من افضل مطبخ شعبي للولائم

[للصبر اخر]

اخوي في نسوان وايد يسوون لك ذبايح لو تبي
اعرف ثنتيين
قالولي عنهم بس ماجربت للامانه

[مــاي ورد]

مطعم ماي ورد في العزيزية وايد حلو ويستاهل خاصة المجبوس و الغوزي رووووووووووعه

[آنــه]

مطابخ اليازي ( بس وصهم على الطبخه يعني احنا نحب البهار ونحب الودام اللي يحطونه على العيش من فوق فنقول لهم يتوصون وفعلا الطباخ يكون عجيب )

مطابخ الدوحة الشعبية اللي في فريج كليب

[طبيب قطري]

مطعم النبراس بمعيذر، رفيجي كان مسوي عزيمه الاسبوع اللي طاف والصراحه شغلهم مرتب واللحم مستوى عدل والعيش لذيذ

[توشيبا]

بقولك شغله

كل المطابخ في قطر فاشله وبصوره قويه بعد


بقولك ليش

تخيل خروفك سوري تعرفن وين يطبخه !

في قدر عود ووياه خروف هندي واسترالي وكل الذبايح المطلوبه


انا شفت يعيني هالوضع في اكثر من مطبخ شعبي ولا شفت مطبخ يطبخ بروحه


تضيع طعم لحم الذبيحه علي الفاضي

حلاتها طبخ بيت

وكان عندي رقم واحد قطري يطبخ في بيته شغله فنان ونظيف اذا لك خاطر برقمه الاحد اخذ رقمه من مديري في الدوام وارسله لك

[بصمة قطرية]

لا تعمم توشيبا ..
احنا اللي نتعامل معاه
قطري و يطبخ في بيته
و طباخه ما عليه كلام ..

[توشيبا]

لا تعمم توشيبا ..
احنا اللي نتعامل معاه
قطري و يطبخ في بيته
و طباخه ما عليه كلام ..

بلى بعم

واي حد قبل يقول عندك مطابخ كذا وكذا يروح يشيك عليهم بالاول

مثلا اشتري ذبيحه خاروف سوري يطبخونه بقدر بروحه !

مافي امل تحصلينهم حطينه في قدر كبير ومعاه كم ذبيحه وعاد وضحك شنو هالذبايخ خرفان استراليه او سودانيه او بكستانيه

ويختلط طعم ذبيحتي فيهم

[ذكي جدااا]

الدوحة الشعبية وبسسسسس

[.. الكاش ..]

مطابخ ماي ورد ومطابخ الجنوب والمطابخ الشعبيه

[Rashid554]

مطابخ الريان الشعبية من التسعينات لليوم ماتغير مكانه عليه برياني مو طبيعي