ولا تزر وازرة وزر اخرى
كل واحد يشيل ذنبه و يوم القيامة ربه يحاسبه على ذنوبه مب ذنوب غيره
امس شايف وحدة بعباتها مفتوحة و سيقانها طالعة لا حيا و لا مستحى تقولون يعني ريلها و لا ابوها مسئول عنها
وين الخوف من الله وين الدين و التعليم و المحاظرات الدينية و لا بس كل شئ تقطونه على الريال
هلا اختي
سوى رجال الامس او اليوم البنت اللي ظاهر من بيت عرف يربي ما راح ترتكب اي خطاء ولا نضع الوم على الرجل المرأه يجب ان تكون متحشمه عند خروجها وهذا اسلم لها وافضل
التبرج مرفوض روحه السينما للمرأه مرفوض ليش السينما لانه لا يخلو فلم عربي او اجنبي من اثاره الغرائز لو بمقطع بسيط
حتى لو كان زوجها متحرر مثل اشباه بعض الرجال الان فهي يجب ان تكون حريصه على نفسها
سبحان الله وبحمده ...... سبحان الله العظيم
انستغرامي
QATAR828
(ادعية واحديث )
اللهم إني أعوذ بك من العجز والكسل والجبن والبخل والهرم ، وعذاب القبر . اللهم أتي نفسي تقواها وزكها أنت خير من زكَّها ، أنت وليها ومولاها .
اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها .
اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .
اللهم إني أعوذ بك من غلبة الدَّين ، وغلبة العدوِّ ، وشمائة الأعداء
كلكم راعي وكلكم مسؤول عن رعيته
ودي ما ابي اقول اللوم يطيح على من ...
لكن ريال طول وعرض على قولتهم شنب موجود في البيت
اذا مايحفظ شوفاته من عيون الناس من يحفظهم عقب الله ! أبي أعرف هو اشمهرته كرجل في البيت ؟!
طبعاً انا أوافقج على الموضوع .. لأن المرأة ممكن حد يوزها و ممكن يغرر بها ويمكن حد يقص عليها ويترس راسها سوي جذي ولاتسوين جذاك
لكن إذا وجد رب الأسرة الرجل القيم عليها والعين الحارسة لها من عقب الله راح تمشي تحت ظله وباللي يرضيه ويرضي الله
أما بقعد أقول إلا أمها إلا هي ماعندها دين
وإذا الأم عوجه أو جاهلة أو ماعندها علم ووعي بالحلال والحرام .. بتم أقط المسؤولية على أمها وبخلي القيم عليها؟!
زين سؤال بسيط, وهل المراءة أنسان كامل ولا سفيه , ليش دايما تحتاج رجل يقولها شتسوي أنا اعتقد أن النساء اللي يقولون كل ماتصرفت المراءة تصرف غلط قالوا وين الشنب ومافي شنب هم يعتقدون انهم قاعدين يدافعون عن المراءة بينما هم قاعدين يهينون المراءة بدون مايدرون يعني كأنهم يقولون المراءة ترى أنسان سفيه, زين سؤال لو فرضنا بيت مافيه الا حريم لنفرض رجل البيت مسافر سفر طويل أو مات يعني خلاص الحريم في هالبيت يسوون أي غلط عادي لانه مافي رجل وراهم ولين يرجع الرجل يسيرون محترمات , منطق غريب , أنا أقول حق كل أمراءة لا تخلين عاطفتج ومشاعر التحدي والاحساس بالنقص تولد عندج شعور بالدفاع باي طريقة حتى ولو بغشامة وما ابي اخص
بكل بساطة موضوعج عالعوق ، صحيح مئه بالمئه ، وذلك انطلاقا من قول الرسول الكريم صلوات ربي وسلامه عليه ، كلكم راع وكلكم مسؤول عن رعيته ، وكون البنت والزوجة في ذمة رجل فهو ذلك الراع ويجب عليه المحافظه على اهل بيته ، والقوامة بيده لذلك قيل الرجال قوامون على النساء بما فضل الله بعضهم على بعض ، بشكل لا يقبل التشكيك لو انه المتبرجة او فاصخة الحياء لقت زوج او اب او خال او عم يردها كان اقدمت على التبرج ؟!! بالطبع لا ، ولا نريد حجج واهية بتشتكي عليه بتوديه في داهية ، والله لو رجال يدفنها بوسط البيت ويقول قضية شرف وعساه مايطلع من السجن اذا بيحافظ على عرضه انه ينهان ويداس ، لا الوم المتبرجة الوم الرجل الذي اصبح مستسلما خاضعا ذليلا للمرأة المتبرجة لاسباب مادية بحته
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
لان تفكير الرجل غير عن تفكير المراه
المراه بطبيعتها لو تهدها تحب تكون مصدر اعجاب وتحب تلفت الانظار حولها
انا ماقول الكل لكن معظمهم
ف ماتفكر بعقلانيه ان اللي تسويه امر مرفوض نهائي لان على عينها غشاوه تبي الي تفكر فيه وتحسبه صح
وهذا كله على عاطفية المراه بشكل عام وشاعريتها
بعذين ليش التناقض ف الكلام والرجل نفسهم يقولون المره ماتنتخلى بروحها والا جان يابت العيد عيدين؟
ليش يوم صار الموضوع عن الرجل ب اي طريقه فكرتو تقلبونه عالمراه؟
بالعكس مقصد ودي اكون واضح
نبي رياييلنا الاوليين نبي عزوتنا وفخرنا
نبي اللي يغارون علينا حتى لو تضايقنا
نبي اللي يعلم المره انه سند لها
ليش صارو الحريم يعتمدون على نفسهم؟
ف سواقه ف سفر ف سوق ف كل شي؟
لان مالقو من يسندنهم ويكون لهم عون
وابليس شاطر يلعب عليها
ومن البدايه اذا ماجافت اخوانها من عقب ابوها سندها باجر لو واحد منهم يتهاوش معاها او يمنعها عن شي بتروح تشتكي عليه لان في جفاء حاصل
لحد يجي عقب فتره ويفتح موضوع ويقول بناتنا استقوو وبناتنا يسوون ويفعلون
الاساس التربيه ف البيت ومن ثم وجود رجل
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه