صداع ازلي في راس الحكومات وورقه ضغط
والبديل
نشر الثقافه الالمانيه والاعتماد على النفس
وكفي المؤمنين شر القتال
نسخه للرؤيا 2030
صداع ازلي في راس الحكومات وورقه ضغط
والبديل
نشر الثقافه الالمانيه والاعتماد على النفس
وكفي المؤمنين شر القتال
نسخه للرؤيا 2030
يا جماعة الخير انتوا اختزلتوا قانون الكفاله للمقيمين بس في الخدم و الدريوليه .....نسيتوا الموظفين من جميع الدرجات و المتعلمين ....نسيتوا المقيمين اللي طول عمرهم بالبلد و القانون يساويهم بالوافيدن من الخارج و ممكن كفيلهم الجديد يسفرهم لو طلبوا تغيير شغلهم اللي صارلهم سنين فيه رغم انهم طول عمرهم بالبلد.....طيب القانون ساواهم بالوافدين الجدد من حيث الكفاله فليش ما ساواهم مع الوافدين من حيث الراوتب و طلع مفهوم العقد الخارجي من زمان و الا يكون اضعاف العقد المحلي
الحين لما نقول انه الكفيل جاب واحد من بلده و علمه سواقه و بعدين يبي يهرب او يترك الشغل خلال اقل من سنتين انه هذا فعلا هذا وافد مفتري و متسلق و تعامل مع الكفيل الاول بطريقة لا اخلاقيه و مثل كأنه الكفيل محطه ترانزيت لدخول البلد و انا متفق تماما معاكم انه ما يحق له انه يطلع بسهوله و المفروض اقل شي سنتين اذا مب خمس..... بس لما يكون عقد محلي و صارله فوق 10 سنوات ما يقدر يغير شغله؟....ممنوع يشوف فرص احسن و افضل برأيكم؟..... حرام يعني يبحث عن فرصة عمل براتب افضل؟؟...... لا تحرموا على غيركم الخير و تحللوا لانفسكم ....كلنا في هالدنيا نبي نعيش عيشه كريمة و دخل مادي جيد و مب عيب ولا حرام ندور و نبحث طالما انه حلال و حسب سعر السوق
احنا كمقيمين طول عمرنا بقطر ما نسمع من الكفيل الا كلمة واحده: امامك طريقين....اما المطار على بلدك او ابو هامور....و القانون معاه.....و اترك التعليق لكم لما يكون في فرصه لهالاشكال اللي ما تعرف شي عن الانسانيه و الاخلاق تتحكم و تتجبر في خلق الله
من قال السواق 800 السواق الحين ياخذ الف او 1200 غير ان الغرفه 4 في 5 غير عنده تلفزيون ودش وحمام خاص فيه
والاكل بالكامل من عندنا ومشاوير عند بعض الناس جدا بسيطه واحنا تحديدا 5 عقب نادر شغله ..
لو افترضنا يشتغل برع كم اجار السكن مع الاكل كل شهر
هم بشر مثلنا ..
واتمنى القانون الجديد يضمن حقوقنا في حاله هربهم خلاص تعبنا من 3 شهور وعقب نترصد لهم متى بيشردون
الله يجعله فاتحة خير علينا يارب
ك واحد يتكلم في الجزئية اللي تخصه ياخلدون ، طبعا وضعكم انتوا يختلف تماما عن السائقين ومدبرات المنزل ، بس ايضا انت تجي بعقد والا لا ؟
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
السؤال الي يسدح نفسه عندي مثلا دريول في البيت من الجنسيه الآسيوية وموفره جميع متطلباته من غرفه تليق به وراتب وزير في بلاده وأكل وشرب وبخاشيش من كل صوب طيب انا عطيته حقوقه من يضمن لي حقوقي مثال الرجال تذكر ميري في بلاده وصاده هم بيروح المسجد وبيركعها مثلا لا بيروح وبشرب نبيذ فاخر من عند راجوا صديقه طيب انا في هذي الحالة مخسر عليه النون وما يعلمون من يعوضني وأضف على ذالك الخدامه تبغي أجازه يوم الجمعه وين بتروح السوق يمكن وبعدين لازم أنها بتروح حق الاملح بابوه وبتجيني وشهر ولاهي حامل من ولده هذا بابا هذا جسوم ودخل في سين وجيم طيب حقي من هذا وين كفايه تحملتها وهي ما تعرف عربي سنه يالله انطقت وطباخ الله بالخير لين ما تعلمت جاني ضغط وسكر منها وبعدين بارده مبرده تنقل كفاله ولا تسافر وقيس على ذالك حتى الشركات العامل يجيك ما يفهم شئ وانت تعلمه كل شئ لين يتعلم الصنعه وعقبها يتمرد بابا انا يبغي جينج كفاله زين عوضني الرواتب الي صرفتها عليك وانت أتعلم والمواصلات والأكل وشرب والسكن ويأخذه واحد مقشر وجاهز ويعطيه راتب فوق الي انا أعطيه بامية الريال هو بنسبه له ثروه لأكن انت كمستثمر تفرق معاك لان الي على كفالتك 1000شخص من اميه في الشهر يعني 100000 انت بتستفيد منه سنه وحده بس أما السنه الاولا بتكون تعليم وبعضهم يشرد يعني انت كا كفيل مظلوم من الصوبين واتفق مع اخوي همر بان لازم الدولة هي الي تفتح شركه تأهل العمال والي يبغي يأخذه بعقد ومتى ماخلص العقد يرجع الى الشركة ويأخذه شخص آخر يستفيد منه ويكون الموضوع منضم والرواتب على حسب الخبره وتكون ثابته تتحكم فيها الشركة وبدون الرباح يعني الشركة خدميه وليست ربحية مدعومة من الدولة وبهاذا انكون ما ظلمنا احد لا الكفيل ولا المكفول والدولة من هذا الدعم الاستفادة علاقات ومميزات من دول اجنبيه
وبنسبه للمخالفات الي تكون من الكفيل او المكفول يحكمها العقد والشركة هي الضامنة للمكفول أما الكفيل فهم خازمينه من قبل بل بلاك لست على الستقدام ان بدلها ببلاك لست من الشركة وبهاذا انكون حلينا حتى قصت السوق السوداء الموجوده عند اغلب الجاليات
متى استعبدتم الناس وقد وادتكم أمهاتكم أحراراً
الغرب يطبق ديننا واحنا نطبق اللي نبيه نحن
سمعت ان بعض الدول المجاوره قامت بألغاء نظام الكفاله, ما هي واقع الحال اليوم أذا كان ذلك صحيحا؟ وكيف نستفيد مما مروا به في هذا الموضوع؟