كيف استخرج فيزا شنغن حق سويسرا

[ظل القمر]

مرحباً

عندي سؤال ناوين على السفر الى سويسرا ثم ألمانيا

من وين استخرج فيزا شنغن حق سويسرا ! شنهي الطلبات ؟

و لازم اروح بنفسي ! و لا في نظام البصمة ؟

[ظل القمر]

آين أنتم

[غير البشر]

آين أنتم

نحن هنا هههههههه

ان شاء الله اختي دقايق وانزل لج المشاركه

[غير البشر]

اختي بخصوص الفيزا حق سويسرا

طبعا لازم تروحين مرتين

المره الاولى وقت الموعد لعمل البصمه
والمره الثانيه لأستلام الفيزا

اجراءات الحصول على الفيزا من السفاره السويسريه

1- تعبئه الطلب الكترونيا ومن ثم طباعته والتوقيع عليه

http://www.eda.admin.ch/etc/medialib...gen%20Visa.pdf

اخذ موعد وهنا طريقتين
اما الاتصال بهم على رقم 40203400

او ارسال لهم ايميل لتحديد الموعد


doh.visa@eda.admin.ch


وكتابه :
# عدد الاشخاص الكبار وجنسياتهم
# عدد الاشخاص القصر وجنسياتهم
# رقم الهاتف
# تاريخ السفر


وسيتم الاتصال بكم من السفاره لتحديد موعد الحضور للبصمه وتقديم الاوراق

3- الاوراق المطلوبه :

# الطلب ( الابلكيشن معبا )
# صوره شخصيه لكل متقدم خلفيه بيضاء
# اصل الجواز وصوره منه لكل المتقدمين ( مع مراعاه تاريخ انتهاء الجوازات ماتقل عن 3 شهور )
# تأمين صحي
# حجز تذاكر وحجز فنادق بكامل مده الاقامه في سويسرا
# كشف حساب 3 شهور من البنك

ملاحظه : الاطفال تحت 18 سنه لازم يوقع على الطلب الولي الاب او الام
وترفق صوره من جواز الولي الموقع على الطلب مع طلب القاصر وايضار صوره من جواز القاصر


مبلغ الفيزا للكبار فوق 12 سنه 290 ريال
للأطفال من 6 سنوات الى 12 سنه 170 ريال
اقل من 6 سنوات مجانا

ملاحظه دفع رسوم التأشيره نقدا لاتقبل الشيكات او بطاقه الائتمان الفيزا


وبس

بالتوفيق ان شاء الله
اي استفسار انا حاضر

[Q6RI-001]

التـــــوفيـــــق انشـــــاءالله..

[ام عبدالله@]

بالتوفيق

[rayyani4ever]

اخوي غير البشر بالنسبه للسفاره الالمانيه شلون النظام؟؟

لما دورت في النت لقيت اكثر من نموذج للطلب فمادري اي واحد استخدم وشلون اخذ الموعد؟