استفسار لدولة اليونان

[Parrot Palace]

انا توني راجع من اليونان
رحت جزيرة ميكونوس و رحت العاصمة اثينا

الجو حاليا حار في النهار و ممتاز في المساء
الفندق اللي سكنت فيه في اثينا كان اسمه Electra Palace Athens
الفندق حلو و مكانه قريب من كل شي

الشعب اليوناني: جدا محترم و يحبون القطريين بشكل ما تتخيله

الكرت اللي خذته كان فودافون و شبكتهم سريعة و النت زين للايفون
لا اتفكر تستخدم جواز اوريدو لانه خلص من اول يوم ههههه

الاماكن اللي لازم اتزورها في اثينا الاكروبوليس (مكان اثري لحضارتهم)
و لازم اتروح Plaka ستي سنتر .. محلات حلوة و خوش مطاعم

انجوي و اضمن لك بتستانس مليون في الامية ان شاء الله واذا بغيت اي شي كلمني رقمي في التوقيع

تحياتي لك
فيصل

[غير البشر]

ولد العم عليك بـــــ سانتوريني

[كلاسيك قطر]

المشكله يا شباب مب رايح سياحة وله شي انا رايح عمل مع الدوام ومده السفره شهرين تقريبا

[qtri06]

الله يعينك

اثينا حلوة لهواة الاثار بالذات

الجو فالظهر خلال هالشهر مشمس يحرقك لو تميت فالشمس اما في الظل جميل جدا

فالليل حلو يميل للبرودة قليلاً ..

شهرين في اثينا مدة طويلة جدا ولكن تصبر حاول فالويكند تروح الجزر ميكنوس وكريت وسنتوريني مع ان اليونان بلد صيفي بحت اذا كنت من هواه البحر حتى ان بعض الفنادق تصكر برك السباحة مع بداية اكتوبر والجزر تفضى لان موسم البحر يعتبر انتهى بداية اكتوبر

المقاهي العربية موجوده بس يبيلها دلاله وانتبه لشغله ان الاكل اغلبه مب حلال يعني لازم تسال قبل اذا انت من النوع اللي يدقق على مساله الاكل
بشكل عام البلد يعتبر من البلدان الاوربية الرخيصة اذا ماكان ارخصها