اليوم ابيكم تنتبهون معاى شوى الله يخليكم.....صحصحو شوى وتعالو بقول لكم بعض الطرق
الذكيه لمعاملة الخادمه....من عقب ماسمعت قصص كثيره عن هالخدم ومن خلال معاناتى
الشخصيه حبيت اطرح لكم خبرتي المتواضعه حياكم
1- اول شى لازم تتعاملين مع الخادمه على انها خادمه تشتغل لقاء اجر فقط....يعنى لاتطيحين الميانه
وتسولفين معاها وتقولين لها سوالف واسرارج الشخصيه علشان مايكبر راسها
2-دايما دخلى عليها بالمطبخ او بحجرتها بشكل مفاجأ وغير متوقع وشوفى شقاعده تسوي
3-لاتتركين عيالج مع الخادمه فى البيت بروحهم تحسبا لاى ظرف طارئ ...التماس كهربا..حريق
مفاجئ...اصابة طفل حطي بالج....واذا لزم الامر تركى معاها ارقام التلفونات المهمه
4-اذا كنتى تداومين انتى وزوجك وتتركين البيت هدد للخادمه دايما قفلي الحجر حتى لو ماكانت
منظفه... وبلغيها انج موصيه جيرانج انهم ينتبهون لها..... حتى تتحذر انها ماتطلع وانتو بره البيت
5-لاتخلين الخادمه تطبخ...دايما انتى اللى طبخى...خليها تحظر الاغراض وتقطع لج المواد التحظيريه
انتى تالى غسلى اللحم والخضرا وابتدى طبخى وهى تجابلج لتنظيف المواعين...ولما تخلصين
طباخ طلعيها من المطبخ.....لان اغلب الخادمات اكرمكم الله يبصقون فى الاكل ويحطون النجاسه
انتقام من اهل البيت وحقد عليهم.
6-اذا كانت الخادمه اهى اللى تطبخ امرج لله جابليها عدل....وبعد ماتخلص طباخ خليها تذوق الاكل
جدامج يعنى قولى لها شوفى الملح زين؟؟ مافى دهن وايد؟؟؟ هالشكل
7-اذا احتجتى خادمه ثانيه ييبى خادمه من جنسيه مختلفه علشان يسهل فهمهم وهم يتكلمون
واخذى كل وحده على جنب وبينى لها انها اهى الاهم.
8-انتى وكلى عيالج بيدج لاتخلين الخادمه توكلهم
9-اذا عندج خادمه وحده وعيالج اسم الله عليهم ثلاثه والا اربعه الخادمه ماتلحق قومى شوى الصبح
مبجر...سوى الريوق واخذى الاشيا ءالجاهزه مثل الصمامين المحشيه والكرواسونات... مع العصير
غسلى العيال وقبل هالشى دفي الماى لهم...تالى ريقيهم انتى بنفسج..عقب طرشيهم للخادمه
تلبسهم...طبعا للبنات انتى محظره التالى...الملابس الداخليه..الهيلاهوب او الدلاغات..النفنوف
المدرسي..الشباصات... المشط والبروش..البودر...العطر...تكرمون الجوتى ويكون نظيف...خلى
الخادمه تلبسهم كل شى جاهز لها...عقب انتى مشطى البنات... بهالطريقه تسهلين لج ولخادمتج تجهيز العيال للمدرسه
10-بين فتره وفتره طبى عليها وهى بدارها قولى لها بدون مقدمات الحين ابيج تنظفين دارج
يالله حملة تنظيف وخليها تطلع درجها تنظفه جدامج وبالمره انتى شوفى شنو عندها بس لاتجيسين اغارضها احتراما للملكيه الخاصه لها ... الله يسامحهم
راح تلقين بلاوى.... من هالبلاوى بعض انواع السحر ويكون على شكل بودر مربوط او ظرف متين...
راح تلاقين شبابيص بناتج...بساكيت و عصاير اليهال...بطاريات البيت الخاصه بالريموت كنترول......حبوب
وبندول وجيكى شنو انواع الحبوب اللى عندها
شامبو البنات....صور اهل البيت وهالنقطه مهمه تحذرى منها... ممكن تلاقين بعض اشيائج الخاصه
على فكره(موكل الخدامات هالشكل فى بعض منهم زينين ماحط بذمتي)
11-اذا بتسولفين مع ريلج وتتظحكين لايكون جدام الخادمه اغلبهم يحسدون ويحطون عينهم عليج
12-لاتخلين الخادمه تتكشف على ملابسج الداخليه او ملابس زوجج الداخليه انتى اغسليهم بنفسج
وعلقيهم بنفسج
13-انا حصل لى هالموقف شخصيا ...كنت لما اطلب منها اى شى تقول مافى خلص
...طبعا اروح لزوجى اطلب منه...يتخانق معاى لان توه اهو اللى شارى الاغراض
فنتخانق ...الله لا يسامها تروح المطبخ تترقص وتضحك على انا وزوجى لان تخانقنا...فعليج انج كل
يوم تجيكين على اغراض البيت...من اغذيه ومواد تنظيف...الخ وانتى اللى صفيهم بيدج..علشان
تعرفين مكانهم وماتفقدين شى.
14- دايما جيكى على مفاتيح البيت ****قص مفتاح واحد
15- من الاشياء اللى عانيت منها لان تونى مسفره خادمتى حسبي الله ونعم الوكيل...انى فقدت
وايد ملابس لي ولزوجى ولعيالى...وايد مواعين واغراض المطبخ...الماجله مالت التموين كانت
تخلص عقب ما اشتريها بيوم...ولانى مأمنه فيها كانت تخلينى اتوهم انى ماشريت هالاغراض تقول لى هالاغراض مالت
الشهر اللى طاف؟؟؟؟ شفتو شلون... عيشتنى بوهم وفقدان ذاكره موطبيعى
الى ان عرفت انها تطلع اغراض البيت حق رفيجتها
16-تكرمون الزباله لاتخلينها تقطها بروحها لأ...وقت طلعتكم تطلع اهى معاكم تقطها وتدخل ودايما
طلى بجيس الزباله شوفى شنو فيه؟؟ لان كل يخششون اغراض حق عامل التنظيف اللى بالشارع
17-اذا كانت عندج مناسبه وماخذه عيالج وملبستهم ذهب طبعا يزوق قلب هالخادمه...انتى قولى لها الذهب
مسؤليتج اذا ضاع انتى من راتبج راح اخصم....لان اغلب الخادمات تقول لج ماما بيبى تلعب ومافى
سلسله والا اسوار واهم اللى يبوقون
18- اذا عندج خادمه اسيويه تفهم طبعا وقلبها عود...دايما سولفى جدامها انج تقدرين تستغنين عنها
لان اهم يعرفون ان الحين رواتبهم زادت وان اى شى السفاره اهى اللى تتكفل فتلاقينهم كل
شادين الظهر ورافعين خشومهم
19-اذا طلعتى مع عيالج تلعبينهم....انتى اشترى الكروت مالت الالعاب وصرفى الكرت كله لايبقى
فيه فلوس ...لان الخادمات شيسوون ياخذون الكرت ويردون الفلوس لهم بدون ماتدرين
20- نفس الشى اذا طلعتى عيالج تلعبينهم وشريتى لهم اكل انتى وكليهم لان اغلي الخادمات اللى
اشوفهم حسبى الله عليهم ياكلون اكل اليهال وتقول حق المعزبه بى اكل .
21-حطى بالج على الادويه .... بعض الخادمات يعطون اليهال ادويه وحبوب منوم علشان يفتكون من الحنه
22- اذا عندج ولد مراهق حطي بالج عليه من الخادمه...لان اول ماتوفر له الزقاير.
23- انا دايما ادعى من اشوف ويهم وحتى وانا اطبخ او انظف معاها...ان الله يكافينا شرهم
....عسى الله يلهيهم عنا وعن عيالنا وعن ازواجنا...الله يسخرها لي ولعيالي...واذا بتطلعون فى دعاء
حلو ان الله يكافينا شرهم,,, راح احاول ادوره واحطه لكم
اتمنى انكم استفدتو من خبرتى المتواضعه وعسى الله يكافينا شرهم
منقوووووووووول من صاحبهـ الموضوع
لاني قريت بشكل كبير مشاكل الخدم وحبيت افيدكمـ
|
رد مع اقتباس
المشاركة الأصلية كتبت بواسطة مرتبش
