مماطلة مؤسسة العمادي للالكترونيات ( جنرال )

[KR4Tech]

هدي عمرك يارجال ..

غير المحل وانتهى الموضوع

[qaa]

هدي عمرك يارجال ..

غير المحل وانتهى الموضوع

شكلك ماقريت كلامي او قريت ومافهمت ،،

انا اقولك اتفقت معاه يركب لي المكيفات تاريخ 19/6 لان كانت عندي مناسبه واكدت عليه اذا مايقدر بشوف مكان ثاني
قالي لا اكيد بركبهم واحنا شركة محترمة ، وقلت له بعطيك عربون قالي ميصحش لازم كامل المبلغ !!

عشان كذا الله يسلمك ماكنت اقدر اروح محل ثاني ، لو ادري انه عيار وكذاب مارحت له ،،

فالاخير طلع كذاب وشركته غير محترمة والله يسامح راعيها ،،

لكن هذول تجارنا مع الاسف ،،

[QtrGate]

جونا حار جداً ولايطاق بدون مكيف
الحمدلله على كل حال

لأكن ان يعطونك موعد وبعدها ياجلونه بدون آي سبب
لازم تتخذ معاهم إجراءات قانونية وعدم التنازل الا بتعويض

[Rashid554]

وكيل جنرال معروف ان خدمة ما بعد البيع عندهم من اسوأ الخدمات ولكن للأمانة مكيفاتهم من افضل المكيفات وغالية وتعيش معاك
ولكن في شركات منافسه لها مثل جنرال كول مع انه صيني ولكن للامانة يكفي خدمة ما بعد البيع وفي شركات ثانية تقدم خدمات ما بعد البيع ممتازة ولكن مكيفاتهم ماتعمر بهالحر مثل سامسونج

[بوخالد911]

حاول وبكل قووة

التواصل مع مسؤول قطري

روح له بعد المغرب

[باراكودا]

أنا رحت فرعهم في شارع الشافي وشفت الاسعار طايرة فوق المعقول وطلعت من المحل وندمت أني مريت عليهم .

[جوال 11]

الذي يبغي جنرال ويحتاج اكثر من مكيف يروح دبي المكيف طنين مع الضمان ب 2200 درهم واذا بدون ضمان 1800 ورمب المكيفات ووفر حتى المكيفات التي نشتريها من الدوحة في حالة اي عطل ونحتاج تغير الضاغط ( الكمومبريسر ) يدفعونك مبلغ ويقول لك هذا للايدي العاملة والغاز يعني لعبة وبعدين كل المكيفات في السوق صناعة صينية ولا تصدق الذين يقولون الصناعة يابانية

[محسن العجي]

التعامل السيء ينرفز


ماتنلام

[فقيه زمانه]

لا الله من لامك الشيخ .... من أسواء الشركات في الخدمة بعد البيع شرية ظ¢ظ¨ مكيف لبيتي الجديد ً طبعا رايح لهم على السمعة الزينة شيبانا دائماً يمدحون جنرال ً جاوني عمال شكلهم من السوق كل واحد لبسه غير عن الثاني ً طبعاً أسلوب مطور عندهم ً ركبوا المكيفات بعد كم شهر الي كم مكيف عندي حارين اتصلت على الشركة جزاه الله خير قال بعد يومين وجنوي في الموعد بس ليتهم ما جاو مادري وش سوو وطلعو ما انتظروني أجي واشيك على المكيفات و ما تغير شي خليتهم لين أفضا لهم كلمتهم قبل العيد باسبوعين عطوني موعد بعد ظ¥ ايام كان يوم الأحد قبل العيد باسبوع محد جا كلموني الأربعاء وطلع متخصص في مكيفات الويندو مش السبلت وقال بابلغ الشركة .... وذاك وجه الضيف جبة شركة خاصة شيكة على ثلاث مكيفات وطلع ما فيهم غاز خذو ظ¥ظ*ظ* ريال وتمشوا على البراد،،،،
أسف على الاطاله بس نصيحه اخوي مركب مكيفات فوجي افضل خدمه عندهم خلكم من جنرال العمادي ... تحياتي

[يوسف0]

صحيح خدمة مابعد البيع سيئة جدا