الحذر من البدايات بتربية الأبناء ..

[حمد 2002]

السلام عليكم ورحمه الله وبركاته

الحذر من البدايات بتربيه الأبناء ..

قد يبدوا العنوان قريبا من الوهله الأولى حيث قد يتساءل البعض ماذا يقصد كاتب الموضوع بكلمة البدايات .

البدايات : المقصود بها هي أنه قد تكون بداية الفاسد بسلوك الابن من سماح الأب أو الأم له بالذهاب إلى العزبه مع ربعه بدون سؤالهم ومعرفتهم عما يدور بالعزبه تلك وعدم معرفتهم باصدقاء الابن وسلوكهم ..

البدايات : المقصود بها هي أن تكون بدايه الفساد للابن بإعطاءه مصرف مادي كبير بالمدرسه اكثر من الي يحتاجه ، فقد يحتاج 10 ريال فقط ولكن بعض الاباء يعطونه 20 ريال بداعي تدليل الابن وانهم لايريدون أي نقص لابنهم ، ولكنهم لايعرفون بأن كثرت الفلوس بايدي الابناء تعتبر فساد أكثر من فائدتها ، لأنه من الممكن أن يشتري بها سجائر أو أي شيء مضر إلى آخره .

البدايات : هي أن تذهب ابنتهم في البداية مع صديقاتها إلى المجمع بداعي الترفية عن النفس وسماح الآباء لها بذلك بدون مراقبة لها ولربعها عما يفعلوه بذلك المجمع .


بداية الفساد قد تكون بالذهاب للسفر . للعزبه . اي أنها قد تتخذ صورا مختلفة وليست محصوره بمكان معين .


والله من وراء القصد ..

أخوكم

حمد 2002

[T A L A L]

^





حمد اول مره تحط موضوع ويشدني , دايم مواضيعك هواش الله يهداك < طيب باسكت
انا معك ودايم انا والوالد الله يحفظه في جدال على هالنقطة ودايم يمشي كلمته حتى لو غلط ..
يقول يوم كنت بعمره ما منعتك شيء , الحين تبي تجي تمنع اخوانك هذا عدل ي استاذ طلال ؟
مثل ما سويت لكم بسوي لهم وما قصرت عليكم تبون اقصر على اخوانكم , وراي حساب ..


قلت له يبه بس موب بالطريقة ذي والله انا واخوي جاسم ما نسهر لين 12 و 1 ونروح مجمعات ..
ولا تعطينا ب ال 200 و 300 كم مره نزلت دمعتنا عشان نبي 100 بنروح السينما مع الربع ترفض !
والحين اخوانا ابد بدال ال 100 تعطيهم 500 ويسهرون مع ربعهم لين 1 و 2 مرات ليش ؟
يقول عيال عمهم موب احسن منهم بعدين هم مع عيال عمهم موب مع احد غريب !
لاحظوا اخوي هذا ب 3 إعدادي يعني صغير فالعمر , الاباء انا مادري هم يدرون او لا عن اللي يصير ..
اولها خراب من نواحي كثيرة " التدخين , التفحيط و شيء اكبر من هذي كلها ما اقدر أقوله "
صرنا في زمن يخوف صرنا نخاف على الولد مثل ما نخاف على البنت ويمكن اكثر والله ..


المصروف بعد مشكلة ثانية يعني الحين ال 10 ريال ما تسوي شيء ؟ لا صج يعني موب معقولة ..
هذي نقطة ما ندري نحاسب عليها المجلس الاعلى واسعار الاكل فالمقصف ولا اللي يسوونها !
يقولي اخوي عبدالله في سادس ابتدائي ان مدرستهم تبيع دونات الحبة ب 5 ومن غير السنيكرز ومارس و و و
يعني احس المدرسة وراء هالنقطة عشان كذا ما الوم ابوي مرات لو عطاعم 15 او حتى 20 ريال ..


الموضوع هذا كبير صراحة وجد الحذر كل الحذر ترى احنا في زمان يخوف اعوذ بالله والله ..
انا مرات استحي ارد على ابوي واشرح له اللي يصير ولا اقدر افرض كلمتي او ارفع صوتي !
وبنفس الوقت ما ابي اخواني يتخربون فما ادري وش الحل مع هالموضوع ماني عارف والله ..




-

[JN000N]

^





حمد اول مره تحط موضوع ويشدني , دايم مواضيعك هواش الله يهداك < طيب باسكت
انا معك ودايم انا والوالد الله يحفظه في جدال على هالنقطة ودايم يمشي كلمته حتى لو غلط ..
يقول يوم كنت بعمره ما منعتك شيء , الحين تبي تجي تمنع اخوانك هذا عدل ي استاذ طلال ؟
مثل ما سويت لكم بسوي لهم وما قصرت عليكم تبون اقصر على اخوانكم , وراي حساب ..


قلت له يبه بس موب بالطريقة ذي والله انا واخوي جاسم ما نسهر لين 12 و 1 ونروح مجمعات ..
ولا تعطينا ب ال 200 و 300 كم مره نزلت دمعتنا عشان نبي 100 بنروح السينما مع الربع ترفض !
والحين اخوانا ابد بدال ال 100 تعطيهم 500 ويسهرون مع ربعهم لين 1 و 2 مرات ليش ؟
يقول عيال عمهم موب احسن منهم بعدين هم مع عيال عمهم موب مع احد غريب !
لاحظوا اخوي هذا ب 3 إعدادي يعني صغير فالعمر , الاباء انا مادري هم يدرون او لا عن اللي يصير ..
اولها خراب من نواحي كثيرة " التدخين , التفحيط و شيء اكبر من هذي كلها ما اقدر أقوله "
صرنا في زمن يخوف صرنا نخاف على الولد مثل ما نخاف على البنت ويمكن اكثر والله ..


المصروف بعد مشكلة ثانية يعني الحين ال 10 ريال ما تسوي شيء ؟ لا صج يعني موب معقولة ..
هذي نقطة ما ندري نحاسب عليها المجلس الاعلى واسعار الاكل فالمقصف ولا اللي يسوونها !
يقولي اخوي عبدالله في سادس ابتدائي ان مدرستهم تبيع دونات الحبة ب 5 ومن غير السنيكرز ومارس و و و
يعني احس المدرسة وراء هالنقطة عشان كذا ما الوم ابوي مرات لو عطاعم 15 او حتى 20 ريال ..


الموضوع هذا كبير صراحة وجد الحذر كل الحذر ترى احنا في زمان يخوف اعوذ بالله والله ..
انا مرات استحي ارد على ابوي واشرح له اللي يصير ولا اقدر افرض كلمتي او ارفع صوتي !
وبنفس الوقت ما ابي اخواني يتخربون فما ادري وش الحل مع هالموضوع ماني عارف والله ..




-

تعرف تقريبا صار هالنقاش بس مب نفسه ب الضبط مع ابوي
قلناله احنا الكبار شديت علينا اكثر من الصغار
قال انا كبرت وكل ماكبر كل مايحن قلبي اكثر ومازلت اربيكم كلكم تربيه صالحه نفس الكلام قلته لابوي (يقصد يدي) قلتله انت ادبتني انا واخوي اكثر من اخونا الصغير ف قال نفس الكلام
البدايه مع العيال الكبار تختلف مع الصغار لان الابو يكبر ويكون استنزف طاقته ف يقول انا اعطيكم انتو المجال تراقبون اخوانكم وتعلمونهم الصح من الغلط ومامنعكم من هالشي لكن لازم نحط ف اعتبارنا ان الوقت يتغير والزمن يختلف عن الي قبله لو شفتو شي غلط على اخوانكم ادبوهم وانا علي اربيهم ماخليهم جذي
بس الاهم مثل ما قال هو زرع القيم والمبادئ في نفوسهم ماقولهم اياه بشكل مباشر احوره لهم عشان هم يفكرون فيه وقتها يتقبلون الكلام اكثر
مراقبة النفس والخوف من الله قبل كل شي هو الاساس في التربيه لانك انت لازم تحط ف بالك انك مب طول الوقت ملازمهم لازم وايي يوم وتنشغل وقتها من بيراقبه؟ ضميره الحي
اهم شي يعرف ان حدوده واسعه ف كل شي يسويه لكن الحرام خط احمر مايقربه
وطبعا تربية الاولاد تختلف عن تربية البنات

[حسن]

يابدايات المحبه يانهايات الوله الحسن سبحان ربه ضالم ومااعدله


مادري ليش تذكرت هل الكلمات ياحمد بموضوعك


اين والتربيه ياحمد من المسؤل عن بدايه النشئ وبعدين اقولك انا باقي النقاط

!!!!

تحياتي




موضوعك مذهله

[نوار قطر]

كلااامك مليووون فالميه صح واتفق معاك في كل كلمه قلتها،،، لا ياحمد مااصدق وااايد ناس تأيد كلامك هذي دليل ان هالمره اختيارك صح

بالضبط،، نعطي العيال الخيط والمخيط ولي كبرو نقول مانقدر عليهم ،،، حطو الف خط تحت كلمة مانقدر عليهم،،، الاهل من البدايه لو انهم عرفو شلون يربون العيال عدل ويسيطرون عليهم بالطريقه الصح ، جان ماتردى حالهم وقالو مانقدر عليهم ،،، للمره الالف ويمكن فيه ناس تخالفني وبتقول اني رجعيه ومالت لوّل ،، انا ضد ان البنت يكون عندها جوال قبل لا تخلص الثانويه ،، بنت في هالسن شحايتها في الجوال ،، ضد ان البنت تطلع زيارات حق صديقاتها ،، ضد ان البنت تطلع دواره وسينما وهياته من مكان لي مكان،،، خاصة البنت امااااانه في رقبة الام ،،الصبي يهوون ،،، ولو ان بعد القلب مايعلم بخير انا بطلع معاها بوديها ماعندي مشكله بتطلع مع رفيجتها انا اكون معاها مب بروحهم الله يعلم شيصير فيهم ،، حد يلحقهم حد يتحرش فيهم عاد ذيك الساعه الام بتطق صبع،،
الفلووس مانعطي العيال مبالغ وهم مب في حاجتها ونقول لهم روحو اشترو الي تبونه لا حسيب ولا رقيب ،،،، الموضوع وااايد كبير ومتشعب ماتكفيه هالسطور ومهما تكلمنا بيتم شي ناقص ومب ماعطينه حقه
يععطيك العافيه خيووو

[يمامـة]

الله يصلح لنا النهايات.. ويعيننا على تربيتهم..

شكرا يا حمد..

[ودي أكون]

سبحان الله بالفعل .. تعامل الاباء والامهات ف السابق مو نفس تعاملهم مع ابناء الجيل هذا .. والله المستعان

موضوعك جداً جميل أحييك عالطرح

[بوحارب]

هذا اللي انا ماشي عليه

مابي عيالي يتعودون على الدلع وعقب نتوهق

لان من شب على شيئاً شاب عليه

وخير الأمور أوسطها