ما شاء الله ،رحله موفقة ، وتقرير جميل.
التعديل الأخير تم بواسطة عين الفجر ; 29-08-2014 الساعة 12:04 PM
تقرير جميل لحد الان… بانتظار القادم ...
الحمدلله طلعت عندي الصور الأخيره ..
ما شاء الله لقطات حلوه وبنت أحلى < الله يحفظها من كل شر ..
تقرير حلو وفي إنتظار المزيد إختي
مشاركاتي في المنتدى لا تعبر إلا عن رأيي الشخصي :..
OK we are waiting
مشاركاتي في المنتدى لا تعبر إلا عن رأيي الشخصي :..
[COLOR="#EE82EE"] نكمل التقرير على بركة الله ,,,
بلييييييييييييييييز حمسوني اشوي قمت أختصر لكم التقرير وااااااجد ,,, بروحها الصور وتحميلها وتعديلها شوغلااااااااااااااااااانه ,,,,,
المهم
بحطلكم متفرقات ونحن سايرون بلوووومينغ مركز حلو عندهم ,, والشي الحلو فيه ان الصب واي ينزلكم فالمول مباشرة ,, وعندهم ميزه حلوه انك ان كنت سايح وموب امريكي ايسوون لك خصم 20% ,, لكن لابد من انه ايكون عندك جوازك ,, ففعلا سرنا المكان المحدد وسوينا بطاقة الخصم , بالاضافة اني استخدمت بطاقة أختي وهي بطاقة اعفاء من جميع الضرائب الأمريكيه اسمها تاكس اكزمشن كارد ,, فصار السعر حلو مابين الخصم وعدم وجود الضرائب , طبعا الضرائب مب كبيره الا في حال شراء ماركات ,, اتكون الضرايب مرتفعه اشوي .
بلوووومينغ ماقدرت اصور فيه لانه كله ماركات يوم تفيقت وجيت بصور ,, قالتلي وحده ممنووووووووووووووع ,, طبعا أنا أبغي أصور علشان التقارير الي بنزلها وبس , لكن خلاص ,, ياغريب خلك أديب
طبعا هالمول بعد في مانهاتن ,,
اخليكم مع بعض الصور.
أغلب الأوقات عندهم الجو امغيم ,, فما تطلع الصور حللللوة
ننتقل الى مكان اخر ,,,,
في مول كان فيه العاب وودينا الصغارية يلعبون ,,, اتحس العابهم عموما بسيطة وحياتهم بسيطه تكثر عندهم الحدايق العامه الي تعتمد على الالعاب التقليدية مثل المريحانة والزحلاقيه الخ من هاي الأشياء ,, بعكس اعيالنا الي معتمدين على الالعاب الالكترونيه والالعاب المعقده الي في المولاااات ,,,
واستغرب من الجيل الجديد يوم كنت أشوف أم عاطيه تلفونها لولدها والطفل لاياكل ولايشرب الا وهو يلعب بتلفون امه وايشوف اليوتيوب الخ ,, كنت أقول ليش هالام امخليه ولدها أو بنتها على كيفهم ,, كثرة اللعب بالجوال له مساوئ ,,, وبعدين ابصراحة صار معي نفي الشي مادري شو السالفة وليش يتعلقون فالجوال ,,, والغريبه انه لاااازم جوال الام ,, اقول لبنتي روحي عند بابا خذي جواله , اتقول نوووو اي فون والله اني تعجبت ,,, لانها عارفه انه اي فون ,, وجوال ابوها جالاكسي سامسونغ,, فقلت له بنتك مستخفه بتلفونك غيره هههههههههههههههههههههههههههههههههه طبعا أمزح لان هو متعود على الجالاكسي
المهم
مرينا الالعاب ,, كان فيه حفله وعيد ميلاد وكانت الفرقة الي تعزف هاي الشخصيات
طبعا من البنت شافتهم ماتت من الرعب لان كانت فعلا احجامهم كبيره واااجد لكن حلوين ,, ومول ماطاعت اتم في نفس مكانهم
فوديتها ابعيد ولعبتها بالعاب عاديه وكان عندهم جهاز ايصور الاطفال كيوت عجبني فصورتها كمن صورة وهاي من ضمن الصور ..
للفائدة :_
وصفه لعلاج فقر الدم ترى فعاله ,, وحصلتها ويا الصور الي حملتها فقلت بحطها لكم وباخذ الأجر
جربنا عندهم بعض المطاعم الامريكية ومن ضمنها أونو وابصراحة أكلهم لذيذ ,,,
بعدها سرنا اتلانتك مول واتسوقنا ,,, ورجعنا البيت .
من بره المول
جنبه ستاربكس وباركليز مول
هذا الصب واي مالهم وهو جنب اتلانتيك مول .
ابصراحة كنت ماخذه فكرة عن أمريكا انها بلد الجريمه , وانه مافيها امان و و و و و ,, وكان زوجي موموافق اني اروح بروحي ,, وحاولت فيه فالبدايه بشتى الطرق ماكان اموافق ابد ,,, وحجته اني بروحي بدون محرم ,,, ’مع اني رايحه عند اختي ,, وبنفس الوقت ايقول ان مافيها امان وتكثر فيها الجرايم ,,, بعدين انحل موضوع المحرم
وحاول زوج اختي معاه وطمنه عن الوضع اهنيه ... وابصراحه الي شفته والي لمسته انه أمان أمان أمان فوق الوصف ,, ومحد له خص بحد ,,, اغلب الوقت كنا ناخذ المواصلات ,, سواء الاندر جراوند (الصب واي) او الباص أو التكاسي , لكن التكاسي ناخذه من المكتب , كل حي فيه مكتب تكسي , وفيه ربط بين التكاسي والمكتب , وعلى طول معاهم ايكون السايق , واول مانركب يعطيهم خبر ومن نوصل المكان ايخبرهم ,, والي لاحظته اغلب الي ايسوقون تكاسي من الجنسيه العربيه ,, مره لبناني ومره سوري وكمن مره مصري ومره يمني ,, بالاضافه للامريكان والجنسيه الهنديه والاسيويه ,,, وطبعا الهنود من شفناهم ذكرونوا فبلادنا ههههههههههههههههه ويوم قلتله انت هندي عصب واتحرطم اني اهنته وانه هو امريكي ... مالت عليك من هندي ... حد ينكر أصله ؟؟؟
فالوضع امان فعلا مره ردينا البيت الساعه 11 وكنا ماخذين الصب واي ... ماشاءالله حياة تحت الارض عندهم الصب واي مالهم في بعض الاماكن ايكون كبير ومتفرع و3 طوابق وحياه وحركة ودوم زحمه ,, فالوضع امان توكلوا ولااتحاتون k]
حصلت في اغلب المولات قسم خاص بديزني غير الفرع الاساسي بالتايم اسكوير .. بالاضافه لملابس ال فيري الخ
وكل شي وياه اكسسواراته والشوز ماله ,, أشياء اتجنن الصراحه للبنات وحلوه للاحتفالات الي فالمدارس .