ممكن

[دااانة قطر]

السلام عليكم ورحمة الله وبركاته



عندي استفسارين
الاول

جيران بيت اهلي لهم تصرفات غريبه
اولا البيت هادي جدا واحيانا يسمعون صراخ غير طبيعي وصياح
الجيران من النوع اللي اذا طلبوا من مطعم وفي احد في الفريج مايطلعون الا لين يفضى المكان
اذا قربوا صوب البيت وشافوني او اي احد من هلي او الجيران اما يصفون عالباب بدون اي حركه او ياخذون كذا لفه لين يدخلون السياره في البيت
واللي يحير ويخوف اكثر
مرة من المرات فتح الباب وطلعت بنت اعطيها من 10 الين 12 عريانه عند الباب وماتبي تتحرك وكانت تشوف زاوية معينه وهاوشتها اختي قالت لها دخلي ليش واقفه جذي والبنت ماتحركت
وانا من فترة شفت نفس الموقف بس وحده اكبر
اللي خلاني اكتب الموضوع بيت الجيران بكبره مافي ستاير تقريبا ويوم جيت صفيت الا اشوف دريولية عينهم على دريشة الجيران يوم ركزت الا وحده ( تسبح) جان اشخط فيهم ودخلت البيت وانا مب مستوعبه.. بتقولون شلون لان الدريشة كبيرة مقاش درسية الغرف وعالواجهه

كلمنا كذا حد نعرفه قالوا بلغوا عليهم بان في تصرفات مو حلوة منهم وغريبة الاطوار وصراخ غير طبيعي كأنه تعذيب وغيره في وسط الفريج لدرجة ان بدينا نحس ان فيهم شي او مب صاحين او ممسوين


ايش رايكم شلون نتصرف؟؟

الموضوع الثاني .. اذا مقيم اهان مواطن بالسب والشتم بالفاظ بذيئه ايش العمل؟؟

[سليمان احمد]

هم جيرانكم من زمان ولا تو وحاولو تتواصلون معاهم عن طريق الزيارات

وبصراحه حاولت استوعب بيت كامل بدون ستاير ماقدرت فاضحين نفسهم

وبنت عريانه في الشارع انا اتوقع ان البيت فيه شخص يسكر ويهاوش اهله

وهم مايبون يشتكون يمكن ابوهم يمكن اخوهم مجرد توقع

وبالنسبه لنقطه الشكوى الشرطه مابيسون شي لانك ماتقررون تقولون احنا شاكين

والشرطه ماراح يدشون البيت بدون مسوق او شي يستدعي هالشي

فانا اشوف حاولو انكم تتجنبونهم وتحذرونهم قدر الامكان

اما بالنسبه للاجنبي اللي يتطاول فانا اشوف ترفع عليه قضيه سب وشتم

عن طريق الشرطه بيحولونها النيابه وتتحول قضيه اذا ماتم صلح

[سليمان احمد]

نسيت اضيف بعد رجعت وقريت كلامك اكثر يمكن البيت عندهم ناسمرضى نفسيين او مسحورين ومبتلين باسحار

بس ترى اللي يصير عندهم يخوف خاصه انه توصل انه تطلع بنت عريانه واكثر من مره هذا يدل على شي غير

طبيعي في البيت الله يستر علينا وعليهم

[دااانة قطر]

هم جيرانكم من زمان ولا تو وحاولو تتواصلون معاهم عن طريق الزيارات

وبصراحه حاولت استوعب بيت كامل بدون ستاير ماقدرت فاضحين نفسهم

وبنت عريانه في الشارع انا اتوقع ان البيت فيه شخص يسكر ويهاوش اهله

وهم مايبون يشتكون يمكن ابوهم يمكن اخوهم مجرد توقع

وبالنسبه لنقطه الشكوى الشرطه مابيسون شي لانك ماتقررون تقولون احنا شاكين

والشرطه ماراح يدشون البيت بدون مسوق او شي يستدعي هالشي

فانا اشوف حاولو انكم تتجنبونهم وتحذرونهم قدر الامكان

اما بالنسبه للاجنبي اللي يتطاول فانا اشوف ترفع عليه قضيه سب وشتم

عن طريق الشرطه بيحولونها النيابه وتتحول قضيه اذا ماتم صلح

بالنسبة للجيران صادين مايبون حد يتعرف عليهم ويحاولون قد مايقدرون يتجنون الناس تخيلوا مايدخلون البيت ولايوقفون صوبه اذا في حد في الشارع

وهم توهم مؤجرين جدد يمكن لهم سنه
اختي صارت تصحى من النوم من اصوات الصراخ والازعاج
واخوي نفس الشي
الله المستعان
تسلم عالرد

[دااانة قطر]

نسيت اضيف بعد رجعت وقريت كلامك اكثر يمكن البيت عندهم ناسمرضى نفسيين او مسحورين ومبتلين باسحار

بس ترى اللي يصير عندهم يخوف خاصه انه توصل انه تطلع بنت عريانه واكثر من مره هذا يدل على شي غير

طبيعي في البيت الله يستر علينا وعليهم

هذا اللي مخوفنا ومستغربين منه
واغلب اللي كلمناهم قالوا بلغوا عليهم عالاقل يراقبونهم وعقب ياخذون الاجراء الصح
قلت استشيركم هني

[بريق الحق]

اذا تقدرون تتاكدون عن حالتهم الصحية افضل

اما المقيم اذا سب راحت عليه الصراحة الا اذا تنازل المواطن

[بريق الحق]

وتركها لوجه الله افضل اجره على الله

[qatara]

بلغو عليهم والدوله بتستوضح كان الامر سليم ولا فيه خلل

هل هم ناس طبيعيين او وكر فساد مدام صراخ ومصايب


جايز الوضع مش سليم

[كلام ساخر]

بلغوا الحكومة وخرجوها من ذمتكم
المسالة اعقتد ليست في محل الشك
بل هي يقين
يمكن بتبليغكم تنقذون احد
والله وانا اقرا موضوعك كأني اشوف فلم رعب امريكي
كان الله في عونهم

[دااانة قطر]

اذا تقدرون تتاكدون عن حالتهم الصحية افضل
اما المقيم اذا سب راحت عليه الصراحة الا اذا تنازل المواطن

وتركها لوجه الله افضل اجره على الله

الف شكر للرد والمشكله مافي طريقة نتأكد من حالتهم بس بنشوف ايش اللي نقدر نسويه
والمقيم ابلغ عليه وبعدين

بلغو عليهم والدوله بتستوضح كان الامر سليم ولا فيه خلل
هل هم ناس طبيعيين او وكر فساد مدام صراخ ومصايب
جايز الوضع مش سليم

نبلغ على طول واذا طلبوا ادله هل نصور مثلا ولا شلون؟؟

بلغوا الحكومة وخرجوها من ذمتكم
المسالة اعقتد ليست في محل الشك
بل هي يقين
يمكن بتبليغكم تنقذون احد
والله وانا اقرا موضوعك كأني اشوف فلم رعب امريكي
كان الله في عونهم

انا صرت اتخيل منظر من المنااظر بالليل واتعوذ من الشيطان
الله المستعان
بس للاسف اخوي مايبي يتدخل يقول خلهم في حالهم !!