منظمة العفو الدولية في تقرير حول الخادمات في قطر !!!

[لاجئ عاطفي]

لذلك قلت أخي الكريم تعطى إجازة حتى وهي في البيت فضلا عن أن تتكرم الأسر المحترمة بأخذهن إلى أماكن المتنزهات برفقتهم .

اتفق معك اخي الفاضل فيما ذكرته

[S S]

لين الحين شكلهم امطولين

[QTR TV]

يجب إلغاء نظام الكفالة وإحلال نظام التعاقد مكانه ويجب تحديد ساعات العمل للخادمات أسوة بغيرهن وأن تكون لهن إجازة حتى وهن في البيت وأن يحظين بمعاملة كريمة فإذا كان النبي صلى الله عليه وسلم يقول في حق العبد الرقيق: " إخوانكم خولكم جعلهم الله تحديد أيديكم فمن كان أخوه تحت يده فليطعمه مما يطعم وليكسه مما يلبس ولا تكلفوهم من العمل ما لا يطيقون ... صلى الله عليه عليك يا نبي الرحمة ورسول الله ومعلم البشرية ... قال ذلك في حق العبد الرقيق فكيف في حق الأجراء .. صحيح أن الكثير من الأسر تحترم الخادمة وتتعامل معها وفق مباديء الإسلام ... ولكن الكثير من الخادمات أيضا يتعرضن للتحرش والمعاملة السيئة .. وإصلاح هذا ومعاقبة المخالفين والمتجاوزين يجمل صورة قطر أمام العالم ويعكس رقي ثقافتها واعتزازها بدينها .

ياخوي حسستني ان عندنا ناس تأكل خدمها أسمعني ولا تأخذك الحميه بالإثم اخوي ركز معاي انت عندك خدامه تبغي أجازه يوم الجمعه إذا طلعت طيب وعطيتها أجازه أتوقع وين بتروح في الاجازه انا مابغي أخوض في التفاصيل لان الكل فاهم وعارف بيبان تنقفل بينهم وبين لدريوليه ومافي فايده إلا من رحمه ربي ياخوي حدث العاقل بما يعقل ترا والله مافيه مثل اهل قطر في معاملتهم مع خدمهم مكرمينهم وعادينهم من اهل البيت ترا قصص سمعنا ها وشفناها من بعض الخدم هذول جايين من بلدان كيري ميري كل شئ عادي عندهم وإذا ما فرضنا عليهم بيئتنا وسنعنا واسلامنا والله أنهم يلعبون لعبة السبلة ومحد يرضى في بيته هل أمور وهم الي جايين يشتغلون من حاجه فيمشون بالي إحنا نبغيه والمؤسسات الدولية هذوله من شماليهم نفس الحياه كيري ميري يعني الخدامه تحمل في بيته بيسوي حفله فما عليك منهم ومثل ماقالوا الجماعه في ردودهم السابقة هذي حمله على قطر فقط بسبب كأس العالم أسلوب ضغط عشان يخربون لبلاد يعني لدريول يشرب ويسكر على كيفه والخدامات يلعبون بخلقتهم من بارتي لين بارتي ويوم السبت اجيك البيت بخياسها
بنسبه لحقوق الكفيل ماسمعنا عنها شئ في خدم صوروا معزباتهم ونشروا صورهم وفيه الي سوت عمل لهل البيت وفيه الي ضربت إليهال وفيه الي باقت وفيه وفيه ياخوي خلها على الله وراجع حساباتك واتق الله في اهل قطر الي مافيه ابرك منهم ليت أشوف الخدم في الدول العربيه شساير فيهم
نصيحه للجهات الحكومية المختصة في استقدام الخدم توقيع الخدم على عقد في بلادها موثق من بلدانهم للحصول على الوظيفة يجب التقيد بقوانين البلد وتباع شرائع الإسلام واحترامها وتقيد بالعادات والتقاليد وأعراف البلد والبيت الي بيشتغلون فيه وبعض البنود يستعينون بها من محامين افهم مني وإذا جوهم مؤسسات الفسق والمنكر يبطون عيونهم بالعقود الموثقة من بلاد ينهم يبغون زين ما يبغون هم المحتاجين ماتجي خدامه إلا بعقد وموثق من دولتها وإذا الدولة ارفضة عطوها شهرين وشوفوا المظاهرات الي بيسونها الخدم في بلدانهم

[حبر وقرطاس]

لا مش ادعاءات وكلام حقيقي وهن فئه مستضعفه وماقام فيه فريق البحث شي قليل. واقسم اني اعرف شخص والله ينتقم منه اشد انتقام اعتدى على خادمه اخته .بتقولون ليش مابلغت لان اهله وكبار عائلته ستروا عليه واعطوها المال لتصمت

[امـ حمد]

كلام فاضي ولا أصل له من الصحه

[khalid525]

الله يعين حكومتنا على الهجمة الاعلامية الحقوقية اللي صارت متخصصة في قطر ،
لكن الحق يقال جزء من هذا التقرير صحيح والسبب غياب الثقافة الحقوقية عندنا ، ولا كلنا وقعنا على عقود العمل اللي تنص بوضوح على تحديد ساعات عمل وتخصيص يوم اجازة واعطاء الخادم راتب واضح ، الجزء الثاني ضياع حقوق الكفيل الذي يلجا لهذه التجاوزات حتى لا تضيع حقوقة .

[عضو المنتدى]

(((وصرحت منظمة العفو الدولية أنه يبنغي إلغاء تهمة إقامة "علاقات غير شرعية" من القوانين القطرية دون تلكوء .)))

كلام خطير ، يطالبون بإن يكون للخادمة حق لاقامة علاقات مع اي شخص وتخرج معه في الاجازه .

حتى لو كانت العلاقة بين الطرفين غير شرعية .

حسبنا الله ونعم الوكيل .

وعلى طاري نظام الكفالة .

سمعنا سابقا بأنه سيتم الغاء نظام الكفالة للخدم عبر الصحف في الخارج،

دون التطرق او توضيح للمواطنين ماهو النظام الجديد والبديل

حتى لايقلق المواطن ،

[عنيــــد]

نظام الكفالة فيه ظلم كبير على الطرفين ،، و اكثر من استفاد منه هم مكاتب الاستقدام ..

و هناك العديد من النقاط تحتاج لتعديلات و كذلك نحتاج لوضع تشريعات جديدة لضمان حقوق جميع الاطراف ،،

حتى رواتب الخدم من يضمن انها تسلم للخادمه كما هو مكتوب في العقد ؟؟

اصلاً من يضمن انها تصل للخادمه ؟؟

المفترض ان تكون الرواتب حوالات شهرية مثبتة في سجلات البنوك للابتعاد عن مثل هالاتهامات ،،

و الاجازه من حق الخادمه سواء رضينا او ما رضينا ،، في النهاية هي بشر و من حقها ،، و اللي يخاف من نشوز الخادمه فانصحه يختار خادمه مسلمه و اذا شاف انها تلعب يسفرها ،،

في النهايه اذا هي صايعه والله ان تزني و لو كان بين جدران بيتك ..

[عنيــــد]

اضف عليها نقطه ان حقوق الكفيل ليست مضمونه ،، ممكن بعد ثلاث شهور تشرد الخادمه او حتى تطالب بالسفر لظروفها و لا تبي تكمل العقد ..

ما نقدر نجبرها لخوفك على اولادك و بيتك من ردة. فعلها و في نفس الوقت ان راحت لازم تدفع من جديد تكاليف استقدام خادمه اخرى ..!!

و بعدين و نتكلم بشكل صريح .. ترى اعتماد غالبيك بيوت فطر على الخدم زاد بشكل كبير ،، و هذا بحد ذاته كارثه و واجب على المجتمع يقلل اعتماده على الخدم ..

[DreamBox]

لاحول ولاقوة الله بالله

لاتعليق على بعض الردود

لكن سبحان الله في بيوت يحبسون الخدامه عن الدكان ولا ماسكين عنها التلفون وبنات البيت سارحات ومارحات

قسم بالله انتهى عصر العبودية

المهم التقرير مستند على الخدمات اللي لجؤا لسفارتهم وتقدموا بشكاوي وطبعا يوميا اكثر من 20 خدامه يتوجهون لسفاراتهم ويتقدمون بشكاوي وانا شخصيا وصلت خدامه مره الساعه 2 الفجر شايله شنطتها وطلبت اني اوصلها السفارة وروت لي قصتها المأساوية فالطريق