا للأمانه ما عندي خبر واتمنى يفيدك حد من الاخوان

حتى من برا
اصلا يقولك اذا طلعت فيزا حق بريطانيا وعقب حبيت تروح فرنسا وجيت بترجع بريطانيا طلعلك فيزا جديده

[الروقي]

شكرا للاخوان الي ردوا علي
والله الانجلينز مايخلون تعقيدهم الى يوم القيامه
اتصلت فيني وحده من السفاره وقالت لي انت كاتب وصول الرحله الى لندن غلط الرحله وصولها غلط تقول توصل 1130 وانت كاتب 1200 بس انا كنت في السياره ومااتذكر الوقت والتفاصيل وقالت لازم تتاكد من المعلومات وقالت لازم تاكد الحجز وقامت تتحلطم وقلت لها خلاص باكنسل وتاسفت لها
يوم رحت البيت شيكت التذاكر الا انا كاتب الوقت صحيح طبقا للتذكره ترى ماعندها سالفه وبعدين دخلت موقعهم وكنسلت الفيزه ناس معقدين وجافين في التعامل ومايبونا نجي بلادهم بس احنا بالينهم بلوى