شراء شقه في تركيا

[ام الحلوين]

السلام عليكم ورحمة الله وبركاته

اخواتي واخواني
ودي اشتري شقه بتركيا ودي اعرف نصايحكم وهل احد جرب واشترى انا ودي في اسطنبول مش برا
الي جرب واشترى ويعرف شقق سعرها زين ياليت يفديني ودي اعرف تجاربكم..

بانتظاركم..

[رفيع الهامه]

ابتعدي عن شرا العقار في الدول المجاورة للدول الغير مستقرة امنيا ..


اوروبا افضل كا استثمار او سكن خاص

فرنسا لندن المانيا

[al saad]

ابعد الشيخ خلك في الفنادق لو صارت لك مشكله ولا حد اتبعك وعرف سكنك راحت عليك الفندق زين والشقق كل مره اتغير مكانك
ولو تحسبها على عدد سفراتك بتطلع خسران بتستخدمها في السنه مره ولا مرتين بس

[قطريه ماركه]

^
^

مع رأي الأخوان اللي فووق
كم مرة بتروحين مرة أو مرتين بالسنة

تستأجرين شقة أفضل
أو ممكن تملين من البلاد و تحبين تغيرين

[بو خليفه 123]

السؤال هو هل الشقه للاستثمار ام للاستخدام العائلي

هناك فرق

و كم الميزانيه الي حاطتها لأنها تحدد المنطقه

[ام الحلوين]

السؤال هو هل الشقه للاستثمار ام للاستخدام العائلي

هناك فرق

و كم الميزانيه الي حاطتها لأنها تحدد المنطقه

الشقة للسكن العائلي في اسطنبول والميزانية ماعرف الى الحين

[al saad]

اذا عائليه راحت عليك الحريم يحبون الزبو بكره خبر الشقة ينتشر في الفريج والفريج الي جم الفريج ويكثرون الطلابه الشيخة بغينا الشقه لمدة أسبوع عاد فكك احين واذا قلت لا قال زطي

عن تجربه لاتعور راسك قسم قيمه الشقة الي بتشتريه على عدد السفرات والحسبة عندك

[ام الحلوين]

اذا عائليه راحت عليك الحريم يحبون الزبو بكره خبر الشقة ينتشر في الفريج والفريج الي جم الفريج ويكثرون الطلابه الشيخة بغينا الشقه لمدة أسبوع عاد فكك احين واذا قلت لا قال زطي

عن تجربه لاتعور راسك قسم قيمه الشقة الي بتشتريه على عدد السفرات والحسبة عندك

ههههههههههههههههههههههههههه لاماعليك ماراح اعطي حد شقتي الا اهلي

[.. الكاش ..]

يمكن انا اختلف مع الاخوان شوي افضل المكان الي اتردد عليه يكون لي فيه سكن خاص وبلعكس اسطنبول حلوه وتستاهل وفي مشروع مطروح من شهر في الجريده بسعر جيد عباره عن مشروع شقق سكنيه الحمدلله انسافر ونروح من الثمنينات ولامور طيبه بس الانسان يجب عليه ياخذ الحيطه والحذر في الغربه بشكل عام وعدم لبس الاشياء الثمينه خاصه من قبل السيدات والله بيستر عليكم وبتسهل الامور

[ام الحلوين]

يمكن انا اختلف مع الاخوان شوي افضل المكان الي اتردد عليه يكون لي فيه سكن خاص وبلعكس اسطنبول حلوه وتستاهل وفي مشروع مطروح من شهر في الجريده بسعر جيد عباره عن مشروع شقق سكنيه الحمدلله انسافر ونروح من الثمنينات ولامور طيبه بس الانسان يجب عليه ياخذ الحيطه والحذر في الغربه بشكل عام وعدم لبس الاشياء الثمينه خاصه من قبل السيدات والله بيستر عليكم وبتسهل الامور

اشكرك اخوي على الرد لكن هل عندك فكرة عن ارقام اصحاب المشروع؟