مرحبااااا فيكم في تقريري الرابع في هذا المنتدى الطيب ,, الى نيويورك
من أبوظبي انطلقنا ,,,,, الى نيويورك ]
وكانت سفرتي الاولى عن طريق مطار أبوظبي الدولي ,, وسفرتي الأولى كذلك على طيرااااان الاتحاااد .
كنت حاجزة على الاماراتية وألغيت الحجز , لأن طيران الاتحااد قدم خدمة رووووووووووووووووعة للمسافرين على أمريكا ,,, ألا وهي احم احم ,, بدينا نتكلم بالفصحى هههههههههههه ]
الخدمة هي انك من مطار أبوظبي الدولي اتم اجراءات الشيك ان الى أمريكا ,, يعني كان مطار امريكا واجراءاته الامنيه موجوده في ابوظبي ,,, ومن وصلتنا لنيويورك نزلنا من باب الطياره على الشنط على طول شلينا اغراضنا وروحنا على طول ولا حتى طلعنا جوازاتنا في مطار نيويورك يوم وصلنا يعني كل العمليه 10 دقايق بس وااااااااااااااااااااااااااو :victory]
لمهم السفره كانت بهدف زيارة أختي هناك , والتسوق ,, وزيارة فلوريدااا تحديدا أورلاندو (والت ديزني )
قعدت في نيويورك بحدود 3 اسابيع وشوي , وفي اورلاندو أسبوع ,, وباذن الله بسوي تقرير منفصل عن اورلاندو علشااااااااااان لااتملون من طول التقرير
0نبدء باسم الله , بوضع الصور
هذا طيران الاتحاااااد [/COLOR]
والحين بندخل انسوي التشيك ان من مطااار أبوظبي الدولي ,,
وهاي جوازاتنا جاهزه وقاعدين ننتظر ندخل الطيارة
دخلنا الطيارة وهاي الطياره من داااخل ,,
طبعا الفاصل الي بالنص بيني وبين الجوري نزلته بعدين
وهاذي شاشاتهم
الكرسي وطبعا يتحول لسرير كامل وقت النوم ومحد ايشوفك بسبب وجود حواجز على الاطراف ,,
هاي الدرجة الاولى قدامي على طول مثل الغرف وشاشات التلفزيون نفس ال سي دي
هاذي شنطه هديه يعطونها للأطفال
ومن ضمن الأشياء الي فيها هدية الأطفال صور الحيوانات وأسماءها , واتفاجأت ان بنتي تعشق الحيوانات وبالذات الجيرااف واستانست على الصور وماشاءالله عليها حفظت كمن اسم وسمعتهم لي البنت طالعه ذكية على امهااا هههههههههههه.
وهذا مسار رحلتنا
مرينا عليكم وسلمت ولاحد منكم رد السلام شكلكم كنتوا راقدين لان كنا في رمضان
والي خوفني صدق انا مرينا على العراق صوب اربيل وغيرها واستغربت ليش لين الحين ماغيروا مسار الرحلات على اماكن غير امنه ,, خاصة بعد حادثة الطيران الماليزي الله ايرحمهم .. والحمدلله عدت على خير وبعدها طرنا فوق تركيا والبحر الاسود واوروبا وبعدين المحيط الاطلنطي قعدنا يمكن فيه بحدود 7 ساعات ..
في السيره تقريبا مدة الطيران كانت 13 ساعه , وفي الرده 11 ساعه وشوي ..
الحمدلله ماحسينا لان رقدنا اشوي واخذنا بريك شوي من التفكير , واتواصلنا مع النفس بشكل اكبر .
حان وقت النوم في الطياره وبمراقبة هالمنظر فعلا رقدت تصبحون على خيرررر ,,,, لا لا لا بكمل اشوي وياكم التقرير وبعدين بخليكم
واخيرا وصلنا مطار جون كينيدي الدولي وكان عندهم الساعه 4 ونص العصر المدرج كان سيده على المحيط منظر روووووووووووووعه ,, من فوق ذكرتني نيويورك بلندن , نفس نظام البيوت واللون الأخضر الي يفتح النفس ...
نزلنا من الطياره وعلى طول شلينا شنطنا وكانت اختي ورجلها وبناتها باستقبالنا ..
للأسف مافي فندق في نيويورك علشان أصورة ,,كانت اقامتي في بيت اختي ,, لكن ان شاءالله بحط لكم صور المنتجع الي بفلوريدا باذن الله وكااان ختيييييييييييييييييييييييييير رووووووعه فعلا .
لحد هنا واقولكم باي باي مؤقتا ,, بكرة ان شاءالله أكمل ويااكم لان ماشاءالله من ثاني يوم بدت فعالياتنا ,,
كونوا بالقرب ,, شكرا لكم ولمتابعتكم ..