سعوديه تقود حمله للمطالبه بتعدد الزوجات

[توشيبا]

اكتفي باحد الردود في الموقع المذكور

لوهي متزوجه وتحب زوجها ما فكرة في الموضوع اصلن

[ولد العرب]

ههههههههه والله ضحكت علي معيض وحسن وجنوون واقول الله يهديكم

مهما قالوا وقالت وقلنا بتظل تدافع عن حبها الاول والاخير ولا راح ترضى بضره


قصه حدثت ولكن برويها باختصار

قصه رجل يحب زوجته ولكن شاءت الاقدار انها تكون عقيم
وكانت الزوجه في قمه الاخلاق والصلاح والاستقامه ولكن نقول كمال لله سبحانه
وانتبهت الزوجه لشوق زوجها للاولاد واصرت عليه انه يعرس وهو رفض من حبها له ومن خووفه على بلوه تصيبه منها وتمت تحاول لين اقتنع ووافق وقال انا بسافر ديره وبعرس وبجيبها عندي وفعلا راح وغاب عنها وجاب العروس مغطاه بالعبي وشايلين العروس علي قطعة سجاده وانتم خابرين الاولين هم كذا
الوكاد دخلها غرفتها وسكرا عليها الباب ووصى زوجته الاوله انها ماتدخل عليها منع لمشاكل وفعلا هو اللي يدخل غداه وعشاه لها
وماطولت اسبوع والا هو داخل البيت وحصل زوجته الاوله تبكي بحرقه وقال سلاماات سلامات وش فيك
قالت يرضيك يافلان ان زوجتك تغلط علي وتسب وتضرب وانا ابي اخذ بخاطرها تفاجات بهجومها علي
وعصب زوجها واخذ العجره العصا ودخل عليها والعروس مغطا بعباته وضربها بالعجره وبحضور زوجته الاوله والا
هي انصدمت ماهي العروس الا قطعه فخار ملبسها وهنا انحرجت قدام زوجها وقالت سامحني الغيرة وماتسوي



والحين تبون تقنعوني هالظاهره صحيه مستحيلً

بالنسبه للاخ معيض بسالك انت وش تحس فيه لاعرس ولا هم يحزنون ياخي موضوع للكبار رجاء اطلع برع سالفه

[طير حوران]

اكتفي باحد الردود في الموقع المذكور

وليش ماتقولون عندها خوات او بنات عم او صديقات يعانون من العنوسه وشعرت بشعورهم وآثرتهم على نفسها بمالم تحبه يوما

[JN000N]

سالفة الغيره بين الزوجات موجوده من على ايام الرسول
لكن الريال واحطها بين قوسين (الرييياااال) هو الي بيقدر يعدل ويوازن بين بيتين او حتى ثلاثه
وانا اعرف وحده صغيره خذت ريال متزوج والي كنت اعرفه ان كله كانت تبي تحر زوجه بس سبحان الله مع الوقت صارو حربمه ربع ويطلعون مع بعض صارو مثل الخوات ليش شالسبب؟ لان حبه وميلان قلبه لوحده منهم ماكانو حاسين فيه كلش يحبهم ثنتينهم ولان عدل بينهم ثنتينهم وماقصر عليهم ومايرضى الاولى تتكلم فالثانيه ولا هو يتكلم فبها ولا يرضى العكس بعد ف جذي يكون خفف القيل والقال ولا غلط القلوب على بعض
اما اذا راح لوحده ونفسيته روعه ويروح للثانيه نفسيته ف خشمه طبيعي الثانيه بتحطف قلبها ومهما حلف لها ان الاولى مالها شغل بعد بتشيل ف قلبها ومابتصدقه وبتحس ان يستانس مع هذيك ومايستانس معاها وهني تبدا النفسيه تقلب وتبدا المشاكل
العدل ف كل شي ف الصرف والمعامله وكل شي
صح مهما حاولتو تعدلو لن تعدلو وهالشي مكتوب ف القران لكن الواحد قد مايقدر يحاول ويخفف المشاكل
والزوجه الاولى لازم تغير ثقافة ان لما زوجها يبي الثانيه مب عشان فيها عيب ولا عشانها قصرت ف شي بس الله منعم عليه وعنده خير ودام ربي حلل له هالشي وهو مقتدر وبيعدل خل يتوكل على الله وياليت البنات كلهم يتوعون ع هالموضوع مب عيب ولا حرام لو زووجج تزوج عليج بالعكس ولا تخلين كلام الناس ياثر فيج بالعكس صيري قدوتهم والبنات الي بيتزوجون واحد متزوج لاتفكرون بالمشاكل مع الزوجه الاولى وقدرو نفسيتها وابتعدو عن المشاكل الريال ماتزوج عشان يعور راسه فمشاكلكم اسهل شي عنده يطلقكم ثنتينكم وياخذ غير لان طبيعة الريال مايحب المشاكل والهواش ويحب يريح عقله ويسترخي دايما ف شلون هالشي يصير اذا انتو ف حنه ورقله معاه


والي مب عاجبه ردي يشرب من ماي البحر >

[R 7 A L]

تبي تشتهر

[حبر وقرطاس]

يبه الشغله مايبي لها حمله وخرابيط
الي في قلبه صلاه ماتفوته
والكثره غلبت الشجاعه

[الجوهرة الثمينة]

,


الوحده موت بطيء للمرأه اكثر منه للرجل..... فاتقوا الله يازوجات في اخواتكم الي يحلمون بالأمومه والاستقرار

اتركوا الأنانيه وتنازلوا شوي في سبيل تطبيق شرع الله ....

[حسن]

لأ تشتكي الناس هما انت صاحبه

الأنانية وجهل الدين

[qatara]

كلام منطقي و موزون وهذا هو الشرط الوحيد اللي اشترطه دينا الاسلامي ،،

المفروض الدولة تشجع التعدد لكن في حال عدم عدل الزوج للزوجات ،، واجب على الدولة بأن تفرض قوتها و تعطي بالسلوقة على راس الزوج عشان يتأدب و يعدل كون عدد ،،

اذا كان بالسلوقه عجل ليش ربي توعد الظلم وليش ربي حط ميزان

في الامور الاسريه اكبر خطاء تدخل اي جهه بما فيهم الاهل

اذا ظلم محد يقدر يعرف الحقيقه مهما كان لان البيوت اسرار

مهما ادعى طرف واحد فلن تصل للحقيقه

فالله كفيل الظالم واكبر خطاء وهو الدمار تدخل اي طرف

خاصه بالامور الاسريه

[الجوهرة الثمينة]

,

qatara من الخطأ التعامل بسريه في كل الأمور الزوجيه ...لابد من تدخل الأهل

(وإن خفتم شقاق بينهما فابعثوا حكما من أهله وحكما من أهلها )