.,
تجري الرياح كما تجري سفينتنا ., نحن الرياح ونحن البحر والسفن .,
ان الذي يرتجي شيئا بهمته ., يلقاه لو حاربته الانس والجن ,’
فاقصد الي قمم الاشياء تدركها ., تجري الرياح كما رادت لها السفن .,
.,
سبحان الله توني امس كنت اتناقش بالموضوع مع رفيجتي..
ياخي مادري بس احس الضرب قبل بالجيل القديم كان يفيد وله تأثير ، بينما الضرب هالايام مايحرك بالطفل شعره! اكيد يصيح حزتها بس عقب يرجع يكرر الغلط وكنك يابو زيد ماغزيت!
لذلك قبل الضرب في اساليب اخرى للتعامل مع الطفل ، خاصة ان الزمان تغير عن اول وصارت حياة هالايام تختلف كل الاختلاف عما قبل ف طبيعي تعاملك مع طفل اليوم غير عن تعاملك مع طفل الامس... وللأسف نحصل في فجوة كبيرة بين الاب والطفل ، لأن الاب رجال من الزمن القديم والطفل من الزمن الجديد وهالأب ماحاول يتعايش مع ولده بطريقة يكون قريب له فيها.
انا شخصيا اتكلم من واقع اشوفه بالبيت عندنا ، عندي اخ يده طويلة ويطق اخوي الصغير كل مايغلط ، ولكن اخوي الصغير مايتعلم ويعيد نفس الكرة مرة و2 و3 وبالعكس بسبب الضرب صار نحيس ويحب يقهر اخوي الكبير!!!
احنا ما انضربنا بس انا مع الضرب الي ما يأذي الياهل
عندي اعيال اخواني سندارة وعنيدين لو يخلونهم لي سنعتهم
بس مع وجود طويل العمر ( الوالد ) حتى ابوهم مستحيل يهاوشهم
احس لازم الولد ينضرب يعني لما يكسر شي تروح تمسك ايده وتنزل تعطيه ذيك النظرة
ونبرة حادة تخليه يحرم يسوي هالشي مرة ثانية لكن ماعتقد حد هالايام يضرب اعياله
إياك أن تدل الناس إلى الله ثم تفقد أنت الطريق . .
وأستعذ بالله دائماً أن تكون جسراً يعبر به إلى الجنة ثم يُلقى به في النار . .