التجارة في الانستقرام <<< و سعر المندوب !!!!!

[حمد 2002]

دام انج او انك راضي
خل الناس ترزق بالحلال شنو يعني 50 ريال وهو في ها الزحمة وانت او انتي متكي في البيت وجيك الغرض لباب البيت

كفوووو

[aziz4z]

مرة أختي طلبت مني أجيب لها شيء من بيت رفيجتها , ضيعت لين دورت البيت , يعني بالراحة ساعتين في الشارع , فأعتقد 50 ريال مقبولة
بس أحسن شيء تطلب من الانترنت و هم اللي يتكفلون بالتوصيل للبيت , تريح راسك

[.:: القيصر ::.]

السلام عليكم

طلبات النت افضل

و بخصوص الكيكة الفلانية و الطبخة العلانية

و الكافي المذهل و البستوك المبهر

انا كرجل اطلع طريقتهم من النت و اطبعها لأم عبدالله

و تسوي لي كل شي ومن بعدها تعلم الخدم الطريقة و تنزل الأوامر على الخدم سووا الشي الفلاني و الشي العلاني

ابسط شي انا طالب بدلات من اسبانيا الشحن بالــ dhl طلع لي 11 دولار المدة من 4-7 أيام التوصيل لين باب البيت و اللي توقع خدامتي ( سميه ) انها استلمت الشحنه

و اذا ارامكس دريولي ( يحيى ) يروح يجيب الغرض

ما امشي لهم راتب على الفاضي

وفي النهاية اللي بيشتري هو الكسول و اللي يدور الراحة فاجتهد الله لا يهينك نفس ما تطلب من المجتهدين

و اذا تبي الزين ( بحر الانترنت ) متواجد على الساحة الفنية

وشكراً على الموضوع

[يمامـة]

وعليج و رحمة الله ..

بغض النظر عن الجنسية ..

إن كان برضى جميع الأطراف و مافي مانع شرعي

فنخليهم يترزقون ..


أما إن كانت هناك زيادة واضحة في اجرة المندوب ، فلا بد من إيجاد حل ..

أو ان الشخص لا يشتري عن طريقهم و يريح باله ..

مع التحية ..

اتفق مع هالرأي

[عاشق العديد]

اخبر مره كنت طالب شي

قالو لي بضاعه ب40 وتوصيل ب 40 قلت مايحتاي مندوب انا بجي باخذ اغراضي الا راعي موضوع عيه

قلت له اسمع عيل تبي تبيع اغراضك انت تعطي مندوب هاي مشكلتك مب مشكلتي
ماتمشي راتبه علينا
وبس والله طنشت له وخليت اغراضه عنده وخليت فلوسي عندي ولقيتهم عقب فتره ب 15 ريال وجاني لين البريد ششغل عدل موو

[CH Engineer]

التاجر متفق مع المندوب يعطيه راتب شهري او مرات النص بالنص.. هالسبب الي يخلي التاجر يرفض لان المبلغ يروح لجيبه
وان شاء الله هالتصرفات خيره لانها تخلي الناس ادور البديل

[alsoq]

الحين البعض لا راح يغسل سيارته دز الهندي ب 30 ريال بخشيش او مطعم يعني الدنيا ماشيه كذا بقطر البخشيش لازم في اي مكان

ان لو بتروح او انتي لبيت التاجره يمكن زحمه وتبون وقت على ما دلون بيتها اشلكم بالحوسه اشتر راحتك ب 50 ريال

والبعض يصرف 500 ريال ما يدري بشنو صرفها

[قطريه ماركه]

خوش تجاره للمبتدئين

اذا المدخول 6000 ريال.. اذا دريول معاشه الف وسياره قسطها الف و 4000 ارباح

6 دريوليه = 24 الف

وشغل 16 ساعه يوميا

يالله .. فكره مجانيه

الحمد لله انه في ناس فهمت الموضوع
و تتكلم في صلب الموضوع

[قطريه ماركه]

اشكر الجميع على المرور
سواء اللي معاي بالراي او اللي ضدي

لاني ما نزلت الموضوع عشان الكل يأيدني

اللي فهم الموضوع خير و بركة و اللي ما فهم ان شااااء الله يرد يقراه مرتين و ثلاث

[qatari 111]

الشباب يطلبون قطع غيار من الحسا مع التوصيل لين دوار الصناعيه ب150 ريال .. والمندووب عندنا وداخل الدوحه ب50 ريال ؟؟!!!