ارتفاع 126 نقطة بسيولة 1 مليار ريال توقعاتكم للأثنين 5-5-201

[فلاح 1970]

الريان طلع لي الضغط
شاريته ب 50.6 للحين قاعد في جبدي مب راضي ايتحرك كل مافكرت ابيع يرتفع شوي
اقول بمسكه

رايكم لازم تعطوني حل ابيعه بكرة وادخل سهم ثاني والا كيف

مرحبا اختي

عفوا انتوا ناس تحبون الخساير !!

تجيكم ارباح تطمعون ولا تبيعون .. تخسرون تفكرون في البيع !!

لازم تكون لك قناعه في الهدف والربح وكان واضح الهدف 51 والمحللين ما قصروا حاطينه قبل يوصل

ع العموم السهم اليوم مؤشراته ايجابيه وبيوصل رقمك ان شاء الله وبعدها تبين تطلعين اطلعي

[مكنتوش]

باذن الله ان ثبت فوق 25 راح نشوف 27.2 قريباً

ان شاء الله ويفرح ملاكه

[بوجبر]

اداء ممتاز للناقلات وفودا فون وصناعات

[هبوب الكوس]

تداول اليوم ولا اروع فاجئ الجميع

غدا التداول بنفس وتيرة اليوم لكن اقل

[(بوطلال)]

اليوم تم الفراق بيني وبين الحبيب الغالي سهم الرعايه بعد اجتماع شهور ولا انسى ان اشكر في هذا المقام محللنا العزيز يعقوب ذياب الي وصى على السهم من ايام 35 وعطى المقاومه عند 98 . وتم الانتقال الى سهمين واحد في القطاع العقاري عائده وقيمته الدفتريه مرتفعين ولازال مضغوط والاخر غدا او بعد غد بادخل عليه في قطاع التأمين . السوق بألف خير والدخول من المحافظ والبيع من الافراد .

[ame32480]

ماشاءالله السوق اليوم سجل ارتفاع رائع بقيادة الاسهم القيادية
في حال اختراق القمة السابقة لدى المؤشر مقاومة عند 13071 وقد يحدث عندها جني ارباح بسيط، مؤشرات العزم عادت للايجابية نوعاً ما وان شاءالله نشوف شمعة خضراء بكره

الرعاية لازالت تسجل ارقام جديده
ملاحة اليوم تصحيح قوي وكانت فرصة للدخول على 93-94
فودافون تداول ممتاز وتجميع محافظ قطرية وبكرة المقاومات عند 18.8 و 19.2
صناعات قطر امامها مقاومة عند 185.3 في حال الاختراق راح نشوف 188 باذن الله، المقاومة عنيفة نوعاً ما
قطر وعمان تداولها جيد اليوم كذلك وفي حال اختراق 15.2 فالهدف 15.49 وبعدها 15.91 وبعدها القمة السابقة باذن الله
قطاع التامين للمراقبة وبالتحديد الاسلامية وبعدها التكافلي
قطاع البنوك، العين عالدولي الاسلامي ونشوف تداوله فالايام القادمة

ماسبق ليس دعوة لبيع او شراء وانما راي شخصي قابل للصحة او الخطأ

اتمنى للجميع تداول موفق غداً

[اكاديمي]

اخواني المحللين انا لاحظت ان فيه تجميع من المحافظ القطريه والاجنبيه من يوم الاربعاء حتى اليوم على سهم بروه وتجميع كبير ممكن حد يوضح لنا الوضع اكثر هل هو محافظه على السهم من النزول او بقصد الاستثمار او ان العائد على السهم جيد في نظر المحافظ ؟؟؟

[مشتاقة لقطر]

يعطيك العافية عالرد اخوي الشيخ فلاح خلاص باحاول امسكه انا كنت افكر ابيع وارحع اشتري بسعر اقل ازيد عدد الاسهم
بس دوم يعاكسني الحظ اخاف ابيعه ويطير ولا الحقه

[$ خالد قطر$]

يعطيك العافية عالرد اخوي الشيخ فلاح خلاص باحاول امسكه انا كنت افكر ابيع وارحع اشتري بسعر اقل ازيد عدد الاسهم
بس دوم يعاكسني الحظ اخاف ابيعه ويطير ولا الحقه

نصيحه لا تبيعين لان السهم فيه خير