صدفه او دعايه مقصوده ؟؟؟

[لمت اب]

اعزاءي
السلام عليكم ورحمة الله وبركاته
نلاحظ احيانا مواضيع ظاهرها بريء ومقصدها الحقيقي فيه شك
لا نمنعهم ولكن ليس هنا مكانهم
هناك اماكن خاصه في المنتدى لتلك الأمور
مثلا
ياجماعه من يعرف تلفون مطابخ المندي مثلا
يا اخوان من يعرف تلفون الدرايش للألمونيوم
يا الربع من يعرف تلفون استاذ الفيزياء الممتاز فلان الفلاني
ياجماعه الخير من يريد سائق ليسن قطري .. تتصل في السائق يقولك الكفيل طالب 5000 الاف

اعتقد ان هؤلاء الاشخاص يعملون دعاية بطريقه تستغفلنا
اعمل دعاية واكتب الي تبي لاكن ليس بها لطريقه
قليل من الاحترام لعقولنا لو سمحتم

[رهج السنابك]

المقلب العود لما يجيك واحد يصور فيلته ومراحل الشغل على اساس انه مسكين يبي يشارككم كل صغيره وكبيره
والناس تصدق وتقول تكفى رقم المقاول وهو يتعزز عليهم وعقب مايعطيهم وخمسين شخص يتعاملون مع نفس المقاول يكتشفون انهم طاحوا في اكبر مقلب
وصاحب الفيلا هو كفيل المقاول
وراحت ملايين وتصدعت روس

[معماري قطري]

اللي يسوي دعايه بهذا الشكل وقصده يخدع الناس ممكن يستفيذ لحظياً لكن بينكشف وأَمره عند الله في الآخره .. ويمكن أَوقات يكون شخص جرب شيء أو خدمة وارتاح لهم وكان الشغل زين فينصح بهم لكن يكونون مب على مستوى النصيحة ويتذبذب مستواهم للأَسفل .. وهذا وضع شركاتنا وتجارنا وحياتنا كلها .. صراحة استوى التطوير شيء نادر والشغل التجاري هو اللي ماشي والغش شطاره.

انا يمكن نصحت بأشخاص كمقاول يمشي الحال ورخيص .. وأَكدت على أَهمية العينات والعقد والاشراف ومتابعته .. لكن تجيني أَوقات شكاوي من ناس رشحت لهم حد يسوي الشغل .. والسبب في الغالب عدم المتابعة والاشراف الصح والتعاقد بطريقة مفصلة ومتكاملة.

[رهج السنابك]

صادق يا معماري

لكن ممكن الواحد يكون صريح مثلا ينصح بشكل مباشر بدون لا يسوي قصه خداعه وانه زبون وهو التاجر!

النصايح او التوصيات كمجرد ناصح تختلف عن انك تمثل انك زبون وانك مبسوط وتمجد وتبجل في التاجر وانت التاجر نفسه

[بوحارب]

اهم شي النية تكون طيبة

وحبل الكذب قصير

[R 7 A L]

وليش ماتكون نيه هالناس طيبة ؟!
يمكن يبون للناس الخير

[معماري قطري]

صادق يا معماري

لكن ممكن الواحد يكون صريح مثلا ينصح بشكل مباشر بدون لا يسوي قصه خداعه وانه زبون وهو التاجر!

النصايح او التوصيات كمجرد ناصح تختلف عن انك تمثل انك زبون وانك مبسوط وتمجد وتبجل في التاجر وانت التاجر نفسه

صادقة والله لاحظت هالشيء والبعض بطريقة مكشوفة وتحصلينه داخل بإِسم يبين انه من جنسية عربية غير قطري .. ويتكلم بلهجتهم بدال مثل يقول متل وكله يستخدم جملة وحدة نسخ ولصق على طول .. هالأَشكال المفروض من يثبت عليهم هالشيء ينطردون من المنتدى للأَبد.

[Qatar-Qa]

احسن موضوع نزل ( في العالم )

[فاروع]

الله المستعان
ولا حول ولا قوة الا بالله