إفتتاح %80 من محلات السوق الصيني

[حمد 2002]

نبي التجاره بقطر اتكون بدون قيود نفس تايلند ،، وتقدر اتبيع من اي مكان وبدون قوانين ،، ووقتها الاسعار بتنخفظ وقولوا ماقلت ،،


حمد 2002

[بومحمد المطاوعه]

90 في الميه من الي يروحون دبي سواء قطريين او خليجين دراغون مول تكون وجهه اساسيه وضروريه لهم

أولهم انا

لأن صج في اشياء تستاهل المشترى واشياء ماتستاهل

والله نفس الي عندنا فالدوحه

قاصين علينا هني انها الماني او امريكي واخرتها صيني

[ابن البيطار]

كل شي نستخدمه من اجهزه واثات وغيره made in china .

[S S]

على حسب الدرجات اشوف رقم واحد ممتاز ام الدرجات الثانيه ماتستاهل انه الواحد ياخذها

[doha1]

زرت المحل الويك اند اللي راح بصراحه موقعه سيء جدا واختيار غير موفق لان ازدحام شديد ولا مع اول دوار فالصناعيه يعني خذ الضرب عشان تصيد اللفه

في محلات اكسسوارات للهواتف ومحل ورق جدران وفي ديكور وبلاط وغرف نوم واسعاره اشوفها غاليه وشي طبيعي بحكم الايجار غالي عندنا

يعني يبقى السوق الصيني في دبي افضل بصراحه ولكن نامل مع الوقت يصير تقدم ويفتحون فرع ثاني في موقع افضل من الحالي

[fzaa_qatar]

رحته من فتره وصراحه صراحه ما يستااااهل انك اتعب عمرك عشانه .. المنطقه والشوارع تحت الانشاء يعني الله يعينك ع الزحمه وعوار الراس ... كنت متفائل انه راح يكون سوق يعني سوق مثل اللي بدبي بس يوم دخلته ماكملت ربع ساعه ع السريع .. تقولي فيه مقارنه بينه وبين اللي فدبي لاااااا والف لااااا .. حتى البضاعه المعروضه ماتشدك ولا تقرب صوبها عطونا اسوء بضاعه عندهم للاسف .. عكس لمن تدخل السوق اللي فدبي عالم بروحه لا وقاعدين يسوون قدامه تنين ثاني واكبر منه بسبع مرات مع فنادق .. الملابس اللي فتنينا سيئه جداااا عكس اللي فتنين دبي شي خيالي ومتنوع وبعضها من كوريا ....... تحيه للي تعاقد معاهم ليش اهل قطر ما يستاهلون يعني ولا ... يا انهم يسوون شي محترم ولا يسكرونه احسن صرااااااحه .. اكيد كلكم راح تنين دبي مطاعم ومصليات واكشاك ودنيا داخل تنينهم .. تنينا كله ع بعضه كشك عند تنين دبي وسلامتكم ..

[الدمعه]

انا مارحت اللي هنيه ،،، بس اللي بدبي طبعا لازم امر عليه لكن الصيني اللي بدبي ترا اول مابدا مب مثل اللحين ،، ماكانت الاكشاك مفتوحه يمكن كانو كم واحد بس ومطاعم ،،، نهلك اذا بغينا نشرب والا ناكل ،،، وكان بصراحه مب كل شي الواحد ياخذه منه ،،، بس اللحين نعم سوق اذا رحت دبي لازم يومين نقضيها هناك لان يوم مايكفينا اليهال يتعبون بسرعه ،،، واسعاره زادت عن قبل بوايد بالذات يوم دخلوا الهنود معاهم والباقي طبعا اللحين اللي بيرؤح بيشوف عرب فاتحين محلات هناك ،،،

[QaTaRSouL]

السوق متواضع جدا ودرته كامل بعشر دقايق

[Noof_mz]

اول مره أدري انه مفتوح شكله للحين مااكتمل

[الجوكر90]

للاسف كنت الاسبوع الي طاف اهناك

بالعكس 70% المكان ليحين غير جاهز

والباعه للاسف كانوا غير متعاونين ابدا

اسلوب الباعه الصينيين للاسف سيء وتعال اذا كاسرتهم يخيسون النفس ويصرون ع سعرهم عاجبك اشتر مب عاجبك شوف غيري

وكل الباعه متفقين ع نفس السعر مافي مجال للمكاسر

واسعارهم عاديه جدا مب مغريه نفس دبي

للاسف قصوا علينا

انا بس لفت انتباهي اسلوب الصينيين للاسف مافي مرونه ابدا

الشيخ بقولك هاي طبع الصينيين جي
دوم مخيسين
صعب تحصل صيني بشوش
اخبر رحت الصين وتعاملت معاهم نفس الشي
وحتى فماليزيا نفس الشي
يعني بعطيك من الاخر
اذا قالك ب100 انت قوله سعري 60 ريال قالك حرك عطه طاف وحرك عنه اذا ناداك يعني تقدر تشتري ب65 او 70
او اذا تبي سعر زين قوله باخذ 10 قطع وبيعطيك سعر زين قوله غالي وخذ قطعه ولا قطعتين راح تحصل بسعر ارخص