اخوي الغالي محمد ،،
السلام عليكم اخي الحبيب ، اكتب لك هذا الرسالة لتعرف مدى الالم الذي خلفه غيابك عنا ، تصدق يالغالي ماعاد احد يدخل علينا بحلويات العيد ، ولا عاد احد يدخل علينا بكيكة الافراح فرح النجاح وفرح الميلاد وفرح النون وفرح الترقية وفرح بدون مناسبة وبدون مناسبة ، افتقدنا هالشي وااايد ، مع كل فرح يمر علينا ننتظر دخلتك علينا ومفاجئتك لنا بكل مايفرح قلبنا ، تصدق يا محمد مانسيناك ابد وهذا انت بتكمل سنتين وكانك معانا ، عيالك يخلدون ذكرك ، وابي اقولك بعد ترا السمية كبرت وصارت عروس فديتها وقامت تقول عميمتي وصارت متعلقة فينا وتحبنا سبحان الله صج لقالوا اللي خلف مامات ، الله يرحمك ياخوي الغالي وياااارب ربي يرزقك عفو ومغفرة ورضا من عنده وماذلك الله على الله ببيعد