ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
مقولة صحيحة لولا وجود بعض البلشتيه واتكلم هني بشكل عام سواء مواطنين او مقيمين!
سبحان الله وبحمده
الحمد لله ابتعدت عن سواقة قطر فترة
من أَسوي إِشارة باغير مساري أَحصل اللي ورا يخفف لي حتى أَقدر أَطوف جدامه وهذا في قطر شبه مستحيل خصوصاً في الزحمة
ما عمري هنيه في بلاد القانون وفرضه في أَمريكا شفت حد يقرب مني بمسافة خطيرة
الهرن نادر ويستخدم للتنبيه وقت الخطورة فقط وبدون عصبية
الاشارة لو فتحت الكل يمر وبسرعة
المواقف لو تنتظر خروج سيارة ما يضيقون عليك ويتركون لك المجال
الكل يستخدم الاشارة الضوئية وأَوقات حتى آخر الليل وفي أَماكن ومواقف تضحك
السياح والأَجانب كثيرين ويفتحون لهم الطريق ويعاملونهم معاملة راقية ويتحملون لفاتهم الغلط أَحياناً وبطء سواقتهم
وقت الزحمة الكل في مساره ومتبع القوانين ومبتسم وعادي ممكن تحصل حد يسولف معاك ويضحك ويلطف جو الزحمة .. مره علقت حول 3 -4 ساعات في زحمة مواقف مول وقت العطل الرسمية .. أَظن الكرسمس واضطريت أَكلم الشرطة بسبب بداية نزول سكر عندي وبعد فترة حول 5 دقايق طلع سكيورتي ينظم السير وطلع لابس لباس خاص وفاهم عمله.
بعض الشوارع لسيارة في كل اتجاه والوسط خط ومحد يتعداه ولا حد يتجاوز في الشارع المقابل حتى لو السيارة اللي أَمامه تمشي 30 وسرعة الشارع 35 أو 40 ميل / ساعة وهي تعادل 50 - 60 كم / ساعة .. ولو سيارة بتلف يسار بتدخل شارع فرعي الكل يوقف وراها بدون ازعاج وقرب شديد
إِشارة قف الكل يوقف عندها وقوف تام حتى آخر الليل والشارع فاضي.
الطرق منظمة تنظيم محسوب ومراعي كل الظروف .. وسهولة ان الواحد يحصل مخرج ومدخل أَو حتى مخارج متعددة للمواقف تخلي الحركة سهلة ومحسوبة حتى وقت الطواريء.
شوارعهم الفرعية والصغيرة والضيقة بعضها تمشي عليها شاحنات كبيرة وطويلة بدون أَي تجاوزات وبدون تكسر لطبقة الطريق الرقيقة.
الدراجات النارية لا تتجاوز بين السيارات بل تقف في صف واحد ليأَتي دورها وكأَنها سيارة.
هناك نقاش عن مخالفات تصوير الكاميرات عند الاشارات وتم الغاء جميع المخالفات وتعديل الكاميرات لتصور وقت الضوء الأَحمر والمخالفة الصريحة فقط.
توقع سيارة الشرطة في أَي مكان وتوقع الشرطي يخالفك لأَي سبب يستدعي المخالفة لكن لا توجد مخالفات غيابية سوى تصوير الكاميرات .. وتوقع الشرطي يتعامل معاك تعامل مهني وطيب وممكن يكتفي بالانذار .. لكن الشرطي مسلح وبعض المخالفين خطرين لذلك لا تتصرف الا حسب أَوامر الشرطي وبهدوء واستئذان .. مثلاً يسئلك وين رخصة السيارة ورخصتك ما تدخل يدك بسرعة تقول له وين وتتصرف بهدوء وحسب أَوامره .. مره توقف أَحد الإِخوان الإِماراتيين وكانت معه عائلته ونزل معصب فتم رميه وتوفى أَمام عائلته يرحمه الله .. وفي السابق أَذكر قصة واحد يقال أَنه ابن سفير سعودي تم رميه بسرعة في رأَسه بسبب أَنه كان حاط محفظته تحت سيت السيارة ونزل يده ليخرجها ويخرج الرخصة والشرطي توقع مسدس فصوبه في رأَسه بسرعة.
الشرطة عارفين وحافظين سيناريوهات التعامل مع كل مخالفة ومع كل وضع ولا يترك شيء للمزاج .. عندنا في السابق تم منع تركيب أَرايل طويلة وتم توقيف أَحد الأَشخاص على طريق الشمال .. وهذي الحادثة وقت تلفونات السيارات وأرايلها القصيرة ووقت السرعة مفتوحة .. فناقش صاحب السيارة الشرطي بأَن بيتهم بعيد في الشمال ولو أَسرع تلفون السيارة ما يلقط التردد لذلك ركب أرايل موتورولا طويلة حتى تصفي الإِشارة لتلفون السيارة .. وكان طبعاً مختلق العذر .. يقول الشرطي هز راسه وأَعطاني أَوراقي وقال سامحنا .. يعني جهل الشرطة وسذاجتهم تضحك .. يقول مشيت عنه وانا احاول امسك ضحكتي.
المواقف كثيرة والله يعين نظامنا وشرطتنا وكل مستخدمي الطريق عندنا.
المقوله صح بس ماتنطبق بكل مكان أوقت
عندنا المقوله الأصح الي الاغلب ماشي عليها إن لم تكن ذئب أكلتك الذئاب هههه
فمالك الا المجاكر ياكافي
أي ذوق وأي فن وأي خرااااااابيط
يعني من يومين ، والله شاااااااااااااايب صوب اشارات نادي الخريطيات الطريق اللي من صوب خط الرفاع ، عند الاشارات الكل واقف بالدور الا الشايب راح وقف في المكان المخصص للوقوف على اليمين لين ماافتحت الاشاره وعلى طوووووووول دخل عرض ...!!!
امس نفس المكان العصر ، الشارع فااااااااااضي 3 سيارات فقط ع الاشاره ، واحد من " البلشتيه " لااااااا شلون يصف في الدور ع الاشاره الا يروووح صوووووووب الميني باص اللي واقف اول واحد ويقطع الطريق عليه ...!! زين فهمني لييييييييش هالحركه شالسبب ..؟ يعني لازحمه وفي الحالتين راح توقف لين ماتفتح الاشاره ..!!
محتاجين رادار يا ادارة المروووووور و رادار تجاوز من اليمين على اشارة نادي الخريطيات ..!