الخطه الثانيه ياعاهد ان شاء الله من بدايه رمضان رغم اني مدخن خفيف
البلا في السويكا بعد المنتشره بشكل كبير
شكرا ياعاهد
اللهم لك الحمد والشكر
تركت التدخين منذ 2000 ولله الحمد والمنه
ام عيالي بعد ماارتاحت من الريحه الخايسه في البيت شكرت الله بركعتين ودعاء ثم سألتها هل كنت مؤذي الى هذا الحد قالت شقد اكرهه وانا معك في السياره او في البيت تقول ماارتاح منه الا اذا كنا في البر والله يابوعيالي لولا معزتك ماني عايشه معك الى هالحين والاسباب انك لم تؤذيني لوحدي بل حتى اذيت عيالك ولكن صبرنا حتى الله استجاب لدعائي والحمد لله
رفع الله الضرر عن كل مسلم واعانه على نفسه بأن يمنحه العزيمه والاراده على ذلك
وهذا رمضان شهر الخير افضل وقت لترك هذه العاده السيئه
نصيحه لله
(يَوْمَ لا يَنْفَعُ مَالٌ وَلا بَنُونَ . إِلَّا مَنْ أَتَى اللَّهَ بِقَلْبٍ سَلِيمٍ)
(صدق الله العظيم)
انا ولله الحمد ما ادخن سجاير
بس اشيش
علاقتي بالشيشه علاقة زوجيين في شهر العسل
ما ادري ليش اشك إِخوي عاهد انك تدخن بالخش
عني انا تركت التدخين من حول 35 سنة .. والسبب ببساطة عصاة الوالد الله يحفظه وتلشيطه لنا بعد ما شك اننا ندخن .. قال التدخين للرجال وصدقناه واستانسنا وقلنا لربعنا أَيام سن ال 15 وتفاخرنا إِن ابوي راضي ندخن .. قالوا نتحداكم تروحون وتدخنون جدام امكم .. وأَكبر خطأَ سويناه رحنا واحد ورا الثاني واحنا إِخوان كلنا ذكور ومتقاربين في السن ونمر على دريشة المطبخ .. وكان بيتنا شعبي والدريشة جدامها ليوان وربعنا يشوفون التحدي من باب البيت .. نمر عليها وكل واحد مولع زقارته ويشفط .. خلاص خذنا الضوء الأَخضر من القوي والوالدة ضعيفة ما تقدر تسوي شيء.. صج عصبت لكن كل اللي سوته غسلت الوالد والوالد كان من كبار المدخنين وقطع الحمد لله .. وباذكر قصة قطعه للتدخين لاحقاً.
المهم اللي صار إِن الوالد خلاص ثبت له إِننا ندخن وولع يهال وقرر يغسلنا غسيل حار شوي .. واحنا متسدحين عند التلفزيون ونشوف بباي واوليف ذاك الوقت جانا بعصا خيزران وببساط خفيف وكنا نخاف منه وايد يعني نقدر نشرد بس ما نشرد .. وبالدور يقط البساط على الواحد يغطيه لين راسه وهو منسدح ويدوس بركبته على خشته " ويهه بالقطري " وبالركبة الثانية على ركبتينه وهو ثانيهم ومخلي ام علي بارزة لمرمى النيران الصديقة .. ويبدأَ بالعصا .. والله اتذكر لشطاتها للحين .. لشطات وتعليمات بعصبية لو كررناها عقابنا بيكون أَكبر .. المشكلة نفس ما فيه والبساط شوي مغبر وقماش والغسيل كان سريع ومؤثر والوالده الحنونة والطيبة كانت تشجعه بس بعدين استوت تهديه وتطلبه يخف الضغط .. وبالدور كل شوي واحد ضحية لين تأَدبنا بالكامل وبعضنا رجعوا لها كبار .. يمكن انا اللي ياني الضرب أَكثر شيء ومن كذا ما رجعت لها والأَهم بقناعة مني.