ساله واحد من الشباب قالي راتبه 30 الف ريال ومايسوي له شيء ؟

[حمد 2002]

يارجال اعرف ناس رواتبها 55 و 60 وتاريخ 10 او 15 الشهر والله ماعنده ريال في مخباه رح ياخذ من هله مضيع فلوسه على المصخره والسيايير والمطاعم والفشخره والمفوشر والكلام الفاضي

الله يهديهم يارب ، وصادق يالذيب ..

بالتوفيق ..

[حمد 2002]

والله انا مستغرب 30الف لو يصرف منهم عشره عشرين بحسابه

هاي اسمه تبزير يقط فلوسه اب اي مكان

اشلون يصرف منها عشره بهذا الزمن ؟

ممكن توضح لي اكثر يالذيب ..

بالتوفيق ..

[حمد 2002]

صباح الخير أخوي ..

في أمر لا بد أن ننتبه له ..

مو لازم إنك تعيش مثل ما يعيشون اللي حولك ..

كل(ن) يشوف ظروفه ..

يعني مثلا :إذا العالم تسافر في كل اجازة ، فمو لازم انت تكون مثلهم و تواكبهم على حساب نفسك وميزانيتك و ... إلخ

رتب أولوياتك ..


مع التحية ..

صااااادق ، والي ايجوف غيره يتعب .

مع التحيه ..

[Bo jassim 33]

انا راتبي زين والحمد لله .. لكن ما اقدر اوفر منه بسبب اني احب المطاعم وتقريبا كل راتبي بعد السبفيات رايح للمطاعم

والحياه صج غاليه لكن مرات اتحكم في الكماليات ومرات هي اللي تحكمني

لكن في المجمل لو الله يفكني من المطاعم : انا بخير
( ولو انه اكلهم مب ذاك الزود لكن كله اروح لهم )

وبالنسبه لمستلزمات الرجال :

طاقة الثياب اقدر اشتريها وافصلها ب 2000 ريال .. وايضا اقدر اشتريها وافصلها ب 600 ريال ومن احسن انواع الخلق

ايضا وانتوا بكرامه النعال : اقدر اشتري تميمه ب 1000 ريال
واقدر اشتري الطواش او اولتيما ب / 300 ريال مع عرض النعال الثانيه مجانا

الازرار والقلم اقدر اشتريه ب 1000 واقدر اشتريه ب 50 ريال ( شامل انه يجيني عند السياره بدون ما انزل المحل )

المهم :

المهم : القناعه


عندي سؤال :

اذا هالزبو في هالمنتديات والكل ما يشتري الا زلامسي و هونج كونق :

عيل اللي في رامز وفت ول والرونق وسوق الجبر والعسيري وفالح : من ؟؟؟


من انتم ؟؟


الى الامام .... الى الامام

[Bo jassim 33]

ادعوا لي الله يفكني من الاكل في المطاعم

والله جد محتاج هالدعوه

[Dmy Enabi]

المشكلة مب في المبلغ المشكلة في إدارة المبلغ هالثقافة تحتاج وقت طوبل

[حسن]

ادعوا لي الله يفكني من الاكل في المطاعم

والله جد محتاج هالدعوه

الله يفكك والله تحتاج دعوه من قلب

انا في الدوحه مادش مطعم يمكن في السنه ماتتجاوز 5 مرات اعوذ بالله والله يلوع الجبد
انا برع الحين مغتث وقلت باقعد على الفواكه ياخي تمل من اكل المطاعم وبعدين زفت

[الطلياني]

سبب التضخم في قطر هو ارتفاع اسعار العقار .. اذا قدرت الدولة تنزل اسعار العقار و الايجارات ووفرت مخازن و سكن عمال باسعار طبيعية لرجال الاعمال .. كل شي بينزل سعره ..

و المقصود بالاسعار الطبيعية .. هي الاسعار الموجودة في باقي دول مجلس التعاون بما فيها الامارات و الكويت.

عيل ليش اسعار بعض مواد البناء في محلات سوق واقف اغلى من محلات بروه الي في الوكره مع فارق اسعار الايجارات الكبير ؟ الطمع طمع

[نوار قطر]

يصرف منهم 1500 ريال والباقي رزم متلتله في البنك هههههههههههههههه

هههههههههاااااي حمد الكل ماخذ عنك فكره انك بخيل ،،، لازم تثبت لهم العكس

[نوار قطر]

سوء التدبير وتوزيع الراتب هو السبب الي يخلي الناس تقول الراتب مايكفي ،، غير ذي خذ الاسعار الغاليه ،،، والادهى والامر سبحان الله بعض الاحيان يخترب مثلا الفريزر ومايمديك تصلحه او تغيره الا المكيف الا السياره ،، كل شي مع بعض ،،، عشان جذي نقول لكم الحياه تعاون والمره مافيها شي اذا ساعدت ريلها في مصروف البيت ،،