من نزل وزنه بدون عملية

[تأملات]

السلام عليكم
من جرب نوع من الرجيم وقدر ينزل وزنه ويحافظ عليه

[بريق الحق]

اذا تبي تنزل وزنك عليك بالاكل الصحي بشكل متزن وباذن الله راح تنزل اذا مع التمرين خل وجبة الكارب وجبه وحده فاليوم الي هي قبل التمرين وعليك بالنواشف
واذا تبي تستخدم شي مفيد عليك بالكرنتين يحول الدهون الى طاقه وقت التمرين

[بو طالب]

ودي ولكن كيف تحقيق ودي

[alsoq]

بسالك شخص في البحرين اعرفه ونزل وزنه عطني ها اليومين وبقولك

[بـومحمد]

تنزيل الوزن برجيم والتمارين وايد احسن من العمليه الي تنزل وزنك بسرعه وتسبب ترهلات ويصير شكلك كانك نفاخه مفشوشه من الترهلات
صحيح التغير يطول بس وايد احسن الموضوع يبيله اراده وتشجيع ولا حد يحبطك ويقول لك استخدم الحل السريع

[بنت الجزيرة]

أبعد عن السكر والعيش والخبز نهائيا
وأكثر من الماي والمشي
وبالتوفيق

[R 7 A L]

انا نزلت وزني من 92 الى 75
مشي مع هروله وجري يومياً لمدة ساعة فقط لا حديد ولا تمارين سويدية
فطور + وجبة واحدة بين الغداء والعشاء
بالاضافة الى العصائر والفواكة
المدة اربع شهور

تنزيل الوزن يبي له صبر وتعب بس بعد مرور اول شهرين بيكون الوضوع عادي

[وطن]

انا نزلت رقم كبير جداً
بدون عملية
وبدون حرمان

تخفيف اكل ونظام متوازن

من عشر سنين تقريبا تابعت مع دكتور تغذية في البحرين
اسمه علي الضن ،، مصري و روعة في التشجيع

نزلت بدون رياضة معاه لاني كنت كسوله وايد

بس الحين اتمرن اربع مرات في الأسبوع من حول خمس سنين ومب ناويه اقطع التمرين

و قدامي مشوار بعد عشان أوصل للوزن اللي ابيه
لاني وقفت ما كملت و أهملت في مرحلة ما وصرت اطلع شوي وانزل شوي

بس ما رجعت أبدا للرقم القديم
اللهم لك الحمد والشكر

[بوحارب]

توني كنت مع واحد من ربعي ونزل وزنه من 100 الى 77

بس رجيم قاسي مع مشي يوميا لمدة ساعة

ومره شفت واحد في الانستقرام نزل وزنه من 125 الى 75

في سنة ونص المدة

وانا الحين منزل 3 كيلو في اقل من شهر

مسوي رجيم مع مشي وتمارين حديد خفيفة

[حسن]

انا توني منزل وزين ولازلت ماشي على رجيم
من عشره ايام تقريبا 3ونص كيلو مع تمارين في الصاله وشيل حديد
حاط خطه ان انزل كل شهر 5 كيلو بركه وبلا قص ولا ربط
وعلى فكره الكثير من اللي قص صادهم حصى المراره

بالتوفيق