النتائج 1 إلى 9 من 9

الموضوع: واخيرا تم القاء القبض على عصابه تقوم بابتزاز الرجال والنساء

  1. #1
    عضو الصورة الرمزية سبحانك اللهم
    رقم العضوية
    45777
    تاريخ التسجيل
    Aug 2013
    الدولة
    قلعة وادرين
    المشاركات
    333

    واخيرا تم القاء القبض على عصابه تقوم بابتزاز الرجال والنساء

    تم بعون الله تعالى القاء القبض على عصابه محترفه تقوم بسرقة رواتب الرجال والنساء دون علمهم وفي غفلة من امرهم وذلك بعد ورود عدة بلاغات من جهات مختلفه تتضمن اختفاء ارصدتهم ومدخراتهم دون علمهم
    وعند استجواب رئيسهم والعقل المدبر لهم اعترف على شركائه والمتعاونين معه في الجريمه والقي القبض عليهم جميعا وقدموا للجهات المعنيه واثناء التحقيق معهم استدعت الجهات المختصه احد المجني عليهم لعله يتعرف عليهم وهنا سأل المحقق المجني عليه هل تعرفت عليهم فاجاب المجني عليه نعم بل واعرفهم خير المعرفه فلطالما وثقت بهم وكنت على صلة وثيقة بهم فهم يعملون لدي في المؤسسه وقد وظفتهم بملىء ارادتي ولم يجبرني احد على ذلك وقد تعاقدت معهم على دفع اجور مختلفه تحدد على حسب تخصص ومؤهلات كل فرد منهم نظير قيامهم باعمال محدده لي وانني اعتذر لمضايقتكم وانني ارغب بسحب بلاغي هذا، فقبل المحقق ولكنه قال له ان قمت بتكرارفعلتك سنقوم بتحرير محضر ازعاج سلطات ضدك واغلقت القضيه.
    وعند اجتماع المجني عليه والمتهمين لتسوية مابينهم من خلاف بالطرق الوديه دار الحوار التالي بينهم:
    الطرف الاول: المجني عليه
    الطرف الثاني: المتهمين وهم سيارته ( رئيس العصابه) ومصاريف سيارته مثل المحروقات والصيانه الدوريه - فواتير شركات الاتصال من تلفونات وانترنت - مصروفاته على اكله وشربه وارتياده للمطاعم - مصاريفه على لبسه - مدفوعات لمخالفاته السنويه مثل الرادار والتجازات وقطع الاشارات والوقوف بالممنوع وغيرها - مصروفاته المتعلقه بالتجديد في حياته مثل شراء تلفون موديله جديد توه نازل - والفيزا ومشتريات الانترنت - وعطورات وساعات ونفقه زوجه ومصروف يهال ومدارسهم - واخيرا مصاريف متنوعه لاتعد ولاتحصى وهذا غير الفلوس الي اتبوقهم الخدامه ( انا ناااقص) اهو الميت نااقص اطراقاات

    ومسكين في الاخير يقول الراتب مايكفي ومادري وين اتروح افلوسي وصار لهم اسنين يقولون بنزيد الرواتب ولا زادوها ويطلع حرته في كل شافه قدامه حتى قانون الموارد البشريه ماسلم منه , واوقات يكون في جيبه 2000 ريال وفجأه وعقب يومين وعلى حين غره يبطل بوكه ومايشوف شي ومايحصل الا بطاقات واوراق قديمه وعملات معدنيه نادره فئة ابونص او بوربع وهذا محضوض اذا شاف افلوس سعوديه او اماراتيه بوخمس صار لها من على ايام الدوله العثمانيه في جيبه .
    وبيقول اكيييد انا باقووني واهني بيشتغل لنا المحقق كونن الي بيمسك خيوط وادله علشان اتوصلنا للحراميه, وكل مره بيطلع الي باق الفلوس الخدامه حتى لو ماكان في البيت اصلا خدامه . ( محد باقك بس انت شوف نفسك وين قاعد تصرف افلوسك)
    -------------
    تبي طرق وتوجيهات ونصائح علشان اتقل مصاريفك مثل ما احنا قاعدين انشوف طرق ترشيد استهلاك الكهرباء والماء.

    باتكلم لك بس عن رئيس العصابه الي هو ( سيارتك) الي يستقطع الجزء الاكبر وصاحب الحظ الاوفر من راتبك ,

    ( السياره)
    باعطيكم مثال :
    شاب في مقتبل العمر ومن ضروريات الحياه انه يشتري له سياره صح علشان يقضي ابها مصالحه
    راتبه20 الف
    شرى سياره سعرها 400 الف
    ومع التامين والعازل الحراري والحمايه والتسجيل لدى المرور صار سعرها 430 الف
    ومع ارباح البنك لمدة 4 سنوات اجمالي المبلغ 530 الف والقسط لمدة 48 شهر بيكون 11040 ريال - ولمدة 6 سنوات الاجمالي بيكون 544 الف والقسط 7550 لمدة 72 شهر
    يعني لمدة 4 سنوات الاستقطاع من الراتب يعادل 57% وهذي نسبه عاليه واعلى حد لتمويل البنوك - ولمدة 6 سنوات الاستقاع 38% وهذي النسبه مخيفه ووذلك لطول مدتها
    ربح البنك مع التامين والعازل 130 الف وهي افلوس ضايعه وغير مسترجعه ونسبتها 14% - ولمدة 6 سنوات ربح البنك 144 الف والقيمه الضايعه للراتب نسبتها 10%


    والمقصود بالنسبه الضايعه اهو القيمه الغير مسترجعه يعني انها محسوبه عليك ولا تقدر اتعوضها فالسياره مثلا تدفع افلوس عليها وتقدر اتبيعها وتسترجع جزء كبير من قيمتها وقت شرائها اما التامين ينتهي بعد سنه وماتقدر تسترده وارباح البنك محسوبه عليك ولازم تدفعها فمثلا لو حجزت في فندق ليله وعقب طلعت هذي خلاص افلوس دفعتها وماتقدر تسترجعها ولا تقدر اتعوض وتسترد جزء منها لانها تعتبر من الخدمات وذلك بخلاف السلع الي تقدر اتبيعها , فمثلا اذا شريت لك جوال تقدر اتبيعه بعد فتره وتسترجع جزء من قيمته الاصليه وقت الشراء،

    انزين هذا احنا الحين عرفنا القيمه الضائعه الغير مسترده وغالبا ماتكون في الخدمات وتكون في السلع ايضا ولكن بنسب متفاوته تزيد هذه النسب مع التقادم
    وباقول وباكرر لكم ان اخطر شي هو (القيمه الضائعه او الفاقد من القيمه الاصليه ) وبيكون تركيزنا كله عليه لان هذا الي امطفشنا ابصراحه ولاعب في حسبتنا بدون ماندري,
    ولو رجعنا الى السياره علشان انشوف الفاقد منها سنويا بنشوف جذي صار سعرها.


    السياره الي شريناها اب 400 الف وقت الشراء
    وفي نفس السنه الفاقد 15 % يعني صار سعرها 360الف
    وبعد سنه الفاقد منها 20% صار سعرها 340 الف
    وبعد سنتين الفاقد منها 25% صار سعرها 300 الف
    وبعد ثلاث الفاقد منها 30% صار سعرها 280الف
    وفي الرابعه الفاقد منها 35% صار سعرها 260 الف
    وفي الخامسه الفاقد منها 40% صار سعرها 240 الف

    والي ممكن انلاحظه ان في بداية شراء السياره وبعد سنه من شرائها يكون فيها اكبر نسبة فاقد اما باقي السنين يكون الفاقد فيها نسبته بسيطه ومعقوله

    يعني سياره انت شريتها جديده عن طريق البنك وتبي اتبيعها بعد سنه من استخدامها بتخسر فيها 20% وهذا هو الفاقد فيها
    لو بنحسبها كم بيستقطع هذا الفاقد من راتبك راح تكون نسبته 17 % ومع الفاقد من ارباح البنك بيصير 17%+14%=31% يعني
    الي راتبه 20 الف مثل ماقلنا فوق بيضيع منه 6200 ريال شهريا والنسبه 31% واايد عاالي

    انزين ممكن الواحد يقولي انزين اهني المشكله وعرفناها شنهو الحل وانا باقول لكم الحل في عدة نقاط

    1- لاتشتري سياره غاليه يكون قسطها اعلى من امكانياتك واذا تبي تشتري سياره غاليه اخذ لك سياره مرغوووبه وحاول تشتريها مستعمله سنه او اكثر علشان يقل الفاقد عليك
    2- حاول تدفع دفعه اولى كبيره للبنك كثر ماتقدر علشان يقل الفاقد عليك
    3- حاوله اتقلل مدة فترة السداد للبنك علشان اتقل ارباح البنك وبالتالي يقل الفاقد عليك
    4- اشتر سياره مرغوبه وعليها طلب في السوق علشان الي يحدد اي سلعه في السوق هو العرض والطلب فمثلا لو انت في صحرا وماعندك ماي وعطشان وعندك 100 الف ريال وجاك واحد وقالك بابيعك طن ذهب اب1000 ريال وقالك وبابيعك غرشة الماي اب100 الف ريال انت بتختار الماي لان الطلب على الماي بالنسبه لك اكبر من الذهب وانت في البر وعطشان،
    وعلشان جذي السياره المرغوبه يكون الطلب عليها عالي وبتجيب لك قيمه مناسبه وبتقدر اتبيعها في وقت سريع وقياسي وبيقل عندك الفاقد.
    5- اختار لون مرغوب لسيارتك مثل اللون الابيض حتى لو انت ماتحب هاللون ومب مقتنع فيه وعلى قولتهم اشتر شي الناس تبيه حتى لو انت ماتبيه واخيرا حافظ على سيارتك علشان يقل الفاقد منها واهتم بمنظرها الخارجي ولونها وحاسب لايصيبها صبغ او تندعم او تتشمخ لان هذا هو اكثر شي ينزل سعر سيارتك وعلشان تتفادى الفاقد من قيمتها ,
    وشكرا لكم.

  2. #2
    تميم المجد الصورة الرمزية دايموند
    رقم العضوية
    34588
    تاريخ التسجيل
    Oct 2010
    الدولة
    َQatar
    المشاركات
    3,249

  3. #3
    عضو مميز
    رقم العضوية
    45133
    تاريخ التسجيل
    May 2013
    المشاركات
    1,291
    الواحد لين يبي يشتري الموتر , لازم يشتريه على قده , و أهم شيء التخطيط للمستقبل وتخطيط للادخار , يعني مب شرط أشتريه أول شهر توظيف

  4. #4
    تميم المجد الصورة الرمزية Charisma
    رقم العضوية
    21588
    تاريخ التسجيل
    Jul 2008
    الدولة
    Sky
    المشاركات
    10,023
    اقتباس المشاركة الأصلية كتبت بواسطة سبحانك اللهم مشاهدة المشاركة
    تم بعون الله تعالى القاء القبض على عصابه محترفه تقوم بسرقة رواتب الرجال والنساء دون علمهم وفي غفلة من امرهم وذلك بعد ورود عدة بلاغات من جهات مختلفه تتضمن اختفاء ارصدتهم ومدخراتهم دون علمهم
    وعند استجواب رئيسهم والعقل المدبر لهم اعترف على شركائه والمتعاونين معه في الجريمه والقي القبض عليهم جميعا وقدموا للجهات المعنيه واثناء التحقيق معهم استدعت الجهات المختصه احد المجني عليهم لعله يتعرف عليهم وهنا سأل المحقق المجني عليه هل تعرفت عليهم فاجاب المجني عليه نعم بل واعرفهم خير المعرفه فلطالما وثقت بهم وكنت على صلة وثيقة بهم فهم يعملون لدي في المؤسسه وقد وظفتهم بملىء ارادتي ولم يجبرني احد على ذلك وقد تعاقدت معهم على دفع اجور مختلفه تحدد على حسب تخصص ومؤهلات كل فرد منهم نظير قيامهم باعمال محدده لي وانني اعتذر لمضايقتكم وانني ارغب بسحب بلاغي هذا، فقبل المحقق ولكنه قال له ان قمت بتكرارفعلتك سنقوم بتحرير محضر ازعاج سلطات ضدك واغلقت القضيه.
    وعند اجتماع المجني عليه والمتهمين لتسوية مابينهم من خلاف بالطرق الوديه دار الحوار التالي بينهم:
    الطرف الاول: المجني عليه
    الطرف الثاني: المتهمين وهم سيارته ( رئيس العصابه) ومصاريف سيارته مثل المحروقات والصيانه الدوريه - فواتير شركات الاتصال من تلفونات وانترنت - مصروفاته على اكله وشربه وارتياده للمطاعم - مصاريفه على لبسه - مدفوعات لمخالفاته السنويه مثل الرادار والتجازات وقطع الاشارات والوقوف بالممنوع وغيرها - مصروفاته المتعلقه بالتجديد في حياته مثل شراء تلفون موديله جديد توه نازل - والفيزا ومشتريات الانترنت - وعطورات وساعات ونفقه زوجه ومصروف يهال ومدارسهم - واخيرا مصاريف متنوعه لاتعد ولاتحصى وهذا غير الفلوس الي اتبوقهم الخدامه ( انا ناااقص) اهو الميت نااقص اطراقاات

    ومسكين في الاخير يقول الراتب مايكفي ومادري وين اتروح افلوسي وصار لهم اسنين يقولون بنزيد الرواتب ولا زادوها ويطلع حرته في كل شافه قدامه حتى قانون الموارد البشريه ماسلم منه , واوقات يكون في جيبه 2000 ريال وفجأه وعقب يومين وعلى حين غره يبطل بوكه ومايشوف شي ومايحصل الا بطاقات واوراق قديمه وعملات معدنيه نادره فئة ابونص او بوربع وهذا محضوض اذا شاف افلوس سعوديه او اماراتيه بوخمس صار لها من على ايام الدوله العثمانيه في جيبه .
    وبيقول اكيييد انا باقووني واهني بيشتغل لنا المحقق كونن الي بيمسك خيوط وادله علشان اتوصلنا للحراميه, وكل مره بيطلع الي باق الفلوس الخدامه حتى لو ماكان في البيت اصلا خدامه . ( محد باقك بس انت شوف نفسك وين قاعد تصرف افلوسك)
    -------------
    تبي طرق وتوجيهات ونصائح علشان اتقل مصاريفك مثل ما احنا قاعدين انشوف طرق ترشيد استهلاك الكهرباء والماء.

    باتكلم لك بس عن رئيس العصابه الي هو ( سيارتك) الي يستقطع الجزء الاكبر وصاحب الحظ الاوفر من راتبك ,

    ( السياره)
    باعطيكم مثال :
    شاب في مقتبل العمر ومن ضروريات الحياه انه يشتري له سياره صح علشان يقضي ابها مصالحه
    راتبه20 الف
    شرى سياره سعرها 400 الف
    ومع التامين والعازل الحراري والحمايه والتسجيل لدى المرور صار سعرها 430 الف
    ومع ارباح البنك لمدة 4 سنوات اجمالي المبلغ 530 الف والقسط لمدة 48 شهر بيكون 11040 ريال - ولمدة 6 سنوات الاجمالي بيكون 544 الف والقسط 7550 لمدة 72 شهر
    يعني لمدة 4 سنوات الاستقطاع من الراتب يعادل 57% وهذي نسبه عاليه واعلى حد لتمويل البنوك - ولمدة 6 سنوات الاستقاع 38% وهذي النسبه مخيفه ووذلك لطول مدتها
    ربح البنك مع التامين والعازل 130 الف وهي افلوس ضايعه وغير مسترجعه ونسبتها 14% - ولمدة 6 سنوات ربح البنك 144 الف والقيمه الضايعه للراتب نسبتها 10%


    والمقصود بالنسبه الضايعه اهو القيمه الغير مسترجعه يعني انها محسوبه عليك ولا تقدر اتعوضها فالسياره مثلا تدفع افلوس عليها وتقدر اتبيعها وتسترجع جزء كبير من قيمتها وقت شرائها اما التامين ينتهي بعد سنه وماتقدر تسترده وارباح البنك محسوبه عليك ولازم تدفعها فمثلا لو حجزت في فندق ليله وعقب طلعت هذي خلاص افلوس دفعتها وماتقدر تسترجعها ولا تقدر اتعوض وتسترد جزء منها لانها تعتبر من الخدمات وذلك بخلاف السلع الي تقدر اتبيعها , فمثلا اذا شريت لك جوال تقدر اتبيعه بعد فتره وتسترجع جزء من قيمته الاصليه وقت الشراء،

    انزين هذا احنا الحين عرفنا القيمه الضائعه الغير مسترده وغالبا ماتكون في الخدمات وتكون في السلع ايضا ولكن بنسب متفاوته تزيد هذه النسب مع التقادم
    وباقول وباكرر لكم ان اخطر شي هو (القيمه الضائعه او الفاقد من القيمه الاصليه ) وبيكون تركيزنا كله عليه لان هذا الي امطفشنا ابصراحه ولاعب في حسبتنا بدون ماندري,
    ولو رجعنا الى السياره علشان انشوف الفاقد منها سنويا بنشوف جذي صار سعرها.


    السياره الي شريناها اب 400 الف وقت الشراء
    وفي نفس السنه الفاقد 15 % يعني صار سعرها 360الف
    وبعد سنه الفاقد منها 20% صار سعرها 340 الف
    وبعد سنتين الفاقد منها 25% صار سعرها 300 الف
    وبعد ثلاث الفاقد منها 30% صار سعرها 280الف
    وفي الرابعه الفاقد منها 35% صار سعرها 260 الف
    وفي الخامسه الفاقد منها 40% صار سعرها 240 الف

    والي ممكن انلاحظه ان في بداية شراء السياره وبعد سنه من شرائها يكون فيها اكبر نسبة فاقد اما باقي السنين يكون الفاقد فيها نسبته بسيطه ومعقوله

    يعني سياره انت شريتها جديده عن طريق البنك وتبي اتبيعها بعد سنه من استخدامها بتخسر فيها 20% وهذا هو الفاقد فيها
    لو بنحسبها كم بيستقطع هذا الفاقد من راتبك راح تكون نسبته 17 % ومع الفاقد من ارباح البنك بيصير 17%+14%=31% يعني
    الي راتبه 20 الف مثل ماقلنا فوق بيضيع منه 6200 ريال شهريا والنسبه 31% واايد عاالي

    انزين ممكن الواحد يقولي انزين اهني المشكله وعرفناها شنهو الحل وانا باقول لكم الحل في عدة نقاط

    1- لاتشتري سياره غاليه يكون قسطها اعلى من امكانياتك واذا تبي تشتري سياره غاليه اخذ لك سياره مرغوووبه وحاول تشتريها مستعمله سنه او اكثر علشان يقل الفاقد عليك
    2- حاول تدفع دفعه اولى كبيره للبنك كثر ماتقدر علشان يقل الفاقد عليك
    3- حاوله اتقلل مدة فترة السداد للبنك علشان اتقل ارباح البنك وبالتالي يقل الفاقد عليك
    4- اشتر سياره مرغوبه وعليها طلب في السوق علشان الي يحدد اي سلعه في السوق هو العرض والطلب فمثلا لو انت في صحرا وماعندك ماي وعطشان وعندك 100 الف ريال وجاك واحد وقالك بابيعك طن ذهب اب1000 ريال وقالك وبابيعك غرشة الماي اب100 الف ريال انت بتختار الماي لان الطلب على الماي بالنسبه لك اكبر من الذهب وانت في البر وعطشان،
    وعلشان جذي السياره المرغوبه يكون الطلب عليها عالي وبتجيب لك قيمه مناسبه وبتقدر اتبيعها في وقت سريع وقياسي وبيقل عندك الفاقد.
    5- اختار لون مرغوب لسيارتك مثل اللون الابيض حتى لو انت ماتحب هاللون ومب مقتنع فيه وعلى قولتهم اشتر شي الناس تبيه حتى لو انت ماتبيه واخيرا حافظ على سيارتك علشان يقل الفاقد منها واهتم بمنظرها الخارجي ولونها وحاسب لايصيبها صبغ او تندعم او تتشمخ لان هذا هو اكثر شي ينزل سعر سيارتك وعلشان تتفادى الفاقد من قيمتها ,
    وشكرا لكم.

    موضوعك جميل بس يبيله اتكي مع بقصم وشاي
    للاسف النصب صار في كل مكان والامانه مفقوده.

    سبحانك اللهم وبحمدك اشهد ان لا اله الا انت استغفرك واتوب اليك.

  5. #5
    عضو مؤسس الصورة الرمزية غايه الطواش
    رقم العضوية
    34713
    تاريخ التسجيل
    Oct 2010
    الدولة
    قاع البحر
    المشاركات
    10,320
    لازم ارجع له وقت اكون فاضيه و افهم عدل

    علمت أن رزقي لن يأخذه غيري فطمأن قلبي
    وعلمت ان عملي لا يقوم به غيري فاشتغلت به وحدي



  6. #6
    عضو الصورة الرمزية سبحانك اللهم
    رقم العضوية
    45777
    تاريخ التسجيل
    Aug 2013
    الدولة
    قلعة وادرين
    المشاركات
    333
    اقتباس المشاركة الأصلية كتبت بواسطة Pilot مشاهدة المشاركة
    موضوعك جميل بس يبيله اتكي مع بقصم وشاي
    للاسف النصب صار في كل مكان والامانه مفقوده.
    هو الموضوع مش موضوع نصب لان محد جبرنا نتخذ هالقرارات الي ممكن تستنزف جزء كبير من مدخراتنا واحنا مش داريين عنها

  7. #7
    Banned
    رقم العضوية
    33882
    تاريخ التسجيل
    Aug 2010
    المشاركات
    33,270
    الصراحه يبيله قعده الموضوع من شكله مهم
    قريت قرايه طايره شقحت مثل بوحارب اسطر
    ولكن كان الفكره واضحه شوي بالنسبه لي
    الموضوع شكله جميل بس الطول خرب عليه شوي يمكن

    لي عوده

  8. #8
    Banned
    رقم العضوية
    33882
    تاريخ التسجيل
    Aug 2010
    المشاركات
    33,270
    الموضوع شكله اقتصادي

    بس انت بنيت على حياه فخفخه وبطره وهذا مايسير

    يعني انا مهب معقوله اشنري سياره ب 400الف وانا ارتبي 20 الف يااخي باشتري
    اقل شي بو150 الف على الاقل
    وبعدين شي اكيد ان سعر السياره يقل لا تنسى ضريبه الاستخدام

    شوف انا امشي على نظريه العقل اما الجنون ماله فيه الحمدلله

    كل 3 سنوات او اربع اغير
    اولا استمتعت فيها وثانيا سعرها افضل
    يعني السنه ذي بعت سيارتين وشريت سيارتين
    مثال

    شريت استاندر للبحر ب 155 الف على مااضن وبعت القديم ب 95 الف
    فكم الفرقيه 60 الف
    نقول لو انا مستاجر السياره سنويا وهي جديه شهريا مش اقل من 4000 ريال لو نقول
    في السنه الولى 48الف ولو فرضنا السنه اللي وراها ب 3000 في الشهر وفي السنه36 الف
    واللي عقبها 2000 شهريا في السنه 22 الف والسنه الرابعه قول 1000 شهريا وفي السنه 12 الف احسب هل المجموع كلهم كم يطلع لك المجموع يطلع 118 الف وانا كنت شاري الموتر مستعمل ب 130 الف مستعمل ماشي 5 الاف
    وبعته ب 95الف ريال يعني تطلع خسارتي على الاربع سنوات 12 الف ريال بين قيمه الايجار والشراء
    يعني يعتبر انا ربحان ربح محد يحلم فيه رقم ان الاسعار الايحاريه انا خفضت منها ويمكن تكون اكثر بكثير
    من قيمه السياره الحقيقه

    هذه هي نظريتي في تبديل السياره بدايه السنه الرابعه على طول المعرض والسعر اللي تجيبه واعتبر انا الربحان

    وشكرا

  9. #9
    تميم المجد الصورة الرمزية R 7 A L
    رقم العضوية
    34949
    تاريخ التسجيل
    Oct 2010
    الدولة
    Qtr
    المشاركات
    35,984
    نبي حد يفهمنا يا جماعه
    ارقام وحسابات مختصرة
    ارتقوا فإن القاع مزدحم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •