الشباب ..... أليسوا احيانا سبب تعاسة المجتمع

[JN000N]

والله تبي الصج
الفئه اللي ذكرتها منتشره وايد
عشان جي صار السن المناسب للزواج حق الرجل 30 وطالع ويالله يالله يركد بعد
ونفس الشي البنت من 24 او 25 وطالع جود تعلمت ان ماتقدر تعيش بدون رجل يسندها محد بينفعها لو امها وابوها صار فيهم شي

ولحد بليز يقول فئه بسيطه
روحو شوفو المشاكل ف الاستشارات العائليه والمحاكم عقب قولو بسيطه

[شيخ الديرة]

سحقا وتبا للشباب, وعليه قررنا أن يطفر الطفل من عمر 8 سنوات الى عمر 24 سنة دون المرور بمرحلة الشباب

[ام خليفه79]

كل ديرة فيها مقبرة

وفيها الزين والشين

والله يهدي الجميع رجال ونساء

بصراحة هذا النوع من الشباب وايد وربي عالم شلون يفكرون ما يهمهم شي لا حرمة ولا عيال وعايش حياته سفرات وروحات وطلعات وفي منهم قاط كل شي على الحرمة من راح المستشفى من خلص أوراق المدارس وغيرره من الأمور اللي المفروض الريال يسويها وفي العكس، وبالتالي صارت الحرمة تعتمد على نفسها وما تحتاج رجال في حياتها وتزيد نسبة الطلاق بحكم أن الرجال صار مثل المزهرية وجوده وعدم وجوده واحد بسبب الأسباب اللي ذكرتها


ربي يوفقك على المشاركة الصريحة

[ya3coub]

أبي ارافج هالي اتكلمون عنهم

كله اسمع بس ما قد رافجت احد من منهم ابي اعرف نظامهم اشلون و نوعيه تفكيرهم و الأسباب

أخوي A.R.Man جزاك الله خير انت عممت إلا شوي حسستني انهم 90% من الشباب

للعلم الشباب الصالح موجود بالدوحة و بكثرة و ما يسعى لشي غير رضاة رب العالمين و الوالدين

المشكلة تكمن بتخوف المجتمع منه و الحكم عليه قبل ما حتى يسوي اي شي

لما احد يحكم علي لصغر سني اني ما اقدر اقوم بمهام معينه سوائا دولية او محلية او حتى بوظيفتي!!!!!
لما حد يحكم علي اني ما اقدر افتح بيت و اكون مسءول عنه لصغر سني !!!!
لما احد يتعجب من فعل خير او انجاز يحققه شاب طموح و ما يصدق انه بدون مساعه !!!!!!!
لما يشوفون شاب بمكان معين "كتارا" صار ينربط بالمقولة او بالأفعال الشاذه و قد يكون يروح مرة بالسنة !!!!!!

الأب الي يزوج ولده و يدري انه موب كفو الخلل بالأب نفسه ما يبي المجتمع يشوف فشل تربيته
طبق المقوله المعروفه عندنا زوجوه بيعقل و كأن بنات الناس لعبه

الي كثير السفر مع ربعه من حقه يسافر اذا مأدي واجبه و حقه مع اهله و يسفرهم و يعيهم اولويه على ربعه
بو مو كل نهاية اسبوع مسافر مع ربعه بدون هدف معين
الراتب و الكشخه و اخر الموديلات كلها ما تجي بيوم و ليله الي ما يسوي من قليل ما بيسوي من كثير حتى لو راتبه ظ،ظ*ظ* ألف <<< كله من التربية و المسؤولية و الإعتماد عالنفس من البيت "التربية"


ترى مجتمعنا الي خلق لهالفئة اهمية و انتشار اكثر من اللازم بدل التحذير و المتابعه و التربية و متابعه الأصدقاء حتى بعد سن الــ19

نفس ما انتكلم عن الأجانب و نظرتهم لأهل قطر بالوظايف من الــ 18 سنة إلى الــ55 ترا حتى مجتمعنا إلى الآن في ناس تستنكر الخير من شباب الدولة "إلا بمعرفه شخصية"
و يعاني الشاب لأن بيجي احد من هالفئة مع واسطته بأي مكان و ياخذ أكثر من حقه <<< بكل شي ولا اتكلم عن الوظائف فقط

بالنهاية كله يعتمد عالتربية بالدرجة الأولى, و بعدها الأصدقاء, و بعدها نظرة و تقبل المجتمع الي فيه نسبة كبيرة من الجيل السابق الي ادمرو و كرفو و ما قصرو و صارت ما عندهم ثقة فالشباب

ولا ازال ابي ارافج هالفئة ابي افهمهم اكثر

[بريق الحق]

علموهم على الراحه ولا عندهم حس المسوؤليه ولاهم يحزنون وانا واحد اجووف السفر للوناسه يروح مع زوجته اما مع ربعه مكه كفايه الصراحه اعيال الحرام اكثرو الله يبعدنا عنهم

[الأسبانية للمصاعد]

صح انا ما عممت بس قصدي ان هالفئة هي من اسباب التصدع الاسري حاليا وليس السبب باكمله

ثاني شي انا حددت الموضوع بتعاسة المجتمع وليس فساد المجتمع

فبلييز لحد يخلط

[ya3coub]

صح انا ما عممت بس قصدي ان هالفئة هي من اسباب التصدع الاسري حاليا وليس السبب باكمله

ثاني شي انا حددت الموضوع بتعاسة المجتمع وليس فساد المجتمع

فبلييز لحد يخلط

اذا على التصدع الأسري اتفق معاك 1000% هالفئة اهي السبب

تعاسة المجتمع من تعاسة شبابها

لما يكون المجتمع بالأسباب الي ذكرتها بردي السابق فوق سبب لتعاسة هالشاب او الشابة

فبتالي ينخلق لدينا مجتمع فيه نسبة تعاسة

و يكبرون و تظل تعاستهم معاهم كونهم افرادا من هالمجتمع و تتحول من "الشباب سبب تعاسة المجتمع" إلى "المجتمع سبب تعاسة الشباب"


الفساد هاي مرحلة متقدمة بسبب التعاسة الي وصل إليها الشباب الي وصفتهم أخوي يبون الحلول السريعه و الي تؤدي للفساد

[jeep-srt8]

اعرف واحد

قاط مرته بيت هلها 3 شهور بدون سبب
شاري موتر بمبلغ وقدره عشان يزوده توه الموتر جديد ياجماعه
دعم الموتر توه وقطه ومايعرف وينه ومايبيه وابوه المسكين يرقع اموره ومشاكله
وساحب ع دوامه من شهور
لاحول ولا قوة الا بالله

ليه ؟ والكثير من عيالنا على نفس التفصيله ولله يهديهم

[sweet qatar]

في زمن ماضٍ أوفد أحد ملوك النصارى في أوروبا جاسوساً في عصر الدولة الأموية في بلاد الأندلس؛ ليكون عوناً وعيناً لهم على المسلمين، وحتى يقيس مدى درجة إيمانهم وصلاحهم وكرههم لأعداء الإسلام؛ ولكي يتحسَّس أخبار المسلمين، فإن وجد فيهم ضعفاً وهواناً أخبر العدو الصليبي لكي ينقض على المسلمين كما ينقض النسر أو الصقر على فريسته !

لكنَّ ذلك الجاسوس فوجئ حينما رأى شاباً يبكي؛ لأنَّه أصاب تسعة أسهم في الهدف من عشرة، فأخبر العدو الصليبي بذلك، فقالوا: إن كان شباب الإسلام على هذه الشاكلة فيستحيل أن نغزوهم عسكرياً؛ ولكنَّنا سنغزوهم فكرياً ونضعضع محبة الإسلام والقيام بشعائره في قلوبهم وجوارحهم حتَّى نجد الحال قد اختلف عندهم، وحينها يمكن احتلال ديارهم بكل سهولة ويسر.

وبالفعل قاموا بذلك وعندما عاد الجاسوس بعد مدَّة زمنيَّة؛ لكي يتفقد أحوال المسلمين وجد شاباً يبكي لأنَّ حبيبته تركته، فذهب فرحاً جذلاً للصليبيين وقال لهم: إنَّ هذه هي الفرصة المواتية لقتال المسلمين، واحتلال أرضهم.


نعم أتفق مع العنوان
الشباب سبب تعاسة المجتمع او تطوره


الوضع ما يطمن .. ولازم كل ولي أمر يغرس المسؤولية في نفوس عياله


مناظر مؤسفة نشوفها


شباب مهتم بشكل مبالغ فيه بالجمال والكشخة والتان !!

يهتمون بشكل أجسامهم وشكل عضلاتهم بس عشان الصور
وفي الأخير تشوفه يرقص ويفوشر بعد !!


الموضوع مب هجوم علي شباب قطر .. الي لازال فيهم الخير الكثير ولله الحمد


لكن حالات شفناها و نتمني تختفي

[QATAR 77]

كل واحد يحكم من البيئة الي حواليه فحكمه مقتصر على بيئته