المشاركة الأصلية كتبت بواسطة ودي أكون
بارك الله فيك على رد السلام ..
بالنسبه لموضوعنا .. انت اختلفت معاي ف نقطة ان اللوم يقع على الرجل .. ومن وجهة نظرك ان اللوم يقع على جميع الاطراف.. والام من بين هـ الاطراف .. وانا اعارضك هالنقطه .. وبقولك ليش ..
انجي لبداية تكوين الاسره .. الام هي فالاصل زوجه .. والزوجه عليها زوج .. وهو ولي الامر .. صح
يعني لين خلفوا وجابوا البنات .. العاتق يقع على الطرفين الام والاب ..
فإذا الاب سمح لـ زوجته التبرج .. تعتقد الام شلي بتعلمه بنتها..!؟.. التبرج مسموح
التعطر مسموح.. الطلعه مسموح الخ ..
اما لو كان الزوج صارم .. الصح صح .. والغلط غلط.. كان ماشفنا البنت سايبه والام قبلها ..؟؟.. هذا اولاً
وثانياً .. بنفسك اتقول شفنا بيوت بدون رجال .. لكن بناتهم ماشاءالله عليهم .. اتعرف ليش .. لان الام قامت بدور الاب كـ رجال .. قادت البيت ومسكت البيت كـ رجل ..
اما للاسف حالياً البيوت فيها رجال بمسمى ر ج ل ..!
اختي .. الموضوع مب جريمة قتل ونحتاج نلصق التهمه بأي حد عشان نصرح ونقول ان فلان هو المتهم
مثل هالمواضيع تدخل فيها عدة عوامل ومسببات وانا قلت من بينهم الرجال لان هو المسؤول وهو الراعي
عن اسرته .
وعشان نوضح الموضوع اكثر .. بنفصله لموضوعين .. موضوع الرجل اللي يساير اهله بتبرجهم ولبسهم
الفاضح .. وهذا لاخلاف عليه والحمدلله ماراح نلقى مطبلين لمثل هالنوع بدواعي الحريه والتفتح والتحرر
ومثل هالنوعيه للاسف مابيدنا الا نضرب فيهم الامثله لعيالنا بانهم على خطأ ومحط استنكار لتصرفاتهم.
والموضوع الثاني الرجل اللي يقوم بدورة من توجيه ونصح ومتابعه وحزم في قراراته ..ومع ذلك
يحدث الخطأ ولو كان بالسر.. ليش؟ لان البنت رضت على نفسها ( انا اسميه الرخص ) ويمكن
في اسباب وراء قناعاتها بهالتصرف وتجاهل التوجهيات والنصح من ابوها او اخوها .. مثل
رفقاء السوء في المدرسة او الجامعه او حتى الانترنت !! او التاثر بالمسلسلات وخرابيط الموضه
فلو سلكت هالطريق نعم الرجل يتحمل المسؤوليه لكن اللوم وكل اللوم يقع على البنت نفسها وعلى الام
لان في بعض الامور يغفل عنها الاب مثل الاصحاب وامور اخرى.. وعلى الاب كونه المسؤول عن الاسره
الموضوع يتشعب لمواضيع كثيره لكن اللوم لايتحمله الرجل فقط .. هي مسؤوليه مشتركه وثبات على المبادىء والقيم
ومتابعه ومجهود لضمان سلامة ( الفكر) قبل كل شيئ .. بتلقين اسره الاب فيها مرخي وسامح لبناته بكل شيء يبونه
مع معارضه الام وخوفها من العواقب .. وبتلقين اسر فيها الاب شاد مع تساهل الام بتصرفات بناتها لكل حاله خصوصيه
واسباب .. واذا نبي نستفيد من الموضوع .. فمايحتاج نتعمق في موضوع اللوم والمسؤوليه المفروض نطرح الحلول
وناخذ العبر في اي تصرفات سلبيه من لبس فاضح وتبرج ونوضح الخطا فيها مع بناتنا .
ومثل ماذكرتي ان بعض الامهات تقوم بدورها على اكمل وجه في التربيه وقامت بدور الاب حتى .
على كل حال .. كل انسان سيحاسب بمفرده .. ولاتزر وازرة وزر اخرى .
ونقطه اخيره .. اتمنى المواضيع والنقاش تكون بعيده عن التحزب .. لان ماشاءالله مثل هالمواضيع
تنقلب حرب بين الشباب والبنات وخذلك انتقام .
المشاركة الأصلية كتبت بواسطة حسن
اشكرك على هذا الرد الوافي يابايلوت
وانا ذكرت بعض الامور منها وحاولت نبحث على الاسباب الحقيقيه والمسببات
ولكن يقول المثل المكتوب ينعرف من عنوانه
اعتقد بعد ردودي وردك هذا ماعاد لحد يقول لا الا اذا وده يكون مهب عاقل
وجاهل عاد هذا يرجع له هو اهمل نفسه عن عكاشه
اشكرك فعلا كملت النقاط على الحروف
العفو ياخوي حسن .. بالاخير كلن مسؤول عن اسرته وتصرفاته والمنتدى فقط للنقاش
والاستفاده من التجارب ماراح نستفيد شيء اذا عرفنا ان اللوم يقع على البنت او على الرجل
لكن اللي بنستفيده شحن النفوس امام هالتصرفات واستنكارها وتوضيح الخلل فيها والعواقب منها.
حبيب يابو علي