تشكر اخوي الموج الأزرق وعتيق على متابعتكم السهم
ولكن الموضوع زاد عن حده وصار over !
راس المال يالصانع نبحث عنه من هذا السهم ما نبي منك زيادة ريال واحد يكفي عناد وقهر يكفي اللي اتسويه اكثر من ست شهور حول هالمستويات وش تبي اكثر يعني
راس المال تدري شنو يعني راس المال نبحث عنه ... انت ما تدري انه الله عزوجل موجود الله فوق كل من تجبر وطغى ... الله يهديك بس
الله يعوضك كل خير اخوي وانت صبرت وايد وصدقني حالي حالك بس ربك هو اللي يكتب الرزق مب الصانع
واهم شي صحتك والمال يتعوض
بالنسبه للسهم انا اشوف انه سهل رفعه لفوق ولارقام خياليه لقلة عدد اسهمه لكن اشوف ارتفاعه خفيف وفي النزول سريع
الاسبوع اللي طاف كل ما احط طلب شراء يتنفذ وكأن الصانع ماله رغبه انه يرتفع بهالوقت
فالنهايه ما يصح الا الصحيح وان شاء الله يدخل صانع جديد ويقلب الطاوله عليهم
الشي اللي يقهرني مجلس ادارتهم اللي ما شروا الكميه المسموحة لهم ولا راضين يرفعون نسبة التملك والاهم ان عندهم السيوله عشان يسوون مشاريع كبيره لكن للاسف قاعدين يصرفون السيوله على توزيع الارباح والشركة محلك سر!!!!!
ليش البؤس و الخوف في المشاركات
صحيح السهم تاخر في الصعود لكن اشوفها ضغوط عاديه
اذكروا الله والامور باذن الله تزيين
ذكرنا في المشاركة السابقة ان هناك مويجة صغيرة تصحيحية وهي الموجة الثانية ( مثل هذه المويجات الحقيقة ماانظر لها و لا تاثر في قراراتي في التداول لاني انظر للصورة الاكبر )
باذن الله الحين بدانا الصعود
نراقب
صامدين ان شاء الله
اخوي عتيق
هل في احتمال يكون حركة رعب قبل الارتفاع؟ مثل حركة الرعب المتوقعة في انماء
بارك الله فيك اخوي عتيق ... والله انا حلالي كله حطيته في هذا السهم والسبب واضح للكل وماحد يقول غشيم او غيره ... حالياً مربوط بمجلس الادارة المحترررررررم مب عارف اتصرف ابداً في حياتي صبر وصبرنا وتقبلنا الخساير اللي في الشركة وتحملنا ... لكن اللي يصير شي خارج عن الواقع مقارنة بباقي الشركات ... مجلس الادارة فرض واجب عليه يراعي حقوق المساهمين ما يصير يآخذ حلال الناس وبعدين ينزل تقرير فيه نوع من الغش بأن الشركة اخسرت ، مب شاريين شي وهمي او داخلين سوق الفوركس
الطبية شركة خاسره سنوات وشوف وين راحت ، استثمار شركة تبحث عن شركات تضمها لنشاطاتها لتكسب وترفع من قيمة السهم ودخل الشركة يكون مردوده على الكل سواء المساهمين او حتى مجلس الادارة نفسهم
مجلس الادارة الاجاره الموقر الرااااقي .. اش سويتوا في فلوس الناس اللي طلبتوها منهم رسمياً لانجاز مشاريع نشرت في الجرايد الرسمية المفروض تنجز على ارض الواقع حاليا ؟؟؟؟؟؟؟
يآخي المنطق يقول ارجع اقل شي وسكر فجوة الحصار اللي خذتوها سبب وطحتوا في السهم الى قاع مخزي
اعوذ بالله من شر البشر
التعديل الأخير تم بواسطة الطيف المهاجر ; 09-04-2021 الساعة 10:18 PM
اللي اشوفه ان الاسهم كلها فوق سعر الاكتتاب عدا هذا السهم واكيد في شي غلط عند مجلس الادارة او خاشين مفاجأه ومنتظرين وقت معين
لأن هذا السهم بالذات المفروض وضعهم غير الآن