http://www.qatarshares.com/vb/showth...ED%D1%E5/page3
يالله خذ هذي النوعية
http://www.qatarshares.com/vb/showth...ED%D1%E5/page3
يالله خذ هذي النوعية
يا رجال عرضت عقار صارت لي مواقف تنفع تصير حلقة في طاش ما طاش ههه خذ عندك :
اللي صادني اني راعي البيت وفي نفس الفريج و يسندري ليل نهار علشان يبيع البيت مع انه لوحة مكتب ثاني معلقة!!!!
اللي يدش البيت ويخربط برش علا تلفون المكتب المعلق اللي انا متفق معاه ويتصل لي يقولي انا من طرف راعي المكتب وجبتلك شراي يلا نروح التسجيل العقاري نسجل !!!!
هذا غير اللي مخسس في رفيجه بنفس المكتب ويتصل عل الشراي ويخرب البيعة ويجيب له بيت ثاني ارخص وعرفت بعدين انه علشان متهاوشين علا نصيب العمولة !!!
هذاغير اللي يجي يشوف العقار عن طريق السمسار ويجيني علشان يطير حق السمسرة وما خلا حدمن طوايف طوايفي (فضحني ههههههههه) يتوسط علشان السعر
اخر شي رحت عند الخطاط في سوق العلي وسويت لوحه عليها رقمي وتوفقت اموري ولله الحمد في اقل من اسبوع بدال شهرين عرض ومراكض وحرق اعصاب وخساس من شراي يقولك اشتري اشتري اخر شي يخرب البيعة ويقول ما اقدر ظروفي ما تسمح المسامحة الشيخ
الصراحة السالفة يبيلها تنظيم ومن قلب بعد لانه السوق انترس اشكال مالها داعي وبالاخير المواطن والاقتصاد هو المتضرر
العالم صارت مسعورة والخساس عندهم ببيزه
التعديل الأخير تم بواسطة BoFahed ; 02-09-2014 الساعة 03:07 PM
من أمن العقوبة أساء الأدب
و
لاتخاف من الغني إذا جاع ، خاف من الفقير إذا شبع
كثير مما يضعون اعلانات يكونون بتاشيرة زيارة ويشتغل في الدولة دون حسيب او رقيب حتى المدرسين يدخل الدولة بتاشيرة زيارة ويدرس بدون فحص طبي ولا يعرف اخلاقه مجرد يشتري تذكرة على القطرية ويعطى تاشيرة لمدة شهر ويجدد
Power is never given . It is taken
المفروض ممارسة مهنة الدلاله تكون بطريقة رسمية
يعني لازم يكون تابع لمكتب وله بطاقة تثبت هالشي من جهة رسمية لانها صارت عشوائية بشكل مؤذي
والشي الثاني يعدلون النسب 1% كانت على ايام اول يوم سعر الارض 100 و300 الف ريال يحط الدلال بجيبه 3000 لانه يتعب
الحين كل شي الكتروني وعالنت حتى لو تبي تشوف الارض ادخل رقم البن على برنامج البلدية وتعرف التفاصيل والمكان والدلال وظيفته مجرد مكالمة تلفونية واذا كثر يوصفلك المكان وفي اغلب الاحيان يكون ملقوف
و اخر شي يطالبك ب1% 50-60 الف على شنو!!!!!!!
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
المصيبه اشوف في بنات دشوا عالمجال !!!!