المعاملة عادية جدا بدبي

[بوخالد911]

هلا بكم

أمس رجعت من دبي
حبيت أوضح لكم ان المعاملة جداً طيبة بالمطار
سواء بالذهاب أو الإياب

ولا شفت شي غير ذلك

وشكراً للكل

[بوحارب]

هم أهلنا وربعنا
وتباً للي ينشرون كلام كاذب

سلامة الأسفار بوخالد

[جوال 11]

حتى في مطار ابوظبي يرحبون بك والابتسامة على الوجه حيث كنت مسافر لأبوظبي لحضور مناسبة لصديق والناس ترحب بك في كل مكان وشعوب الخليج كلهم أخوة ولا يستطيع الحاقدون زرع الفتنة بيننا

[ولد شرق]

الحمدلله هذا اهم شي
والاهم ان العلاقات الطيبه ارجعت
ولكن لا يمكن التغافل ان بعض الاخوه صادفتهم بعض العراقيل لكنها طبعا تصرفات شخصية
والحمدلله ان المنتدى الطيب هذا ليس بمنتدى سياسي ولا بيكون الكلام نوعا ما مختلف...

[q6ri_vip]

حمدلله ع السلامة يابوخالد .. رحت الستي ووك اللي بالجميرا

[بوخالد911]

هم أهلنا وربعنا
وتباً للي ينشرون كلام كاذب

سلامة الأسفار بوخالد

كلامك صحيح

هم أهلنا واخوانا

الله يسلمك

[أم محمد 90]

شهادة في حق دولة الأمارات

انا رحت ذاك الاسبوع الامارات وشفت افضل معاملة فالمطار معاملة ماعاملوني اياها موظفي مطار بلادي


وانا مسافرة رن الجهاز والشرطية تبي تفتشني جدام الكل قلت لها لو سمحتي دخليني داخل وفتشيني

قالت الغرفة مليانة فيها شغل مافي غرفة فاضية وعشان ماتأخر قبلت انها تفتشني قدام الكل وانا ماشية

لقيت الغرفة مليانة شرطيات وحاطين دلة الشاي الاحمر ويشربون شاي وصوت ضحكاتهم طالع والباب مفتوح

انقهرت ورحت داخل وطلبت مسئول الشفت والشرطية ماعجبها ليش ابي اكلمه وبعد اصرار نادته لي
وقلت له هذي بلادي وعيب واحنا بنات ناس شغلكم تفتشون اوكي لكن دام في غرفة تفتيش تفتشنا داخل
فاتحين الغرفة ميلس ليش ؟ وانصدم ان الشرطية قالت الغرفة فيها شغل وهي اصلا ميلس !!!


"والله عيب "



وفالامارات واحنا راجعين شرينا كم عطر وحطيناهم في شنطة نجرها بيدنا رن الجهاز دخلوني غرفة بدون ماتكلم بدون حتى لا اطلب
الشرطية ودتني غرفة وفتشتني

وبعدها المسئول عن الشفت شاف عندنا وايد عطورات بالشنطة وسمح لنا ناخذهم مع ان ممنوع اكثر من 100 m




شوفوا الفرق فالمعاملة والله العظيم موظفات مطارنا يفشلون ولا يمثلون بلدنا بصورة

[حسن]

يازينك يالبحر بس

من كم يوم انشد اللي سافرو

قالو الوضع عادي ولا فيه شي

والامور عاديه

مادري ليش شالين همهم اما انا لو قالولي بنفتشك

على طول لافصخ لهم بعد

لما كنت في المانيا غرشه ماي جديه
افيان لين الحين خاطري فيها
قالي ناخذها قلت له واي قال نو
روح اشتر داخل

ويفصخنا حتى الجوتي الله يعزكم


يازين البحر زينا

الله لايحرمني منه ولا اشتكيت للامير

حاسبو ياالي هناك

[بومحمد المطاوعه]

سلامه الاسفار


يالغالي


الحمدلله ع السلامه

[بانغ بانغ]

أنا الجمعة رحت بالسيارة دبي وجئت أمس بالطيارة ،،،، والله الربع من اروع ما يكون ما قصروا