السلام عليكم.
شركة بدر للمقاولات مصنّفة درجة أولى في المقاولات.
المهم خذت معهم عقد عظم وكهربا وسباكة. وعينكم ما تشوف إلاّ النور.
العقد فيه إن الأعمال تتمّ خلال 8 شهور، وهذاني الحين بعد أكثر من سنة ونص قاعد أنطرهم يحطّون المنهولات وأنتم بكرامة.
تعبت معاهم تعب مب طبيعي، من مماطلة وتملّص من واجباتهم.
وهذا تحذير لإخواني اللي يبون يبنون عسى الله يقيل به عثرتي.
والله يانجدي قطر مع الأسف كثير من الشركات صار هشكل تأخير في تسليم المشاريع ،، أنا عندي فلل بنيتها عند واحد مجربه من قبل واعرف شغله طاف موعد التسليم كل مأكلمه يرد على عنده مشاكل وقلت له عليك شرط جزائي وغرامه تأخير ،،، قال عادي اخصمها وقت الدفعة الاخيره!!
انا قطري ويحق لي لاتباهيت
لي الشرف لو افتخرت بلادي
اطرب بها ليمن نشدت وتغنيت
يزهى بها شعري ويشفي مرادي
التاخير وارد لكن اهم شي ماينصب عليك ويكون شغله زين حتى لو تاخر
يسلمووو
ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
[/COLOR]
سفرتي الى سنغافورة + استراليا + بانكوك 2008
سفرتي الى بانكوك مارس 2009
هذا زين قايل لك اخصم.المشاركة الأصلية كتبت بواسطة مخطط قطري
آنا مرسل لي خطاب يقول غرامة التأخير نرفض احتسابها، مع إنّه متأخّر علي في التسليم أكثر من 300 يوم.
المهم قدّمت فيه صحيفة دعوى، ويوم يوصل له الخبر تدقدق تلفونات معاي ومع الاستشاري وعاوزين مقابلة مع الأستاز المالك. قبلها ما كان يرد علينا، ونحب خشمه تكفى تعال مد واير منّي ولا كمّل البلستر مناك.
إن شاء الله باخذ حقّي بقوّة القانون، وأتمنّى ما يسكت أي قطري عن حقّه، لأنّا بصراحة صرنا ملطشة ومب عاملين لنا أيّ اهتمام هاللي ما يخافون الله.
لا، أبشرك شغله مب زين.
بعد ما بنى الفيلا كاملة وجا دور السباكة اكتشف الأخ المهندس إنّه ما في دكتات يمد منها بيبات الحمامات.
وش رايك كان حلّه، اكسر في الحجر اللي كلّفني شي وشويّات.
آنا مكلمه قبل لا أحط الحجر، "أحط الحجر ولا لا. في مشاكل؟" "أبدًا يا بيه، حط الحجر، كلّه تمام التمام"
هذا غيض من فيض.
ويسلموا على الرفع.
من امن العقوبة اساء الادب
المصيبة العظمى ان الشركة على قولة الأخ مصنفة درجة أولى
من المسؤول عن التصنيف؟ وشنهي معاييره؟
قدم شكوى ع التأخير
ضوابط المشاركة
رد مع اقتباس
