التسجيل العقاري
رغم احباطنا عندما علمنا انهم لن ينتقلوا الى مكان جديد الا أننا تفائلنا بتغييرات المداخل وديزاين وطريقة استقبال وخدمة العملاء ، الا ان هذا التفاؤل تلاشى عندما جربت اخلص معاملة عندهم ، رجعنا لنفس القصة والحوسة ، صف تحت اكتب طلب روح فوق عند الكونتر ، محد خلصك ، لف لهم من ورا تحصل الشباب قاعدين بيخلصونك بيعطونك الاوراق روح مكتب التدقيق عقب روح ادفع الرسوم عقب ارجع حق التدقيق بيطرشونك الطابق الثالث والرابع .... الخ ، وردت حليمة لعادتها القديمة(انا اختصرت لكم قصة معاملة انتهت بثلاثة ايام)
سؤال واقعي : اللي سووا هالتغيير في المكاتب وارقام الدور كان من صجه يبي يخدم الناس ويخلص امورهم ولا بس يبي يراولي الوزير الجديد انه اضاف شي جديد ؟ وهل الوزير الجديد مقتنع بالتغيير ؟
اترك التعليق للاخوان والاخوات