السلام عليكم
اخواني واخواتي....
ان شاء الله عندي موافقة ابتعاث اكمل البكالوريوس... وعندي كم سؤال .....
1- وش افضل.... بريطانيا والا امريكا.....؟
2- افضل ولايه في امريكا من ناحية ( الأمان )...؟
3- افضل مدينه في بريطانيه من ناحيه ( الأمان )....؟
4- في منتدئ خاص بالابتعاث والجامعات واخبارها......؟
وفي كذا سؤال بعد بتبين بعد المعلومات...
وما خاب من استشار...
من وجهة نظري لندن أفضل لأنه جامعاتها أقوى. ونظام الدراسة كذلك أفضل من أمريكا.
وبالتوفيق .
هلا ياالقصيد وكل عين وَعْدها فوق// لقيتك خويّي ساعة الضيق وسنافي
.
وعليكم السلام
بالمبارك عالبعثه وإن شاء الله نبارك بالتخرج
امريكا من ناحية الرخص والامان ومستوى الدراسه ونفسية الشعب الطيبه افضل بواجد من هالبريطانيا اللي تعتبر عكس كل شي ذكرته
كولايه انصح نيويورك من واقع سفراتي لها بس بعد التخصص المطلوب بتكون له حسبه ثانيه لان كل طالب وميوله في ناس تطمح للجامعات التوب لانها بتفرق فالتوظيف وبتفرق للقبول بعدين فالشهادات العليا وفي ناس تبغي شهاده وبس وما تفرق معاها الجامعه من حيث المستوى الاكاديمي
فنصيحتي هي التفكير بالتخصص عدل وقوقل ما بيقصر في ترتيب الجامعات في امريكا اكاديميا وبعدها يبتدي التشاور فالولايات
والله الموفق
وحبيت أضيف نقطة مهمة ؛ أخوي عليك بالإستخارة .
هلا ياالقصيد وكل عين وَعْدها فوق// لقيتك خويّي ساعة الضيق وسنافي
.
منتدى خاص بالابتعاث اسمه مبتعث
بالنسبه لامريكا اخوي ارشح لك ثلاث ولايات وبنظري انها افضل الولايات الي تصلح للدراسه دي سي العاصمه،اريزونا،كاليفورنيا
واخوي الي ذكر نيويورك مانصح ابها غاليه وايد..اذا في خاطرج اي سؤال راسلني ع الخاص وبالتوفيق ان شاءالله
بذكر لك الي اعرفه
بريطانيا بتخلص دراسه بسرعه و يعيبها الغلا و العيشه فيها تجيب القرف
امريكا اتوقع الدراسه فيها تاخذ وقت حسب ما اشوف من الشباب لكن العيشه فيها اكثر متعه و سلاسه من بريطانيا .
بالنسبه للمكان في امريكا ،، كلش ما انصح في نيويورك ولا حتى واشنطن .. غاليه و ممله و مزدحمه
انصح بكليفورنيا بالدرجه الاولى و بعدها اشوف عالم في اريزونا.. هذا الي عندي والله اعلم
بالتوفيق
مشكورين وماقصرتوا......
بريطانيا قدرت احصل قبول سنتين...
لكن امريكا الشباب اللي حاولوا قالوا لي اقل شي 3 سنوات....
سنه زياده ما بتفرق عندي واجد.....
الظاهر باستخير والنيه امريكا ان شاء الله....
من عقب قوقل وحوسته.... صفيت بثلاث مدن
وهي دنفر ولاية كولورادو
بورتلاند ولاية اوريقون
سياتل مدري اي ولايه.....
علئ حسب البحث والاراء في قوقل....
بغض النظر عن الجامعه.... لانه المدينه بالنسبه لي اهم
دور ولايه جوها حلو طول السنه سياتل خضرا وحلوه لكن دايما مطر ، كولورادو ولايات الوسط ، زوجي كان مبتعث في كانساس و لما سال قالوا له ابتعد عن ولايات الوسط كانت فعلا تضيق الصدر وبارده صقيع الحراره توصل 20 تحت الصفر ، ماقدر يتحمل و نقل كاليفورنيا
ضوابط المشاركة
رد مع اقتباس