&& مراحل بناء مجلس خارجي مع التشطيب .. بالصور &&

[خليفـة]

الله يجعله بيت ومجلس عامر باهله يارب .

الله امين
بارك الله فيك اخوي .. وجزاك الله خير على الدعوه الطيبة

[خليفـة]

السلام عليكم ورحمة الله

اولا مجلس مبارك مقدما، وعسى ربي ييسر لك المقاول الجيد اللي يبرد القلب.

عندي ملاحظة صغيرة او ملاحظتين او ثلاث.....

1- بما ان المجلس له دريشه وحده بس، فيفضل لو حجمها يكون اكبر، منها تهوية في الشتا ومنها اضاءة طبيعية.

2- باب المغاسل ياليته في الزاوية، مكان التلفزيون، لان مكانه الحالي في النص و قريب من باب الحمام اعزك الله، ما اعتقد انه مناسب.

3- اذا ما فيه امكانية تخلي التلفزيون قريب من الدريشة، يعني مشاهد المكيفات، فالافضل في رأيي ان يكون مكان باب المغاسل حاليا، يعني في وسط الطوفة.

وبالتوفيق ان شاء الله.

اخوي بوناصر .. هذا التقسيم الخاص بمكان الكراسي في المجلس الي انا ناوي عليه

ان شاء الله تكون فهمت قصدي من ردي السابق اعلاه
قواك الله

[بوNasser]

اخوي بوناصر .. هذا التقسيم الخاص بمكان الكراسي في المجلس الي انا ناوي عليه

ان شاء الله تكون فهمت قصدي من ردي السابق اعلاه
قواك الله

الله يحييك اخوي

انا فهمت قصدك، بس كنت اتكلم عن مكان التلفزيون ياليته يكون في النص قصدي مثل هالصورة.



مجرد اقتراح والراي الأول والأخير طبعا لك.

على فكرة انا شاطر اقترح بس، والا توني تقريبا مخلص مجلس وملحق، وعافس البطح في توزيع البيبان والدرايش والاثاث.

تحياتي لك وللجميع

[خليفـة]

الله يحييك اخوي

انا فهمت قصدك، بس كنت اتكلم عن مكان التلفزيون ياليته يكون في النص قصدي مثل هالصورة.



مجرد اقتراح والراي الأول والأخير طبعا لك.

على فكرة انا شاطر اقترح بس، والا توني تقريبا مخلص مجلس وملحق، وعافس البطح في توزيع البيبان والدرايش والاثاث.

تحياتي لك وللجميع

الحين وضحت لي الصورة .. واتفق وياك اخوي
مكان التلفزيون في الوسط أفضل بكثير من الزاوية
بطبق اقتراحك ولك جزيل الشكر يالغالي

[إعلامي قطر]

..

الشيخ عندي اقتراح اذا تحب:

أولاً اعمل سويج بين المغاسل والحمام وبالتالي
يصير باب المغاسل قريب جداً من باب المجلس
الخارجي يعني اثنينهم بزاويه وحده..

ثانياً حط التلفزيون يسار باب المجلس الخارجي يعني عند
الدريشه تقريباً بحيث إن إللي يدخل المجلس يكون
التلفزيون على يساره ومواجه صدر المجلس..

ثالثاً سو الكراسي على شكل حرف يو عرضياً مب طولياً
يعني ابتداء من طوفة الثمانيه متر وكسور المقابله
للتلفزيون والطوفه اللي على يمينها أم خمسه
متر وكسور والطوفه اللي على يسارها لين
قبل باب المغاسل..

وراح تستفيد إنك لما تقعد بصدر مجلسك راح يكون بينك
وبين التلفزيون خمسه متر وكسور فقط وأي ضيف
يجيك بيشوفك بصدر المجلس ومواجهه تقريباً
ومجلسك بيكون بشكل عرضي ومب طولي
وأتوقع هالشي أفضل وأكثر جماليه..

وممكن يمين ويسار التلفزيون تحط دواشق
مترين ولا ثلاثه للعيال أو الصبيان..

جرب بس إرسم هالكلام على خريطه وشوفه
أو إرسل لي رقمك على الخاص إذا تحب
وبطرش لك الصوره وتس أب وراح
تدعي لي !

بكل الحالات الله يوفقك
إن شاء الله..

..

[إعلامي قطر]

..

أتمنى تطلع معاك هالصوره تلعوزت مع الايفون:

http://www10.0zz0.com/2014/06/04/18/341845361.jpg

..

[معماري قطري]

انا مع توزيعة إِعلامي قطر من البداية + بالنسبة للتكييف لو تحط المعلق في وسط السقف واللي يوزع 4 جهات أَفضل + الدرايش يتحدد مكانها حول التلفزيون ولو حاب دريشة كبيرة وقدامها التلفزيون بعد يمشي الوضع .. ممكن الدريشة مفتوحة على حديقة وممكن تبي درايش صغار للخصوصية.

بالنسبة للحمام ناحية الجار دريشته صغيرة وممكن ترفع الحائط بحيث ما تبين للجار.

[خليفـة]

..

الشيخ عندي اقتراح اذا تحب:

أولاً اعمل سويج بين المغاسل والحمام وبالتالي
يصير باب المغاسل قريب جداً من باب المجلس
الخارجي يعني اثنينهم بزاويه وحده..

ثانياً حط التلفزيون يسار باب المجلس الخارجي يعني عند
الدريشه تقريباً بحيث إن إللي يدخل المجلس يكون
التلفزيون على يساره ومواجه صدر المجلس..

ثالثاً سو الكراسي على شكل حرف يو عرضياً مب طولياً
يعني ابتداء من طوفة الثمانيه متر وكسور المقابله
للتلفزيون والطوفه اللي على يمينها أم خمسه
متر وكسور والطوفه اللي على يسارها لين
قبل باب المغاسل..

وراح تستفيد إنك لما تقعد بصدر مجلسك راح يكون بينك
وبين التلفزيون خمسه متر وكسور فقط وأي ضيف
يجيك بيشوفك بصدر المجلس ومواجهه تقريباً
ومجلسك بيكون بشكل عرضي ومب طولي
وأتوقع هالشي أفضل وأكثر جماليه..

وممكن يمين ويسار التلفزيون تحط دواشق
مترين ولا ثلاثه للعيال أو الصبيان..

جرب بس إرسم هالكلام على خريطه وشوفه
أو إرسل لي رقمك على الخاص إذا تحب
وبطرش لك الصوره وتس أب وراح
تدعي لي !

بكل الحالات الله يوفقك
إن شاء الله..

..

بارك الله فيك اخوي اعلامي قطر
اقتراحاتك طيبة
ولكن انا سويت التصميم بناء على المساحة والمدخل للمجلس
عموما .. سأخذ ما ذكرته بعين الاعتبار ان شاء الله
كل الشكر لك اخوي

انا مع توزيعة إِعلامي قطر من البداية + بالنسبة للتكييف لو تحط المعلق في وسط السقف واللي يوزع 4 جهات أَفضل + الدرايش يتحدد مكانها حول التلفزيون ولو حاب دريشة كبيرة وقدامها التلفزيون بعد يمشي الوضع .. ممكن الدريشة مفتوحة على حديقة وممكن تبي درايش صغار للخصوصية.

بالنسبة للحمام ناحية الجار دريشته صغيرة وممكن ترفع الحائط بحيث ما تبين للجار.

قواك الله اخوي معماري
صعب اني اوجه اي دريشة نحو الجار .. بما في ذلك دريشة الحمام
للاسف ما عندي حديقة .. بالتالي الافضل يكون المكان الحالي للدريشة
كل الشكر لمشاركاتك الطيبة اخوي

[خليفـة]

كما ذكرت سابقاً .. بدأت اعمال الحفر لتنفيذ المشروع
ولكن للأسف كان هناك بعض الصعوبات .. والمتمثله بوجود خرسانه محيطة ببركة السباحة
ولكن الحمدلله .. كان الورور كفيل بحل تلك الصعوبة

اتركم مع بعض الصور الجديدة :



هنا كانت بداية التدمير .. واول ايام الحفر



هنا بعد مرور يومين من الحفر تقريباً



هنا وقد تم الحفر بعمق 80 سم تقريباً .. ليكون البدء قريباً ان شاء الله
في تنفيذ اعمال الجسور والقواعد والعمدان واللازم منه .

[حسن]

مبروك مقدما بس مهندسك غبي 80 سانتي ليش
بتبني بيت كله الى مجلس
اذا تبي استشاره هندسيه معماريه ديكوريه
ترا انا حاضر وببلاش لك

بالتوفيق يا خليفه