من عنده فكرة عن ترخيص جم نسائي

[vur]

السلام عليكم
يا ريت الاخوان او الاخوات اللي سبق وكان عندهم تجربة فتح نادي صحي نسائي او جم نسائي
يفيدونا حول تجاربهم مثل شروط استخراج الرخصة ؟

[الخيالة]

ماعندي فكرة عن الترخيص بس جان زين يسوون جم نسائي مكان كبير يضم كل شي حتي السباحة لان اكثر الفنادق السباحه مكس ماعندنا مكان خاص للحريم غير الصالونات والمكان صغير مب شي والمشاطه عقب التجديد اسعار خياليه

[الفني]

مرحبا مشروع رائع والله يوفقكم فيه غير اخ رحال محد بيفيدك وهاي لنك ماله

http://www.qatarshares.com/vb/showth...D-%CC%CF%ED%CF

[vur]

مشكورين جميع
وننتظر اصحاب الخبره

[بومحمد86]

تقدرين تروحين وزارة الاقتصاد والتجارة وطلعين لج مؤسسة او شركة والنشاط يكون جم او نادي صحي مايحتاج موافقات من ناحيه السجل والرخصه بتطلع لج بعد ماتحددين موقع الجم ويكون اداري او تجاري وبعدها موافقات الدفاع المدني واذا بتحطين كافتريه او كوفي لازم موافقه الشوؤن الصحيه بعد وعسى ماكون نسيت شي او غلطت بشي من ناحيه الرخصه

[رحال الدوحه]

السلام عليكم ورحمة الله وبركاته ،،

ربي يوفقج اختي الخياله ، واشكرك اخوي الفني على توصيتك ، وأما بخصوص استفسارج
اخوي بومحمد ما قصر وفى وكفى بالرد .

اول شئ تحددين هل بيكون السجل التجاري مؤسسه او شركه كل نوع له اجراءات معينه
.. وطبعاً النشاط بيكون ( نادي لياقه بدنيه )
ورسوم النشاط الف ريال فالسجل و 560 ريال حق اشتراك الغرفه .

وبعد استخراج السجل التجاري تشوفين لج مكان تستأجرينه حسب الايجار والمكان والمواقف
وقبل لا توقعين عقد الايجار تتاكدين من البلديه المعنيه حسب المكان عن موافقتهم للموقع .
وكاجراء راح يطلبون منج موافقة الدفاع المدني وتركيب متطلباتهم .. اما رسوم الرخصه التجارية
بتكون 2020 ريال .

ربي يوفقج اختي الخياله واتمنى قدرت افيدكم بالمعلومات
وأي خدمه انا فالشوفه

[vur]

السلام عليكم اخواني وخواتي

الموضوع معقدينه
للمعومية مريت وزارة الاقتصاد والتجارة وعندي اصلاً مؤسسة قلت بفتح لها فرع ..
قالوا ما يصير ..
لازم يكون تحت مظلة صالون نسائي كنشاط
واذا بفتح بس جم لازم موافقة وزارة الصحة ويكون في مساحة مفتوحة مكاتب يعني ويالله تعال ادفع اجار غير التقسيم غير الديكور غير الاجهزة غير العاملات
وغير كذا ممنوع الجم ينفتح في فله :/ يعني شلون بالله يكون جم وفيه سومنق بول او بركة سباحة ويكون في مكاتب ادارية ؟؟
ارجع واقول الموضوع معقد
شكراً للجميع حبيت اسوي تحديث لمعلوماتكم بس
ولا تستغربون ليش ما في نوادي رياضية نسائية في قطر ..!
مع ان المفروض اسهل نشاط يكون نشاط ممارسة الرياضة خاصة عندنا
لكن المعايير والقيود واضح انها ما تتماشئ مع رؤية قطر
مكبرين السالفه وكلها جهازين وتلفزيون بلازما
شكراً للجميع

[بومحمد86]

السلام عليكم اخواني وخواتي

الموضوع معقدينه
للمعومية مريت وزارة الاقتصاد والتجارة وعندي اصلاً مؤسسة قلت بفتح لها فرع ..
قالوا ما يصير ..
لازم يكون تحت مظلة صالون نسائي كنشاط
واذا بفتح بس جم لازم موافقة وزارة الصحة ويكون في مساحة مفتوحة مكاتب يعني ويالله تعال ادفع اجار غير التقسيم غير الديكور غير الاجهزة غير العاملات
وغير كذا ممنوع الجم ينفتح في فله :/ يعني شلون بالله يكون جم وفيه سومنق بول او بركة سباحة ويكون في مكاتب ادارية ؟؟
ارجع واقول الموضوع معقد
شكراً للجميع حبيت اسوي تحديث لمعلوماتكم بس
ولا تستغربون ليش ما في نوادي رياضية نسائية في قطر ..!
مع ان المفروض اسهل نشاط يكون نشاط ممارسة الرياضة خاصة عندنا
لكن المعايير والقيود واضح انها ما تتماشئ مع رؤية قطر
مكبرين السالفه وكلها جهازين وتلفزيون بلازما
شكراً للجميع

وعليكم السلام اخوي اعتقد انك كنت تبي تضيف نشاط على المؤسسة مب فرع وقالو لك مايصير ولازم تفتح فرع تحت المؤسسة لنه الانشطة ماتتوافق مع نشاط المؤسسة الي هو الرئيسي هذا بخصوص السجل , اما بخصوص الرخصة يوجد فلل تتطابق مع النشاط الي ذكرته لكن حسب مواصفات ومعايير الرخص التجارية

[Shamiyeh]

حاليا ادرس الفكره مع شريكه لفتح مشروع مشابه.
اذا حابه نتناقش و تدشي معنا في المشروع كلمينا خاص