ملاحظات على مطار حمد الدولي !!

[R 7 A L]

والحين ؟

الحين أوك


فعلاً شي يفشل
وين التنظيم ؟
ليش مافيه موظفين يوجهون هالناس الي قاعدة في هالمكان ؟

[ebo90]

الله يعينهم ان شاء الله ..

في وجهة نظري المطار يحتاج له كم شهر بخصوص الاوبريشن .. بعدها نقدر نحكم .. مشروع كبير مثل هاي حتى ولو انه اخذ وقت بما فيه الكافيه لكن الاوبريشن عشان يضبط احس يبيله وقت بسيط .. مايصير نحكم عليه من اول يوم


يعطيك الف عافيه يالشيخ

[ya3coub]

أخوي رايت البارحه رجعت من دبي طيارة الساعه 7

طبعا في ناس اول ما توقف الطيارة وقف و طلع شناطه و يتم واقف بدون فايدة

و لاحظت الطريقه الي تنشال فيها الشناط من الطيارة كانت عبارة عن سيارة "مازدا سكس ويل" لين ما انترس البدي و بعدها جابو السيارة الصغيرة الي وراها قلص و طبعا كل الشناط تتحذف بدون مراعاة الي عليهم لزقات الكسر

المشي من التيوب للجوزات ما كان بعيد ولا أيضا كان الطابور طويل مثل بعض الانتقادات السابقه

الموظفه كانت سريعه ما شاء الله عليها بينما بعض الكاونترات كان في بطئ شديد عليهم بحيث اني حسبت للموظفه 5 اشخاص تخلصهم بينما الي فالجهة الأخرى تخلص مسافر واحد << الأثنين للقطرين و دول مجلس التعاون

عالساعه سبع و نص و لله الحمد كنت مخلص من الجوازات و بانتظار الشنطة أول شي لاحظته و صحيح كان مرهق و متعب عدم وجود اي كراسي على الإطلاق و هالشي غلط المطار القديم كان فيه كراسي. طبعا بما انه "الحقاب في الطريق" قلت اخذ لفه بالديوتي فري

رحت الديوتي فري حصلت عطري ابيه بس قالو بيجيبونه من المغادرون و ما بتاخذ اكثر من ربع ساعه قلت اوكي

رجعت للسير 8 إلا ربع طلعت الشناط و للأسف تأخرت بالديوتي فري ساعتين بسبب انه العطر الي جابته الموظفه غلط مو الي كنت ابيه و فوق هاي السستم متعطل بحيث انهم اسحبو من البطاقه قيمته و كانو يبوني ادفع للعطر من جديد والسوبرفايزور ما قصر و جابلي عصير و ماي على حسابهم

الكراسي شي مهم جدا ولا تعامل الموظفين كان راقي المسافة ليست بالكبيرة في حالة القادمون بعكس المغادرون اللوحات واضحه و مفهومه الموظفين فالمطار يساعدون كبار السن و الأمهات الي مسافرين مع يهال

هاي تجربتي الأولى بالمطار الجديد

[بوحارب]

شي ماله داعي

في ساعتين افتر الدوحة كلها !

يسلموا رايت ع النقل

[دنيا الاسهم]

الله يعينهم

[بصمة قطرية]

سافرت و الحمدلله ما واجهتني أي مشكلة فس المطار
و إنتظار الحقائب ..
بالعكس ما مدانا نوصل الا الشنط طالعه ..
أخوي سافر قبلي بإسبوع و عانى من سالفة الشنط ..
تأخرت ساعه ..!!!
أعتقد مسألة وقت بس و بتضبط الأمور .

طول بالك شوي أخوي رايت ..

[MAZEN37]

الخطاء وارد لكن لازم الاستفاده منه وحل المشكله علشان ما تتكرر
المشروع ضخم وشيء طبيعي في البدايه

[بريق الحق]

هههههه المطار شكله بنجوف مغلق للصيانه بعد فتره
الله يستر

[Dana’1]

مثل هالأخطاء...تأثر حتى بملف 2022
ملاين بينتظرون ساعتين عشان شنط!

[Vanille]

مثل هالأخطاء...تأثر حتى بملف 2022
ملاين بينتظرون ساعتين عشان شنط!

وايد كبرتي الموضوع!!!!!!!

بخصوص هالنوع من الأخطاء فهو وارد في أي وكل مكان من سنة تأخرت شناطنا في مطار تشارل ديغول لمدة 3 ساعات ونص ومره في مطار فرانكفورت نصنا وصلت شناطهم على طول ونص المسافرين وصلت شناطهم بعد ساعة ونص هالشي وارد ومانقول ان الاخطاء مقبوله نتمنى تتحسن الأمور لكن بدون مبالغه بالعكس المطار حلو وواجهة حضارية لقطر ونتمنى تنحط نقطة الكراسي في الاعتبار