بسم الله الرحمن الرحيم
السلام عليكم و رحمة الله و بركاته
راح أبدا بالموضوع على طول ..
كنا نسولف و من ضمن السوالف وحدة قالت :
فلانه ( ممثلة ) فاسدة و مكانها النار ..!!
قلت لها :
ما يصير تحكمين عليها وين مكانها .. !!!!!
قالت :
دامها ممثلة و عايشة وسط فساد يعني في النار
ما يبي له كلام ..!!
قلت لها :
لا طبعاً مش انتي اللي تحكمين عليها في النار و لا في الجنه ..!!!
قلت لها :
انتي عارفة شلون علاقتها مع ربها ..!!
يمكن تسوي خير في حياتها انتي ما تعرفينه ..
قالت :
يكفي انها ممثلة فاسدة مستحيل تشم ريحة الجنة ..!!
رديت عليها :
حسابها عند رب العالمين ..
ادعي لها بالهداية ..
قالت أدعي لها بالهداية ليش ..!!
قلت لها عسى رب العالمين يهديها ويتوب عليها ..
يمكن ربي يهديها قبل لاتموت ..
و يمكن بينها و بين رب العالمين تأدي فروضها كاملة
و تسوي الخير ..
طبعاً مقتنعه بكلامها و ما تبي تدعي لها
لأنها مقتنعة إنها ما تستاهل تكون في الجنه
لأنها مثل ما قالت فاسدة ..!!!
قلت لها انتي تشوفين ظاهر الأمور
و ما تعرفين علاقة الشخص بربه ..!!
يمكن هالشخص أفضل منج عند رب العالمين ..!!
و هاي اللي تشوفينه محترم يكون مقصر وااايد ..!!
هاي مثال واقعي صار اليوم ..!!!
هل يجوز نقول عن فلان لأنه ( سكير ) مثلاً إنه في النار ..!!
هل كلامي كان غلط ..!!
نوروني إذا كنت غلطانه في ردودي ..!!
تضايقت وايد النقاش احتد بيننا و انتهى بإصرارها
على إن أصحاب الفن عموماً مايستحقون حتى الدعوة لهم بالهداية ..!!
أنتظر مشاركاتكم ..