من وين اقدر اشتري سبايك ذهب ؟

[الجـــوديّ]

شنو أحسن نوع وكم الوزن وكم السعر؟

تقدر تشتري سبايك على قد فلوسك
والأحسن انك ما تاخذ سبايك كبار علشان تقدر تبيع اذا احتجت لسيولة

اذا غرام الذهب بــ150 ريال يبيعونك السبيكة بــ 162 ريال
لي جيتهم يورونك قائمة فيها الأسعار والاوزان وانت تختار


تذكير بضرورة تسجيل التاريخ العربي ليوم الشراء علشان اذا حال عليه الحول تطلع زكاته

[كان فيه وخلص]

السلام عليكم ،،
أفضل شيء في السبايك ، هي الــ10 توله
لانهم يعطونك فيها سعر جيد ، وحتى في البيع أفضل ، لان محلات الذهب ما يشترون إلا منها لأنها أوفر لهم في الشراء وفي التصنيع
والله أعلم بالصواب ،،

[ريتويت]

الحين السبايك شلون استثمر فيها واربح من تجارتها!!

[كان فيه وخلص]

الحين السبايك شلون استثمر فيها واربح من تجارتها!!

صراحة السبايك يمكن يكون فيها الربح على مدى سنوات , وليس المدى البسيط ،
حتى محلات الذهب أكبر أعتمادهم على الذهب المستعمل اللي يشتروه من الناس ، وإعادة تصنيعه ،

اما بالنسبة للسبايك مثلا من سنه ، كان سعر الجرام 210 ويتنرنح إلى 200 ريال

الأن سعر الذهب اليوم تقريبا 152
إللي أشترى من اكثر من سنه شوف كم كانت خسارته الأن مع العلم أن الذهب في هذه الفتره وصل إلى 145

الربح يكون فيها كيف ، مثلا أشتريت الجرام بــ 140 وبعت 200 ريال هنا الربح ،

اتروح للخليج للصرافه أو الفردان ،السعر العالمي للذهب 152ريال ، ولما تشتريه منهم يبعونك أياه بسعر 155أو 156 ،
والذهب ينزل بسرعه ويرتفع ببطء
يعني حتى لو أشتريت الذهب بـ 152 وتريد بيعه بنفس اليوم ، يشتروه منك بــ 150 أو 148ريال

والله الموفق لكم أن شاء الله ،،

[الجـــوديّ]

أنا أشوف شراء السبايك كنوع من الادخار أحسن للي ماله في ارتفاع وهبوط أسعار الذهب .. لان البيع والشراء راح يكون كنوع من المضاربة ويبيلها متابعة دائمة لاسواق الذهب العالمية
انا وحدة يدها فارطة بديت اقلل من نفقاتي بشراء سبايك الذهب كنوع من الادخار والاستثمار طويل الأجل وبسهولة أشتري لكن صعب أبيع بربح وفير

[ودي أكون]

عدل شغلج يا جاكلين .. عين العقل

جربي تاخذين من الخليج للصرافه حبيبتي

[بو خليفه 123]

الادخار عن طريق ضخ السيوله في سبائك الذهب وسيله جيده لكن مضى عليها الدهر .

لو تسوين حواله شهريه الى حسابك في البورصه لشراء اسهم مصارف اسلاميه افضل بكثير .

الذهب متذبذب مع الوضع السياسي الاقليمي والمؤشر عمره ماكان ثابت في 24 ساعه . و مسؤوليته كبيره اذا كان الهدف منه الادخار لأنه يجب متابعة التواريخ اذا حال عليها الحول من ناحية اخراج زكاتها .

و الآن الاسثتمار في شيء غير مرئي اضمن . سبائك الذهب ممكن تتعرض للسرقه ,, للضياع ,, الخ .

[ودي أكون]

الادخار عن طريق ضخ السيوله في سبائك الذهب وسيله جيده لكن مضى عليها الدهر .

لو تسوين حواله شهريه الى حسابك في البورصه لشراء اسهم مصارف اسلاميه افضل بكثير .

الذهب متذبذب مع الوضع السياسي الاقليمي والمؤشر عمره ماكان ثابت في 24 ساعه . و مسؤوليته كبيره اذا كان الهدف منه الادخار لأنه يجب متابعة التواريخ اذا حال عليها الحول من ناحية اخراج زكاتها .

و الآن الاسثتمار في شيء غير مرئي اضمن . سبائك الذهب ممكن تتعرض للسرقه ,, للضياع ,, الخ .

بلعكس اخوي .. اللي يشوف الاوضاع من جميع الزوايه في العالم كلها ..

بيعرف ان الذهب هو الامان .. للاستثمار او للادخار لو قت الحاجه ..

ومن ناحية الزكاه المبلغ يكون جدا بسيط .. سبحان الله

الاسهم .. الدولار .. مالهم امان ف ظل هالاوضاع اللي مل ما هدأت ف مكان شبت ف مكان ثاني سبحان الله

والله اعلى واعلم والله المستعان

[الجـــوديّ]

عدل شغلج يا جاكلين .. عين العقل

جربي تاخذين من الخليج للصرافه حبيبتي

تسلمين لي ودي أكون ..

حلوة السبيكة لي خذتيها ... شعور حلو هههههههه

[الجـــوديّ]

الادخار عن طريق ضخ السيوله في سبائك الذهب وسيله جيده لكن مضى عليها الدهر .

لو تسوين حواله شهريه الى حسابك في البورصه لشراء اسهم مصارف اسلاميه افضل بكثير .

الذهب متذبذب مع الوضع السياسي الاقليمي والمؤشر عمره ماكان ثابت في 24 ساعه . و مسؤوليته كبيره اذا كان الهدف منه الادخار لأنه يجب متابعة التواريخ اذا حال عليها الحول من ناحية اخراج زكاتها .

و الآن الاسثتمار في شيء غير مرئي اضمن . سبائك الذهب ممكن تتعرض للسرقه ,, للضياع ,, الخ .

أنا سلمك الله نوعت مدخراتي وتوني في البداية وبصراحة هدفي الاول اجمد بعض المبالغ لأن يدي فارطة مثل ماقلت

السبايك والذهب عموماً أبيه زينة وخزينة يعني ما أفكر أضارب فيه حالياً وممكن أخليه استثمار متوسط المدى
ولو لقيت إن السوق نازل أو فيه أزمات راح تضرب الذهب ببيعهم علشان استفيد من المبلغ


وبعد بديت في محفظة أسهم (كان عندي خير وسيلته كله )
أجمع مبلغ واشتري فيه أسسهم وعيني عل التحيليل الفني علشان أعرف متى أدخل على السهم ومتى أطلع
ووشي الأسهم اللي ممكن أخليها استثمار متوسطة وطويلة المدى


بالنسبة للزكاة ..
إن شاءالله تكون قربى لنا لله وتطهير ذنوب
صرت أكتب على الوصل التاريخ العربي علشان أعرف متى أطلعها
والله يتقبل منا ومنكم

بسألك ..

شتقول في محفظة العملات الأجنبية كنوع من الادخار متوسط المدى .. هل ممكن يكون فيه خسارة
يعني لو جاتني مبالغ أو زادت من سفر وخليتها .. أبدلها أحسن وإلا أخليها ؟


وشكراً على الافادة أخوي