عاداتكم راحت معاكم
سنعكم اندفن ف ثراكم
احنا مب بس فقدناكم
احنا فقدنا عفويتكم وطيبة قلوبكم ونيتكم
فقدنا الخير والبركة
كل سنه ينقص شي واقول غريبة ماسوو جذي مايابو جذي
قبل يصير ويستوي والناس توزع وتتنقص
الحين كلن يالله نفسي ومحد يستحمل حد
وينكم ياللي استحملتو الظروف الصعبه ومريتو بايام ماعندكم شي تاكلونه وبعد كنتو على قلب واحد
وينكم اللي لين حزن بيت حزن الفريج كله معاه
ولين فرح بيت فرحو الكل معاه
فقدت الحس الطيب والكلام الاولي الذرب والسنع
فقدت ريحتكم ريحة العود والعنبر
الله يرحمكم ويطيب ثراكم