شرايكم في الاسلامية للأوراق المالية ؟

[bus3od]

السلام عليكم

عندي حساب قديم في هالشركه و اليوم رحت احدث البيانات و الصراحه خذت فكرة سيئة جدا لان شغلهم بدااائي كشركة وساطة

لكن لحد الحين ما جربتهم في التداول اتمنى اللي جربهم يفيدني

و الصراحة افكر اسكر حسابي عندهم و افتح في المجموعة شرايكم ؟

[بن جعران]

اذا اتصلت مرات يمكن ترقد واتقوم وهم مت ردو ومب اتقول يوم علشان تعذرهم لا على طول

[النفل]

[سعادة الوزير]

هالشركة وللاسف الشديد مثلها مثل "اخوها في النسب" بنك قطر الدولي الاسلامي ، متأخرون جداً في تقديم الخدمات المتطورة والسريعة للعملاء ، وشركات الوساطة الاخرى وعلى رأسها المجموعة متفوقه عليهم بأشواط بعيدة جداً.

اذكر انني كنت احد عملائهم قبل حوالي 8 او 9 سنوات ، واذكر ان احد موظفات التداول كانت طول وقت الدوام حاطه السماعه على أذنها وكانت "عيني عينك" تنفذ اوامر "المعازيب" ، وتاركة الناس الفقارى المساكين واقفين قدامها!!

روح للمجموعة افضل لمالك ولصحتك!

[atiq]

اخوي الي مصبرني أنها الشركة الوحيدة الإسلامية
يعني انا مااقدر اروح المجموعة ولا دلالة رغم انا الأولى أكثر شركة متفوقة سواء في التطوير أو المعاملة ولكن في الفترة الأخيرة كثر الضغط عليها فظهرت المشاكل لكن إدارة المجموعة تستطيع التعامل مع هذه المشاكل

لكن تبي تجرب شركة ثانية شوف الريان التابعة لمصرف الريان

[عليمي]

مثل كلام الاخوان من ناحية التعامل والتطوير في الخدمات
لدرجة حتى إذا حولت الفلوس في حسابهم لازم تروح شخصيا تودي وصل التحويل عشان يدخل المبلغ في حسابك !!

لكن بما إنها الشركة الإسلامية في ذيك الفترة انا معاها

والحين حولت للريان للوساطة والحمدلله الامور طيبة لكن تتأخر في استلام المبلغ بعد البيع ب3 أيام
أما تحويل المبلغ فيتم في لحظتها وكل شي الكتروني

[قطــ86ــر]

كـ نظام الكتروني ما عليها اي كلام
لكن العتب على الخدمات مثل التحويل للحساب و خدمة العملاء بالتلفون

اذا تداولك الكتروني فهي ممتازة و نظامها مايعلق الا نادرا ( اقل من المجموعة )
انا عندي حسابات في اكثر من شركة و هذا ارتاح له اكثر من غيره
لكن ارجع اقول لك الكترونيا ممتاز / خدمة العملاء شبه (مفيش)