ما تلاحظون هبوط في اسعار الاراضي

[الزلزال]

بعد قرار الفيفا بيتحدد مصير العقار ولاراضي في قطر
بيعو لا تخسرون الملاييين

هههههههههههههههههههههه

[Laffan]

السلام عليكم
يالربع انا توني مكلم دلال قالي فوت الاراضي في ام صلال ثلاثمئة وخمسين!!!


سؤال احين الشاري شلون يقدر يتحقق من سعر الفوت اذا فعلا هذا سعره او مبالغ؟! خصوصا ناس وايد ماعندها خبره في العقار ويعتمد على كلام الوسيط.

فعلا ألي لاحظته المعروض وايد خصوصا البيوت، بس الأسعار غاليه هاي دليل سوق قطر ما يحتكم بالعرض والطلب (مادري وجهة نظر) ياليت اصحاب الخبره يفيدونا...

[باحث علم]

الشيخ انا حاولت ولازلت احاول احصل ارض خلف مركز الشرطة في ام صلال علي على 310 ماحصلت
اقل شي معروض 325 ريال
ان جبت السعر اللي تقول لي عنه 250 لك مني 3% عمولة مش 1%
خلو عنكم الكلام اللي لايودي ولا يجيب
الارض الوحيدة اللي نازل سعرها في قطر كلن عارفها 1600 في ام عبيرية والسبب ماتنزفر وواجهتها صغيرة ومكانها مش حلو - لذلك عارضينها على 233
اما عاد في ام صلال 250 !! هذي قوية

[باحث علم]

ياجماعة الخير

الاراضي في قطر مايتحكم فيها لا عرض ولا طلب صدقوني
فيه ناس كبااااااااااااااار وعندهم فلوس واااااااااااااايد ولا يدرون عن عددها
عندهم ناس شغلتهم فقط يشترون لهم افضل الاراضي في الدولة وينسونها ، بمعنى كلمة ينسونها
روح لاي منطقة تخطر في بالك ، وشوف الاراضي المميزة ، اللي على ثلاث شوارع او على شارع كبير احتمال يكون اداري او تجاري ، راح تحصل كل الاراضي هذي فضاء وغير مبنية ولا معروضة للبيع
الديرة صغيرة ، وفيه ناس كبار تخطط لقدام ، المهم عندهم يمسكون الاراضي الاستراتيجية ، لاهم بحاجة سيولة ولاهم بحاجة فيفا
عشان تعرفون سر الاراضي لازم تفهمون تفكير الكبار في الديرة
قال 250 في ام صلال ههههههههه

[مخطط قطري]

ابشركم يالربع موضوع الفيفا خرطي والبطوله باذن الله ستقام في قطر والفيفا نفو انه في اجتماع لازم يحاسبون الصحفين على اثاره هالفوضى والعبث وتصريحهم كان بالتالي وصلهم شكوك بالرشاوي من اشخاص يعتقد انهم متسببين في اشاعه الفوضى والمصداقيه لدى الفيفا وهالكلام قبل سنتين مش الان ومايعرفون سبب اثاره هالامر من جديد وصرح رئيس الفيفا بانه هذا الملف مغلق وانه البطوله ستقام في موعدها انتهى..........والدوله قاعده تضخ عشرات المليارات في جميع مجالات مقومات الدوله العصرية وعقبها الكل يتمنى يكون له شي يملكه في قطر

[مرحوم قطر]

والله كريم ،، هذا احنى في ارتقاب و نتابع اول باول

و ان شاء الله تنزل زود عشان نقدر نشتري

انا مابي ظ،ظ* الاف متر انا ابي ظ¥ظ*ظ* لين ظ،ظ*ظ*ظ*



اخوي باحث علم

ابشر بطرش لك الرقم على الخاص بس يبيلي شوي ادوره و الله يوفقك ،،، ظ£ظھ اعتبعا عانيتك اذا الله وفقك

[ابومبارك]

بالنسبه للفوت تفرق الارض اذا كانت على شارع اداري او خدمي من ارض على شارع داخلي

ذكرت ان ارض في روضة الحمام الفوت 300 ريال هذي اكيد ارض على شارع فرعي ..

انا عندي ارض على شارع اداري خدمي مساحة الشارع 40 متر من غير الارصفه لو عطينا الارصفه جانب 5 متر وجانب 5 متر بيصير المحصله 50 متر الشارع رايح جاي
في روضة الحمام عطوني بالفوت 350 ومابعت .. يعني تختلف حسب مكان الارض والرغبه بالمكان
حتى الاماكن الاخرى تتفاوت الاسعار حسب مكان الارض

تحياتي لك

[ذكي جدااا]

موضوع الفيفا ماله دخل بأسعار الاراضي قد يكون أحد العوامل البسيطه لنزول العقار. العقار لا بد ان يمرّ بمرحلة تصحيح والأسعار الان بلغت القمة أسعار الاراضي غير مجدية للاستثمار

[m.alsulaiti]

ياريت ياصاحب الاعلان تحط ارقام الدلالين اللي كلمتهم امام كل سعر فوت منطقة عشان الكل يستفيد من هالاسعار اللي أنا في حياتي ماسمعت عنها بالرغم من تعاملي الدايم في العقار وعلمي التام باسعار السوق

[m.alsulaiti]

وبالنسبة للمعروض شوف مثلا منطقة الصخامة الاراضي المعروضة للبيع تنعد ع الأصابع وكذلك بالنسبة للفلل ومر وشوف بنفسك